خرم التيوبلس ... و الخابور !

[maxx]

السلام عليكم

ازاز من الطرق المحترمة بتاعتنا دخل في الفردة اللي قدام يمين ... عمل كذا خرم ... و بتاع الكاوتش عمله بكذا خابور ... بعدها قريت ان الكاوتش بيبوظ من الخوابير دي ... و تاني يوم لقيت اخرام تانية ...

طيب ايه ... لو الكاوتش التيوبلس اتخرم نعمل فيه ايه لو الخوابير دي غلط؟

معلش اخوكم جديد في حوارات الكاوتش دي

و هل المادة اللي بتتركب داخل الكاوتشات (بيسموها تسليح الكاوتش) في شركات متخصصة تريحنا من الهري ده ؟

و المفروض اشيك على ضغط الكاوتش كل كام يوم ؟

[aliyehia]

خد بالك من اشتغاله بتوع الكاوتش الواحد منهم ينفخ الفرده على 40 يقوم تنفيس هوا بسيط يظهر من الشقوق الى في الكاوتش ( عاده بيستخدم صابون سائل ) و اديها خوابير
و هو لو مزود الفرده على 28 او 30 مافيش تنفيس حيظهر

[maxx]

متشكر يا باشا على المعلومة ... الواحد فعلا محتاج كل الخبرات المتراكمة عند زمايله علشان الاشتغلات دي :(

طيب و ايه ... الخوابير دي هتجيب اجل الكاوتش ؟

[saddam]

صديقي المواطن
الخوابير جريمة لا تغتفر وتقطع سلك الكاوتش وتخليه يتلوح إن آجلا أو عاجلا وعندك التسليح هو طبعا أعظم حاجة لكن فردة الكاوتش التسليح الصح الحجم المتوسط مش حيقل عن 300 جنيه للفردة بس إنسى المشاكل وهناك طبعا السائل أبو 22 جنيه وبتاع الكاوتش بيبيعهولك ب 45 أو 50 جنيه هو محترم وبيسد خرام كتير ولكن بيحتاج تحط كمان بعد 6 شهور وأحيانا بيعمل غربلة في اﻷول وهو ضروري تواجده في شنطة كل عربية والصح هي طريقة لحام البارد وهي إن الفردة تطلع بره ويتصنفر مكان الخرم كويس ويتلزق له لزقة صغيرة وفوق منها على طول لزقة أكبر منها وحتى لو في الفردة 10 خرم إعملهم بالطريقة دي ولا تحط خوابير إلا لو خلاص عايز تستعوض ربنا بالفردة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[maxx]

الف شكر على مشاركاتك فى المنتدي كله

الواحد مبيتعلمش ببلاش ...

الحمد لله

[wlelw2003]

الخوابير فعلا اذى للفردة حصلت معايا و الراجل الله يسامحه حط في فردة واحدة 4 خوابير و الفردة بعدها باظت و غيرتها