إستفسار عن عمر الكاوتش

[alalfi]

السلام عليكم
عندي إستبن بريدجستون ياباني تيوبليس اللي جاي مع العربية إنتاج 2008/8 لم يستخدم .. سألت أكتر من واحد قالي إن الكاوتش بيفقد صلاحيته بعد خمس سنين من إنتاجه حتى لو منزلش على الأرض خالص .. ونصحوني أركب الإستبن واستفيد بيه أحسن من ركنته في العربية . يا ترى الكلام ده صحيح ولا إيه ؟!
وبالنسبة لباقي الكاوتشات طبعاً نفس تاريخ الإنتاج والعربية لسه مكملتش 40,000 كم وحالتهم كويسة عدا فردة فيها تنميل بسيط .. كده يتغيروا ولا أستنى عليهم شوية . علماً بإن غالبية تحركي بالعربية داخل القاهرة ومش كتير برضو المشاوير الضرورية فقط .. وبسافر بيها الصعيد مرتين او تلاتة في السنة .

خلاصة الكلام إيه عدد الكيلومترات (أو) عدد السنوات اللي لازم بعدها أغير الكاوتش حتى لو حالته كويسه .

أرجو الإفادة جزاكم الله خيراً

[saddam]

صديقي المواطن
متوسط عمر اﻹطار هو 5 إلى 8 سنين حسب جودة الخامات ومستوى المطاط الطببعي والكاربون وفي الطريق فاﻹطار المحترم هو من يعديك ال 50 ألف كيلو متر وأنصح تنزل الجنط واﻹستبن الفبريكة في البيت وتجيب جنط حديد بأقل من 100 جنيه وتجيب فردتين كاوتش جداد ليك يوكوهاما ياباني أو لاسسا تركي أو أي كاوتشي صناعة ماليزي وإياك تجيب كوري ولا أندونيسي ولا فيتنامي وتاخد واحد من القديم وتعمله إستبن وساعة بيع العربية حتكون في مصلحة سعر البيع لما تقول والناس تشوف إن اﻹستبن لم يلمس اﻷرض وأنت لست بكاذب فاﻹستبن لم يلامس اﻷرض فعلا
أما اﻹطار اللي بينمل فحطله علبتين مادة تلحم خرامه من الداخل وحط منفاخ في العربية على طول أبو 260 جنيه في الجملة بالتوفيقية
وبالتوفيق وإلى اﻷمام ومن نصر إلى نصر
ودمتم للنضال

[alalfi]

مشكور أخي العزيز دمت لنا ودامت نصائحك الغالية