سؤال فى الجنوط اكرمكم الله

[mohamedadelemam]

السلام عليكم .. انا عربيتى بيجو 605 موديل 98 الجنوط بتاعتها سبور الاصليه بتاعة الفابريقه .. المشكله فى العربيه من يوم ما اخدتها ان فيها رجه بسيطه من سرعه 80 ل100 دورت فى كبالن وقواعد الموتور وبوجيهات وخلافه كله تمام .. ولما جيت ابص على الجنط انا بصراحه مبفهمش فيهم بس لقيت ان ال4 جنوط مفيهومش اى رينجات دا طبيعى ولا الرينجات بتاعتها وقعت وهو دا السبب؟ ... ومتشكر لحضراتكم

[أسامه طياره]

معلش حضرتك تقصد ايه بالرينجات ؟؟ السره بتاعة الجنط يعني ولا ايه ؟

[mohamedadelemam]

متشكر جدا لحضرتك على ردك .. انا اقصد يا فندم انا بشوف فى الجنوط السبور بيتركب لها حلقه فوق السره .. وانا معرفش الحقيقه بتبقى مع جنوط الفابريقه ولا الجنوط اللى بتتركب

[أسامه طياره]

السره بتبقى عباره عن حته بلاستيك ومش هتأثر نهائي .. وممكن تشتريهم من عند اي حد بتاع كاوتش وجنوط .. اما سبب الرجه فالافضل تكشف في مركز بكمبيوتر لأن البيجو صعب تحليل العيوب فيها شويه