محتار اجيب كاوتش نوعه ايه

[meeg]

السلام عليكم ورحمة الله وبركاته
اسعد الله صباحكم اعضاء المنتدى الكرام
انا بستشير حضرتكم فى حاجه
انا راكب عندى kumho solus kh15
بقالى 4 سنين كان جاى مع العربيه والصراحه الكاوتش كويس من وجهة نظرى
انا دلوقتى عايز اغير الفردتين اللى قدام ومش عارف اجيب ايه علما بان المقاس
185/60/R14
ومفيش المقاس ده دلوقتى kumho solus كورى كله فيتنامى فيه نوع تانى اسمه kumho eco بس مش عارف ان كان حلو ولا وحش وفيه بتاع كوتش نصحنى بالهانكوك المشكله الانواع فى السوق كتير وانا محتااااااااااااااااااااااااار جداااااااااا ومش عارف اجيب ايه
جزاكم الله خيرا ووفقكم اللى كل خير

[mezo73]

سيدي الفاضل
ممكن تجيب كومهو ايكستا
ومش هايفرق كتير الكوري مافيهوش اختلافات كتير
والمهم قبل النوع تغيير الاربع فرد مع بعض لسلامتك لان من الواضح ان صلاحية الكاوتش انتهت لذلك وجب التنبية

[meeg]

تسلم على ردك وتقديرك
بس المشكله ان مفيش اكستا اصلا والموجود الكومهو ايكو وانا مش عارف ان كان حلو ولا
ربنا ييسر ان شاء الله

[hosammoner]

انا لسه جايب كومهو ايكستا ku31-spt وعاجبنى جدا بصراحة بعد السؤال كتير معظم الرجالة هنا فالمنتدى اجمعت انه افضل موديلات الكومهو

[meeg]

جبته منين وبكام والمقاس

[megaman]

الحقيقه الاكستا متميز عن السولس بكتير انا مجربه مرتين بجيبه دايما من سمير بيومى اللى فى شارع التحرير الدقى

[hosammoner]

جبته من محل فاست فالسادس ب610 الفردة بس طبعا مش مقاسك خالص انا 17/215/60 بس ممكن تساله ان شاء الله هتلاقى كل المقاسات عنده وممكن تسال كمان فالتوكيل بتاع شبرا

[hatemmohsen]

الكونتنتال بريميوم 2 ممتاز انا جبته من موزع كونتنتال فى ش ذاكر حسين ( م/ اشرف عوض ) لعربيتى اللانسر جبت 4 فرد مقاس 195/60/15 ب 590 بعد الفصال والجميل فيه ان التراكشن بتاع الكاوتش aa وهو صناعة تشيكى او سلوفانى اما مقاس 16 و 17 بيبقى المانى