عايز اجنط ومش عارف

[ahmed haridy]

السلام عليكم
يا جماعة انا دلوقتى معايا عربية بريليانس fsv 2010 1600 وراكب فيها الجنط الاستوك بتاعها مقاس 195/65/15 وعايز اجيب جنط تانى فى انهى مقاس بقا يمشى معاها فى ناس بتقولى 225/45/17 وانا خايف من ال 17 وناس بتقول 205/55/16 انا عايز رأيكو من الاخر للعلم العربية ابعادها نفس الجولف 4 وقطع غيار العفشة و الطنابير جولف 4 5 مسمار ولالبعاد مام 100*5 ولا كام ارجو الافادة ؟؟؟؟

[م.محمد علاء]

عايز تريح دماغك و تعمل الحل السهل.
في بادج لما تفتح باب العربيه مكتوب عليه ظغط العجل على كام بار..
و مكتوب عليه بردو مقاسات الجنوط المختلفهاللي بتنزل على العربيه.
شوف أنهو مقاس قريب للي إنت عايزه و غير ليه.
عامة فيه حاجه إسمه الأوفست بتاع الجنط.
و عربيتك بردو ليها أوف سيت
راعي إن القيمة بتاعة الجنط الجديد تكون قريبه من أوفست العربيه

[start_wow]

والله يا باشا انا كنت بدور برضه علي مقاس الجنط المناسب للعربية..انا كمان الجنط الاستوك نفس المقاسات اللي عندك لكن 4 مسمار..المهم سالت وعرفت انه الافضل تركب مقاس الجنط الاستوك ولو عايز الجنط اكبر يبقي تعلي درجة واحدة بس يعني لو الجنط 15 وعايز جنط اكبر يبقي تجيب جنط مقاس 16 مش 17 مع مراعاه المقاييس الاخري في الجنط..بالتوفيق ان شاء الله