كوتش العربية على 40 !!!!!!!!!!

[kokowasfy]

السلام عليكم
فى البداية انا كان عندى فردة مريحة شوية قلت اروح اظبت الكوتش فا المهم رحت عند واحد يظبتلى الكوتش فا عبال ما الراجل يظبت الهواة رحت انا اشترى حاجة من السوبر مركت المهم رجعت قلى تمام يباشا ظبت كلو تمام تمام اديتو الى فية النصيب و مشيت اول ما طلعت بل عربية حسيت بسرعة و خفة عالية اوى اوى اوى و ملحوظة جدا فى تسارع العربية قلت غريبة العربية فايقة اوى اوى بعد كدا قبلت مطب المصيبة لقيت طرااااخ دب تك بوم و نشوفية غير عادية قلت عادى المطبات غبية اوى و كمان الى حظتو استهلاك البنزين قل اوى غير الاول و العربية خفيفة بس حسيت بشوية عومان بس بسيطة اوى و الفرامل بقت على الشعرة بعد كدا اكتشفت ان الراجل ظبت الكوتش على 40 هل يجامعة خطر الواحد يمشى بكوتش على 40 انا ممكن استحمل نشوفية العفشة مقابل تسارع حلو و توفير بل بنزين اوى بس هلى فى خطر على عفشة العربية مثلا و العربية لانسر بومة 2008 لو حد عندو طرائف عند بتوع الكوتش يقول بردو خلينا نفضفت شوية

[mk3]

اتأكد من اقصى ضغط مسموح مكتوب على الكاوتش

[محمد طايع]

لو حصل موقف لا قدر الله واحتجت الفرامل بجد هتلاقى العربيه بتزحف بغباء
انا ليل تجربة شخصيه فى الموضوع ده هتلاقيها فى الموضوع التالى

http://www.nilemotors.net/Nile/343292-a.html

وكانت مظبوطه على 35 فما بالك ب 40 :)

رجع الضغط الطبيعى بتاع الأطارات فورا وربنا يكفينا ويكفيك شر الطريق

[kokowasfy]

اتأكد من اقصى ضغط مسموح مكتوب على الكاوتش

طيب هبقا اشوف مش هوا بيبقى مكتوب على القايم

[kokowasfy]

لو حصل موقف لا قدر الله واحتجت الفرامل بجد هتلاقى العربيه بتزحف بغباء
انا ليل تجربة شخصيه فى الموضوع ده هتلاقيها فى الموضوع التالى

http://www.nilemotors.net/nile/343292-a.html

وكانت مظبوطه على 35 فما بالك ب 40 :)

رجع الضغط الطبيعى بتاع الأطارات فورا وربنا يكفينا ويكفيك شر الطريق

بس انا ملاحظتش موضوع الفرامل دا خالص يمكن عشان العربية abs الفرامل بلعكس كانت قوية و خفيفة من لمسة العربية تقف و بتفرق فى استهلاك البنزين اووووووووى بسس بتيجى على راحتك اى نقرة ولا حفرة بتحسها جامد

[aboomar22]

ضعط الهواء فى كتالوج البومة اظن 30 كده يبقى كتيييير قوى

[medo111]

واحد قريبي خد العربيه قبل كدا بس هو معندوش ضمير زود العجل علي 50 العربيه ناشفه وسريعه والحمد لله الكوتش كان جديد مفرقعش

[kokowasfy]

ضعط الهواء فى كتالوج البومة اظن 30 كده يبقى كتيييير قوى

بس 30 بحسها تقليا شوية عن 40 40 كانت طلقة بسم اللة مشاء اللة عليها

[kokowasfy]

واحد قريبي خد العربيه قبل كدا بس هو معندوش ضمير زود العجل علي 50 العربيه ناشفه وسريعه والحمد لله الكوتش كان جديد مفرقعش

هو عمل كدا عشان يجرى بيها عشان كدا انا عمرى مدى مفتاح عربيتى الاى حد ابدا

[amr011111]

ده بتاع كاوتش كفتجى

وأقرى تعليقى فى البوستين اللى انا حاطههم فى الموضوع ده

http://www.nilemotors.net/Nile/384156-45-2.html#post3875243788

http://www.nilemotors.net/Nile/384156-45-2.html#post3875243844

[john55]

هياثر علي العفشه اكيد

[Silent~Dream]

خليك ملتزم بالضغط الموصى بيه من كتالوج العربيه

[mahmoud.69]

بص انا هبسطها لحضرتك علي قد فكري لي موضوع ضغط العجلات
حضرتك لزم تظبط هواء الي موصي بيه شركة الصنع هيا لو كانت شايفة ان زيادة في الهواء هتخلي العربية افضل كانت وصت بيها
ثانيآ الكوتش بيعمل احتكاك مع الارض فا بي التالي بيكون في ضغط هواء داخل الكوتش طول فترة احتكاكة بي الارض مثﻵ يعني لو ظابط علي 30 ممكن تلقي بعد مشوار لو رحت تقيس ضغط الهواء ممكن تلقي الكوتش 40 بتطر تصبر شوية لغاية ما الكوتش يبرد وتقيص ضغط العجل بيرجع لي مستواة الاصلي 30 واعتقد ان العجلة علي عربية معينة لما بيحط لك في الكتالوج السيارة مقاس الضغط هو قايس عليها وزن العربية ووازن عليها امتدداد الخواء في العجل اثناء القيادة لتحمل الكوتش العربية اثناء السير انتا لما تيجي تزود الكوتش فا انتا تعديت الحسبة الصحيحة لوزن السيارة وتحمل الكوتش للسيارة لي ان لقدر الله ممكن كوتش يضرب منك وكمان هتحس بي سؤ انك ظابط علي 40 مع الطرق المفتوحة والهواء هتلقي العربية بتعوم ومع السرعة مع المطبات الحديد او المدقات الي في الارض هتعومك

[lanos2004]

40 يعنى عومان ولو خبطت فى حجر بسرعه الكاوتش هينفجر-والكاوتش هيتاكل مش بالتساوى وعمرة هيقل
ربنا يحميك اظبطه 32 او 30