عن الجنوط اتحدث ... توضييييييييح ......

[abo sandy]

السلام عليكم
من فضلكم يا جماعة محتاج بس توضيح
انا لما بروح اشترى جنوط الجنط بيجى بالكاوتش بتاعه ولا الجنط بيبقى بسعر والكاوتش بسعر تانى
وحاجة كمان كل الجنوط حجم واحد فى العرض اقصد ولا مختلفين
يعنى الجنط العريض ده بيبقى الكاوتش هو الى عريض ولا الجنط كمان بيبقى عريض

اتمنى يكون حد فهم انا عايز اقول ايه ويوضحلى الفكرة

وتقريبا سعر الجنط 16 كام بس تكون نوعية محترمة ما تتكسرش ولا تتشرخ ولا الكلام ده
ولو سعر الكاوتش لوحده وسعر الجنط لوحده
سعر الكاوتش مقاس 16 عامل كام بس العريض وبرده تكون نوعية محترمة

وشكراااااااااااا

[amr011111]

السلام عليكم
من فضلكم يا جماعة محتاج بس توضيح
انا لما بروح اشترى جنوط الجنط بيجى بالكاوتش بتاعه ولا الجنط بيبقى بسعر والكاوتش بسعر تانى

الجنط لوحده والكوتش لوحده
كل حاجه ليها سعرها
وممكن تشترى الجنط من مكان والكاوتش من مكان اخر

[drcobra]

انا شارى 4 جنوط اسبور تايلاندى مقاس 15 ممتازة جدا وكان سعرهم حوالى 2900
الكاوتش الاقتصادى فى حدود 400-450 انا اشتريت ستار ماكس 15 بحوالى 400 جنية وممتاز جدا
المقاس 16 هيكون اعلى شوية

[abo sandy]

انا شارى 4 جنوط اسبور تايلاندى مقاس 15 ممتازة جدا وكان سعرهم حوالى 2900
الكاوتش الاقتصادى فى حدود 400-450 انا اشتريت ستار ماكس 15 بحوالى 400 جنية وممتاز جدا
المقاس 16 هيكون اعلى شوية

طب وبالنسبة للكاوتش العريض زيه زى العادى ولا بيبقى اغلى وبيبقى له جنط معين ولا اى جنط يركب عليه

[abo sandy]

والصح انى اشترى الجنط الاول وبعدين الكاوتش ولا العكس

[svneleven]

طبعا كل مقاس ليه تمنه. كل ما الكاوتش يكون اعرض يكون أغلي و كمان ال 17 أغلي من ال 16 و ال 16 أغلي من ال 15. لو الجنط 16 لازم يكون الكاوتش 16 و هكذا. أحسن حاجة تروح محل محترم عنده كاوتش و جنوط و تجيب منه كل حاجة. طبعا مش فارقة تجيب الكاوتش أو الجنوط الأول المهم لو جنوط 16 يبقي كاوتش 16. عرض الجنوط ما تشغلش بالك بيه خالص المهم جنوط 16 يبقي كاوتش 16 زي ما قلنا.
و تحت أمرك لو محتاج حاجة تاني.

[abo sandy]

طبعا كل مقاس ليه تمنه. كل ما الكاوتش يكون اعرض يكون أغلي و كمان ال 17 أغلي من ال 16 و ال 16 أغلي من ال 15. لو الجنط 16 لازم يكون الكاوتش 16 و هكذا. أحسن حاجة تروح محل محترم عنده كاوتش و جنوط و تجيب منه كل حاجة. طبعا مش فارقة تجيب الكاوتش أو الجنوط الأول المهم لو جنوط 16 يبقي كاوتش 16. عرض الجنوط ما تشغلش بالك بيه خالص المهم جنوط 16 يبقي كاوتش 16 زي ما قلنا.
و تحت أمرك لو محتاج حاجة تاني.

ربنا يبارك فيك متشكر جداااااااا
بس كنت عايز اعرف افضل نوع ايه بالنسبة للجنط وللكاوتش
وتقريبا ايه اسعارهم دلوقتى اقصد 16

[svneleven]

شوف حضرتك أفضل نوع كاوتش و جنوط ديه كلمة فضفاضة قوي ما تنفعش تتقال. لكن ممكن نقول أنسب نوع كاوتش. يعني انت عاوز ايه من الكاوتش و عربيتك نوعها ايه و سواقتك عاملة ازاي و المقاس اللي هتجيبه عامل ايه. عامة فيه 6 شركات بيسموهم ال 6 الكبار اللي هم بريدجستون و ميشلان و بيريللي و جوديير و كونتينينتال و دنلوب (مش متأكد قوي من الأخير) المهم أن لو معاك فلوس جيب ماركة من دول و مش هتندم أبدا لكن يتبقي النقشة اللي هتجيبها ايه. رأيي ادخل علي قسم الاطارات و اقرأ كام موضوع و شوف أراء الناس و هتلاقس حاجات كتير هتساعدك تحدد رأي صحيح.
الجنوط طبعا بلاش الصيني و هات حاجة تايواني أو اندونيسي و طبعا لازم محل محترم مش أي حد تجيب منه و كمان الجنوط و الكاوتش من محل واجد عشان لو لا قدر الله فيه مشكلة تعرف تاخد حقك و مش هيعرف يقول أصل الكاوتش مش أد كده. أصل مش عارف ايه.

[abo sandy]

شوف حضرتك أفضل نوع كاوتش و جنوط ديه كلمة فضفاضة قوي ما تنفعش تتقال. لكن ممكن نقول أنسب نوع كاوتش. يعني انت عاوز ايه من الكاوتش و عربيتك نوعها ايه و سواقتك عاملة ازاي و المقاس اللي هتجيبه عامل ايه. عامة فيه 6 شركات بيسموهم ال 6 الكبار اللي هم بريدجستون و ميشلان و بيريللي و جوديير و كونتينينتال و دنلوب (مش متأكد قوي من الأخير) المهم أن لو معاك فلوس جيب ماركة من دول و مش هتندم أبدا لكن يتبقي النقشة اللي هتجيبها ايه. رأيي ادخل علي قسم الاطارات و اقرأ كام موضوع و شوف أراء الناس و هتلاقس حاجات كتير هتساعدك تحدد رأي صحيح.
الجنوط طبعا بلاش الصيني و هات حاجة تايواني أو اندونيسي و طبعا لازم محل محترم مش أي حد تجيب منه و كمان الجنوط و الكاوتش من محل واجد عشان لو لا قدر الله فيه مشكلة تعرف تاخد حقك و مش هيعرف يقول أصل الكاوتش مش أد كده. أصل مش عارف ايه.

تمام متشكر جداااااااااااا لحضرتك

[drcobra]

مقاس الجنط مكتوب عندى غلى قايم العربية لو الكاوتش 14 بيكون مقاس الجنط 5.5 ولو الكاوتش 16 بيكون الجنط 6.5