هو كل الجنوط واحد ؟؟؟؟؟؟؟؟؟؟؟؟؟؟؟؟؟؟؟؟

[wael61]

انا عايز جنوط لماتريكس مقاس 14 حديد 4 مسمار
انا لقيت جنوط مقاس 14 وبرضو 4 مسمار كتير بس التاجر مش عارف اذا كانوا بتوع ماتريكس ولا لا
فهل الجنوط بتختلف من عربية للتانية حتى لو كان نفس المقاس
وهل خطر انى اركب منهم لو كان فى اهختلاف
شكراً لسعة صدركم

[saddam]

صديقي المواطن
طبعا الجنوط في نفس المقاس بتختلف ولكن.لا يوجد خطورة لو.ركبت جنط وركب عندك وناسب المسامير وفتحة الداير الوسطية وبالتوفيق العربية تروح ويتجرب عليها أفضل

ودمتم للنضال

[wael61]

صديقي المواطن
طبعا الجنوط في نفس المقاس بتختلف ولكن.لا يوجد خطورة لو.ركبت جنط وركب عندك وناسب المسامير وفتحة الداير الوسطية وبالتوفيق العربية تروح ويتجرب عليها أفضل

ودمتم للنضال

شكرا لردك الكريم اخى المواطن saddam
ودمت انت ايضاً للنضال

[wael61]

ياريت باقى الاعضاء تدينا ارائها

[wael61]

للتذكير ياريت حد يرد عليت

[svneleven]

حضرتك ده كان موضوع أنا كتبته في منتدي تاني. يا ريت يفيدك.
"يا جماعة كان في واحد من الأعضاء هيشتري جنوط من بره و كان بيسأل عن معلومات عن الجنوط و أنا كتبت له الحاجات ديه بس قولت أحطها بردو في مشاركة جديده عشان كل الناس تستفيد.
و ان شاء الله هحاول كل كام يوم أكتب معلومات عن الكاوتش و الجنوط للي يحب يستفيد و ان كنت عارف ان المنتدي هنا فيه وحوش عارفين كل حاجه بس بردو يمكن حد يستفيد من معلوماتي البسيطة.
المهم ديه شوية حاجات لازم تخلي بالك منها و أنت بتشتري الجنط خصوصا لو هتجيبه من بره أقصد مش هتعرف تجربه عملي علي عربيتك قبل ما تشتريه:
Offset: الألمان بيسموه ET وهو المسافة بين وش الجنط اللي بيركب عليه المسامير و بين منتصف الجنط و المفروض تلاقيه علي الجنط بتاعك عباره عن رقم مكتوب جنبه ET. المهم ده لو زودته عن الرقم اللي عندك الجنط لما تركبه هيدخل ناحية موتور العربيه و ممكن يحك و لو قللته الجنط هيخرج لبره يعني هيبعد عن الموتور و هيحمل علي المسامير و يدايقك و أنت بتحود. فانصحك ما تغيروش كتير. يعني لو 49 مثلا أخرك تخليه 50 أو 51 و ممكن 48.
BCD - Bolt Circle diameter ده عبارة عن قطر الدايرة اللي موصلة المسامير ببعض.
Bolt pattern: ده عباره عن رقمين مثلا 4x100 يعني 4 مسمار و 100 هو BCD. و بردو هتلاقيه علي الجنط , لو غيرته الجنط الجديد مش هيركب.
HCB او Hub Center Bore ده بقي الفتحه اللي في نص الجنط من ورا اللي بتقابس علي طمبورة العربيه نفسها و ديه لو جت أكبر مش مشكلة و كل الناس حتي بره بيجيبو رنجات بلاستيك عشان تركب بين الطمبورة و بين الجنط نفسه وتكون مقابسة من غير خلوص و طبعا لو جت أصغر مش هتركب عندك خالص اللهم الا رحت للخراط عشان يوسعها و طبعا ده اختراع فاشل و خطر."

[wael61]

حضرتك ده كان موضوع أنا كتبته في منتدي تاني. يا ريت يفيدك.
"يا جماعة كان في واحد من الأعضاء هيشتري جنوط من بره و كان بيسأل عن معلومات عن الجنوط و أنا كتبت له الحاجات ديه بس قولت أحطها بردو في مشاركة جديده عشان كل الناس تستفيد.
و ان شاء الله هحاول كل كام يوم أكتب معلومات عن الكاوتش و الجنوط للي يحب يستفيد و ان كنت عارف ان المنتدي هنا فيه وحوش عارفين كل حاجه بس بردو يمكن حد يستفيد من معلوماتي البسيطة.
المهم ديه شوية حاجات لازم تخلي بالك منها و أنت بتشتري الجنط خصوصا لو هتجيبه من بره أقصد مش هتعرف تجربه عملي علي عربيتك قبل ما تشتريه:
Offset: الألمان بيسموه et وهو المسافة بين وش الجنط اللي بيركب عليه المسامير و بين منتصف الجنط و المفروض تلاقيه علي الجنط بتاعك عباره عن رقم مكتوب جنبه et. المهم ده لو زودته عن الرقم اللي عندك الجنط لما تركبه هيدخل ناحية موتور العربيه و ممكن يحك و لو قللته الجنط هيخرج لبره يعني هيبعد عن الموتور و هيحمل علي المسامير و يدايقك و أنت بتحود. فانصحك ما تغيروش كتير. يعني لو 49 مثلا أخرك تخليه 50 أو 51 و ممكن 48.
Bcd - bolt circle diameter ده عبارة عن قطر الدايرة اللي موصلة المسامير ببعض.
Bolt pattern: ده عباره عن رقمين مثلا 4x100 يعني 4 مسمار و 100 هو bcd. و بردو هتلاقيه علي الجنط , لو غيرته الجنط الجديد مش هيركب.
Hcb او hub center bore ده بقي الفتحه اللي في نص الجنط من ورا اللي بتقابس علي طمبورة العربيه نفسها و ديه لو جت أكبر مش مشكلة و كل الناس حتي بره بيجيبو رنجات بلاستيك عشان تركب بين الطمبورة و بين الجنط نفسه وتكون مقابسة من غير خلوص و طبعا لو جت أصغر مش هتركب عندك خالص اللهم الا رحت للخراط عشان يوسعها و طبعا ده اختراع فاشل و خطر."

تعودنا منك على الردود الوافية والمعلومات الكافية
كل سنة وحضرتك طيب ووفقك الله دائماً لمساعدة المحتاجين واجابة السائلين فأنت خير المجيبين

[svneleven]

تعودنا منك على الردود الوافية والمعلومات الكافية
كل سنة وحضرتك طيب ووفقك الله دائماً لمساعدة المحتاجين واجابة السائلين فأنت خير المجيبين

يا باشا ربنا يعزك و يبارك فيك. الكلام ده كتير قوي عليه.