ممكن اعرف سعر افضل كاوتش يتحمل البلاوى اللى فى الطريق فى مصر

[iwantes350]

السلام عليكم ورحمة الله وبركاته
انا كرهت مصر بجد حراااااااااام ابقي لسه جايب فردتين جداد مكملوش 3000 كيلو واتبهدلو من المسامير والزجاج اللى فى كل حته فى مصر
انا كان عندى فى الاول ميشلان energy وكانوا ممتازين جدااا وبعدهم جبت بردجستون b250 وركبتهم ورا وجبت اتنين جداد yokohama قدام .. ومكملوش 3 شهور وواحد فيهم فيه 5 خوابير والتانى خابورين وبادج ؟؟؟
انا بفكر اغيرهم هم الاربعة واجيب حاجة تكون قوية زى الميشلان energy ممكن اعرف سعرهم لمقاس 185 70 14
تويوتا كورولا 2003 وايه افضل كاوتشات تستحمل النقر والظلط الصغير الغبي ده ويكون سعره كويس مش غالى اوى يعنى 500

[iwantes350]

معلش ويكون كويس فى الفرامل والثبات traction AA ومعلش على الكلام الكتير

[فبريكا]

انا مستغرب جدا ان حضرتك بتقول yokohama فيه خوابير ومكملش 3000 مع ان كان فيه موضوع عن الكاوتش دة وفيه اعضاء رجحوه بقوة .

عموما افضل اطارات سيارات الميشلان والهانكوك و البردجستون وبالنسبة للكورلا بيركبولها نوع اسمو تويو بس مجربتوش للامانه بس بشوف عربيات تويوتا مركباه .

[A.Saad]

كومهو - اكستا

[iwantes350]

انا مستغرب جدا ان حضرتك بتقول yokohama فيه خوابير ومكملش 3000 مع ان كان فيه موضوع عن الكاوتش دة وفيه اعضاء رجحوه بقوة .

عموما افضل اطارات سيارات الميشلان والهانكوك و البردجستون وبالنسبة للكورلا بيركبولها نوع اسمو تويو بس مجربتوش للامانه بس بشوف عربيات تويوتا مركباه .

على فكرة انا معجب بال yokohama جدااااااااااا وكان مديني ثبات ممتاز طبعا على فكرة قصة الخوابير دى نصب على اصلا ؟؟

[فبريكا]

على فكرة انا معجب بال yokohama جدااااااااااا وكان مديني ثبات ممتاز طبعا على فكرة قصة الخوابير دى نصب على اصلا ؟؟

مسئلة الثبات دية بتجي من المقاس الكويس للجنط والترصيص وظبط الزويا بس هي الفكرة الاعتمادية يعني الكاوتش ما يتاكلش بسرعة ويكون فيه نقشة كويسة علشان لما تفرمل يمسك معاك كويس وتاكد من تاريخ الاصدار للكاوتش انه اصدار حديث بتاع السنه .

بالنسبة للنصب انت قصدك من التاجر ولا لما رحت لحد بتاع كوتش وكنت معدي من حد بتاع كاوتش لانهم سعات بيرموا مسامير وخوابير تبوز العجل علشان يسترزقوا بالحرام .

عموما انا جربت الهانكوك قعد معايا سنتين والاستبن منزلش الارض وكان فوق الرائع بس خلي بالك يعنى زي كاوتش البردجستون فيه منه انواع في الصناعة اندونسي مثلا وفيه الاستخدام للعربيات الرياضية والمنعطفات فيه نوع بيبقى لدرجات الحرارة العالية والتقليل من قساوة الطريقة وتبقى ناعمة معاك الخ.

عموما منصحكش تشتري من اي حد

كان معايا كارت بردجستون بس مش لاقية عموما حوصفهولك هو مركز محترم للكاوتش البردجستون تشتري منه

عارف الدقي طبعا شارع المساحة اسال على بردجستون حتلاقيه محل بتطلعوا بسلالم كدة لو تهت هو قريب من سعودي.

خد معاك مقاس الجنط بس وربنا يوفقك .

[horas3000]

عليك و علي التويو
و هو اصلا الفابريقه بتاع العربيه