الجنوط الماليزي

[the lawyer]

السلام عليكم
ان شاء الله حاغير كاوتش العربية خلال اسبوع وناوي اجيب بريدج ستون تورانزا gr 90
وكنت عايز اغير الجنوط الي جنوط اسبور وشوفت طقم ماليزي عامل 1400 جنيه اسمه افانتي - تقريباً ، فهل الجنوط الماليزي كويسة ولا نظامها ايه وهل حاحس بفرق في الثبات ولا لا

تم نقلة لقسم إطارات .

12:11 PM
2014/2/16
1 ب

[Fadi Ezzat]

الجنوط الجديدة مقاسها كام والقديمة مقاسها كام

[samirsaid1]

متابع

[Ayman-Ahmed]

لو تسمحلى هنصحك بحاجة تخص الكاوتش.

استعملت التورنزا ل60000 كم والخلاصة انه كاوتش ممتاز لحد 30-40000 وبعد كدة مش هيديك تماسك عالى فى الفرامل ولا الملفات وده لانه كاوتش كلاسيكى.

يعنى لو حضرتك سواقتك هادية ومبتجريش ولا غرز ولا شد يبقى التورنزا ممتاز ولكن لو محتاج رياضى يبقى فكر فى ال my02 او ar 20.

[the lawyer]

لو تسمحلى هنصحك بحاجة تخص الكاوتش.

استعملت التورنزا ل60000 كم والخلاصة انه كاوتش ممتاز لحد 30-40000 وبعد كدة مش هيديك تماسك عالى فى الفرامل ولا الملفات وده لانه كاوتش كلاسيكى.

يعنى لو حضرتك سواقتك هادية ومبتجريش ولا غرز ولا شد يبقى التورنزا ممتاز ولكن لو محتاج رياضى يبقى فكر فى ال my02 او ar 20.

ربنا يخليك يا باشا علي النصيحة انا في المجمل سواقتي هادية وجايب gr 90 مخصوص علشان انا سمعت ان الفردة دي طرية جدا وملهاش صوت.... بالنسبة للجنوط الماليزي تعرف عنها حاجة

[Ayman-Ahmed]

ربنا يخليك يا باشا علي النصيحة انا في المجمل سواقتي هادية وجايب gr 90 مخصوص علشان انا سمعت ان الفردة دي طرية جدا وملهاش صوت.... بالنسبة للجنوط الماليزي تعرف عنها حاجة

الله يخليك يا افندم.وفعلا الفردة ديه طرية جدا ولكن زى ما قولتلك الفردة ديه بعد فترة بيقل تماسكها.

للاسف الجنوط مش هقدر افيدك فيها ولكن اللى اعرفه ان الاستيراد وان كان اغلى شوية فى السعر ولكن مضمون اكتر.