لباده في الكاوتش

[kagawa]

عربيتي النوبيرا وانا بشيك علي الكاوتش لاحظت
حاجه كده زي اللباده الصوف حجمها صغير جوه خط من خطوط الكاوتش
انا قلت حاجه لازقه في الكاوتش حاولت اشدها معرفتش
وسعت حواليها لقيت قطع صغير قوي زي ما يكون ليها جذر جوه الكاوتش يعني طالعه من جوه لبره
وضغط هوا الكاوتش زي ما هو
هل اللباد ده من مكونات الكاوتش ؟ وايه سبب خروجه ...؟؟
وشكرا ليكم

؟؟

[EslaM_NagY]

العجلة دى مخرومة ومتركبلها خابور (الى هو ظاهر منه الجزء الى حضرتك مسكته وكنت عايز تفكه)

لو شيلته العجلة حتنام لانه سادد الخرم.

انا شخصيا مش بحب الخوابير ودايما بعملها لحام داخلى.

[ابو لؤى]

فعلا ده خابور هو بيكون عامل زى الدبارة اول مايتركب وطبعا بعد فتره اكيد هيكون زى ماحضرتك وصفت

[AhMeD MeTwAlY]

دا خبور

[kagawa]

العجلة دى مخرومة ومتركبلها خابور (الى هو ظاهر منه الجزء الى حضرتك مسكته وكنت عايز تفكه)

لو شيلته العجلة حتنام لانه سادد الخرم.

انا شخصيا مش بحب الخوابير ودايما بعملها لحام داخلى.

شكرا لرد حضرتك طب والعمل ايه دلوقتي هو كبس الهوا جوا الكاوتش زي ما هو

انا كده ها خاف امشي بيها ... يعني ممكن الكاوتش يفرقع ؟؟؟

طب النصيحه ايه الحمه ولا اشتري جديد ؟؟؟؟

..

..

[kagawa]

فعلا ده خابور هو بيكون عامل زى الدبارة اول مايتركب وطبعا بعد فتره اكيد هيكون زى ماحضرتك وصفت

فعلا عامل زي الدوباره الله يفتح عليك اكنه حتت دوباره خارجه من الكاوتش انت كانك شايفه
معايا ...

..

..

[EslaM_NagY]

شكرا لرد حضرتك طب والعمل ايه دلوقتي هو كبس الهوا جوا الكاوتش زي ما هو
..

..

العفو على ايه

متعملش اااااااااااااااااااااااااااااااى حاجة هى كدة متصلحة مش محتاجة اى تدخل منك تانى.

والضغط لو بتسال ان كان متغير ف لا اضبط زى الباقى.

[EslaM_NagY]

شكرا لرد حضرتك طب والعمل ايه دلوقتي هو كبس الهوا جوا الكاوتش زي ما هو

انا كده ها خاف امشي بيها ... يعني ممكن الكاوتش يفرقع ؟؟؟

طب النصيحه ايه الحمه ولا اشتري جديد ؟؟؟؟

..

..

متخفش مش حاجة مش حيفرع ان شاء الله


لا تلحم ولا تشترى جديد امشى عليه كدة زى ما هو.

[ZOoOoMA]

ده خابور و امشي عليه عادي جدا مفيش منه اي خوف او قلق

[Ahmed Nasser]

اهم حاجة ماتذودش الفردة دى اكتر من 35
لانها لو زادت عن كدة الخبور هينفس

[kagawa]

ده خابور و امشي عليه عادي جدا مفيش منه اي خوف او قلق

الف شكر يا صديقي طمنتني ...


...

[kagawa]

اهم حاجة ماتذودش الفردة دى اكتر من 35
لانها لو زادت عن كدة الخبور هينفس

لا يا استاذ احمد انا عمري ما ذودت عن 30 .. بس انا نفسي اعرف ايه اللي طلعه دلوقتي
بقاله فتره طويله مش باين ..

تحياتي ليك

[Mohamed ELOoL]

عادي ممكن يكون بتا الكاوتش .. مقصش الخبور عدل ... عادي مش حوار

[ابو لؤى]

باشا تبيع العربيه دى على عيبها كده وامرى لله ههههههههههههههه ده انا كان عندى فرده فيها 4 خوابير وبعد كده بقيت اللحم داخلى ماتقلقش ياكبير

[kagawa]

باشا تبيع العربيه دى على عيبها كده وامرى لله ههههههههههههههه ده انا كان عندى فرده فيها 4 خوابير وبعد كده بقيت اللحم داخلى ماتقلقش ياكبير

صدق اللي قال يااستاز احمد ان العربيات ماشيه علي شويه هوا
قبل ما اشوف الخابور اللي طلع ده كنت بجري دلوقتي ماشي كاني علي بالونه مستني انها تفرقع
فاعذرني دي اول مره يطلعلي خابور ها ها ها

ثانيا ياباشا العربيه وصاحب عربيه هديه ليك بس ها تدبس في فردتين كاوتش علي الاقل
وبعدين الي فيها الفبريكه الهانكوك ....

ثالثا شكرا علي اعجابك بالموضوع

تحياتي ...

..