مطلوب كاوتش طري

[elbobz]

السلام عليكم ورحمة الله

مبدئيا ان خبرتي في الكاوتش تماد تكون زيرو

والعربيه اللي معايا لسه شاريها (مستعمله) من 6 شهور

وهي Hyundai new accent 2010

العربيه كويسه وتمام بس عفشتها ناشفه

وكدا كدا الكاوتش محتاج يتغير

فتنصحوني بكاوتش نوعه ايه بحيث يكون طري

ويرحم ضهري من الدغدغه بتاعة كل يوم

[Honda_lover]

ميشلان طري جدا بس للاسف غالي جدا اغلى كاوتش في مصر

[abou-yahia]

الميشلان طري

لاكن عيبه ان فرامله وحشه

وده في energy saver

نصيحه ركب يوكوهاما او بريدجستون

[Batman372]

كومهو kumho كويس جدا و سعر معقول ...

[khmshry]

انا معايا نفس سيارتك وجايب تويو 350 ياباني من شهر ممتاز وطري جدى ومريحني علي الاخر من الماكسيس والكومهو واللي كنت حاطه قبل كده وهو قريب من التورنازا البريدجستون في النعومة لكن التورنازا كثبات وفرامل اكيد افضل وكنت جايبه ب430 جنيه بس كاوتش محترم الصراحه وفعلا اطري فرده في السوق بس انا سواقتي هاديه ومش بتاع جري جربه ممتاز

[Hacker5]

التويو طرى جدا عن تجربة لكن بيزحف مع الفرامل لو فرملة جامدة

[elbobz]

كومهو هو اللي راكب فيها الان ودا ناشف جدا

تويو للاسف مش لاتقيه خالص والوكيل بيقول على اول السنه

الميشلان سعره غالي (لو حد يعرف اخره كام ينورني ممكن اضطر اجيبه)

مافيش نوع تاني يا شباب؟؟

[khmshry]

التويو موجظد في كذا محل راسلني علي الخاص لو محتاجه ادلك عليه

[solly1979]

محدش قال الكونتنتال ليه دة طرى جدا وزى الفل
وسعرة حنين جدا انا مجربه فى كذا مقاس 15 كان زى الفل

[tameraast]

بص يا باشا

ملكش دعوه بماركه الكوتش ايه

ليك دعوه بالمواصفات

اول حاجه تبص عليها التراكشن يكون aa او a على اقل تقدير

السرعه تكون حسب جريك و فى كل الاحوال متقل عن 190

درجه الحراره تكون a

و بعد كده تبص على الماركات

مثلا قدامك كونتينتال و كومهو
الكونتينتال تركشن c و درجه حراره b و سرعه 170 , , و الكومهو تراكشن aa و سرعه 200 , و درجه حراره a و الكومهو ارخص بس الكونتينتال اغلى مع ال رغم ان موصافته اقل

فى الحاله دى تختار الكومهو

بس فى حاجه غالبيتا الكونتينتال هيعيش معاك اكتر من الكومهو ب 10000 كيلو على اقل تقدير بس الثبات و الحراره و الفرامل لمصلحه الكومهو

[svneleven]

بريدجستون أحسن معادلة سعر و أداء و ماركة مشهورة و محترمة و بتنزل في أنضف العربيات.
التويو موجود عند ممدوح مبروك.

[elbobz]

ممدوح مبروك اتصلت بيه وقالي انه مش متوفر

طيب يا جماعه لو تقولولي اسعار البريجستون والكونتينينتال ايه علشان ما يندحكش عليا

[Batman372]

ممدوح مبروك اتصلت بيه وقالي انه مش متوفر

طيب يا جماعه لو تقولولي اسعار البريجستون والكونتينينتال ايه علشان ما يندحكش عليا

البريدجستون دائما اغلى من الكونتيننتال ...
مقاس كاوتش عربيتك كام ؟؟؟

[elbobz]

مقاس عربيتي 185/65 14

طيب هو البيرجستون الاندونيسي كويس وطري بردو زي الياباني وتمن الفرده كام

[Batman372]

مقاس عربيتي 185/65 14

طيب هو البيرجستون الاندونيسي كويس وطري بردو زي الياباني وتمن الفرده كام

حضرتك بتشترى الاسم و غالبا كله نفس المواصفات .. و فيه تايلاندى كمان ...
رنج 500 جم
تحياتى ...