يعني ايه رينجات الجنوط وطبات الشحم وبتعمل ايه؟

[MHMD Alexndria]

السلام عليكم ورحمة الله وبركاته
يعني ايه رينجات الجنوط وبتعمل ايه؟
لأن وانا بغير الكاوتش الفني طلب اعمل رينجات المونيوم للأربع عجلات وطبات شحم على الأربع صرر اللي بيبات عليهم الجنوط علشان مش موجودين
بس معرفش اجيبهم منين ومفهمتش منه حاجة
لو حد فهم قصدي ياريت يفيدني
وشكرا

[MITSUKERO]

طبات الشحم بتمنع دخول التراب لبلي العجل و مهة جدا لان عدم وجودها بيقصر عمر البلي

العجل الخلفي له الامامي ملهوش

الرنجات انتظر الباقي انا عارف وظيفتها بس هي عايزة صور

[abo_lamar]

الرينجات بتحكم الجنط عشان يبقي ماسك في الصرة و مايعملش بوش وده علي فكرة مهم اوي وحيكلفوك تقريبا 60 جنيه

[MHMD Alexndria]

الرينجات بتحكم الجنط عشان يبقي ماسك في الصرة و مايعملش بوش وده علي فكرة مهم اوي وحيكلفوك تقريبا 60 جنيه

شكرا لردك يا ابو لامار
بعد اذنك بيتجابو منين وميكانيكي ولا عفشجي بيركبهم

[MHMD Alexndria]

طبات الشحم بتمنع دخول التراب لبلي العجل و مهة جدا لان عدم وجودها بيقصر عمر البلي

العجل الخلفي له الامامي ملهوش

الرنجات انتظر الباقي انا عارف وظيفتها بس هي عايزة صور

شكرا لردك يا باشا
بتتباع عند بتوع قطع الغيار جديد ولا مستعملة
ومين يركبهم ميكانيكي ولا عفشجي

[Akram.Gamal]

انت ممكن تشتريهم حتى بيبقوا موجودين عند اى حد بتاع اكسسوارات
لكن انا انصحك تعملهم عموله عند اي مخرطة حديد بيشتغل للعربيات
بنبقا مضمونه اكتر و مش هيكلفوك كتير بس حرصا على الارواح حوالى 300 جنيه

[ehabahmed0]

بيتعملو ف المخرطه وفيه منهم نوعين اما الومنيوم او تيفلون وهو ماده شبيهه بالبلاستيك الطري
التيفلون ارخص بكتير بس بيتغيروا كل فتره لانهم بيتاكلو عكس الالومنيوم
انا شخصيا بحب التيفلون
التيفلون الاربعه 50 جنيه
الالومنيوم 4 180 علي الاكثر

[Akram.Gamal]

بيتعملو ف المخرطه وفيه منهم نوعين اما الومنيوم او تيفلون وهو ماده شبيهه بالبلاستيك الطري
التيفلون ارخص بكتير بس بيتغيروا كل فتره لانهم بيتاكلو عكس الالومنيوم
انا شخصيا بحب التيفلون
التيفلون الاربعه 50 جنيه
الالومنيوم 4 180 علي الاكثر

و ال بيتعملوا فى المخرطه بيعملوا كام ؟؟

[ehabahmed0]

دي اسعار المخرطه

[ahmedzizo131]

بسم الله الرحمن الرحيم
هل كل الحنوط الاسبور فى الانوس
لازم يركبلها رنجات ؟؟؟؟

[Akram.Gamal]

اها ده بالنسبه للرينجات
اما فيه حاجه كمان بتتعمل حشان ابعاد المسامير لكن نسيت اسمها

[ابو ذياد]

الرنجات ديه لو مش موجودة فى الجنوط بتخلى العربية يكون فيها رجفة و انته ماشى بيها زى متكون محتاج ترصص

[MMamdouh]

بسم الله الرحمن الرحيم
هل كل الحنوط الاسبور فى الانوس
لازم يركبلها رنجات ؟؟؟؟

اى جنط سبور لازم له رينجات لان الجنط السبور بتبقى فتحة الصرة فيه كبيرة عشان تناسب اكبر عدد من موديلات السيارات

الا لو بتشترى جنط سبور اصلى بتاع العربية هيبقى مضبوط على الصرة من غير رينجات

MMamdouh

[Hisham Khairy]

السلام عليكم ,

انا معايا نيسان صنى 94 بصراحة عملت فيها شغل عالى قوى شدتها شدة كويسة لدرجة ان اى حد بيشوفها بيسال على نوعها او هى معمولة فين بس المشكلة انوا عاوز اجيب جنط 15 عريض يرسم العربيىة بس المسافة بين الجنط الاصلى الحديد بتاعها 13 بوصةو بداية المساعد الخلفى حوالى 5 سم وانا واثق انه لو جه جنط اكبر من كده هيحك فهل كلامى صحيح ولا لا واتمنى يكون غلط علما انه انا عاوز اركب جنط 15 بس للعلم انا شفت عربيات على النت راكبلها 17 مش 15 ارجو الافادة وكذلك معرفة ابعاد الجنط اللى يركب عندى.
وشكرا.

[lanos2004]

انا كنت عامل الالمونيوم الواحد 30 جنيه وكان عندى البلاستك وكانت سيئه جدا