سؤال لخبراء بريدجستون , ايهما افضل ؟

[تامر.محمد]

دلوقت انا عايز اقارن بين MY-02 و Turanza GR90
من حيث
الفرامل , ايهما افضل ؟
الثبات , ايهما افضل ؟
النعومة على الطريق , ايهما افضل ؟ اعتقد تورانزا
هدوء الصوت , ايهما افضل ؟ اكيد تورانزا

هل حد عارف بخصوص الفرامل و الثبات ايه النظام ؟ بتاع الsales في بريدجستون بيقول لي MY-02 افضل

و هل فيه فردة في بريدجستون افضل من الباقيين في كل حاجة ؟

[Omar Mahmoud]

انا من كام شهر سألت في بريدجستون قالي my-02 للاداء الرياضي و التورانزا في نوعين مش فاكر ارقامهم بس واحد كان كاتم للصوت بنسبة 80% و التاني بنسبة 100%

[aw2100]

my-02 افضل بس صوتها عالى فى المشى وناشفة شوية !!

[heeshooheeshoo]

أنا لست خبيرا فى الكاوتش بالمعنى المفهوم ولكن لى تجربة ودراسة بسيطة قبل عملية تغيير الكاوتش للنيسان صنى من عدة شهور ، وخلاصة الكلام ببساطة إختيار الكاوتش يعتمد على ماذا تريد من الإطار؟

هل تريد إطار ناعم "طرى" وهادئ بدون صوت ؟ عليك بالـ Turanza
ويوجد منه طرازان GR90 & AR20
والــ GR90 هو الأكثر نعومة وهدوءا من الطراز الآخر .. وهذا كان إختيارى ، وكان وقتها الفردة الواحدة بسعر حوالى 720 جنيه وبعد خصم نايل موتورز وقفت بحوالى 680 جنيه

أما إذا كنت تريد إطار رياضى يعنى تماسك وتحكم أكثر لهواة القيادة الرياضية فعليك بالــ Potenza
وتوجد منه ثلاثة طرازات (ماكسرتش دماغى بالفروق بينهم لأنها مش سكتى)

أما إذا كنت تريد إطارا إقتصاديا يتسم بالوسطية ما بين الهدوء والتماسك فعليك بفئة الــ General Use
وهذه الفئة تتضمن طرازين هما
B250 وهو الطراز إللى كان نازل فى السيارة أصلا من الفابريكة
والطراز الآخر هو MY-02 وهو ما يطلق عليه Sporty style ولكنه طبعا ليس كفئة Potenza الرياضية الصريحة

وهناك فئة أخرى وهى DULLER وهى مخصصة لسيارات الدفع الرباعى وماشابهها SUVs & CUVs


مع ملاحظة أنه كلما كان الإطار أكثر نعومة وراحة وطراوة وهدوءا كلما زاد معدل تآكله وحرية الإختيار لك طبقا لنوع سيارتك وطريقة قيادتك ونوع الطرق المعتاد سيرك عليها

على فكرة مافيش حاجة إسمها إطار أفضل فى كل شئ .. لازم تكون حاجة على حساب شئ آخر .. يعنى ماينفعش ألاقى إطار طرى وناعم وهادئ مناسب للطرق الوعرة وينفع فى الطرق المبتلة ويكون أكثر تماسكا وناشف وطويل العمر .. مستحيييل

هذه معلوماتى المتواضعة فى هذا الموضوع .. أرجو أن تجد فيها الإفادة.

وتقبل تحياتى ،،،

[تامر.محمد]

انا بصراحة عايز حل المعادلة الصعبة دي :(

MY-02 يعتبر entry level فعلا , انا عندي حاليا MY-01 , و انا راضي عنه كأداء , و مش راضي عنه كراحة
و تورانزا كراحة بيقولوا ممتاز لكن اخشى ماخدش منه اداء يرضيني

في المقابل انا فكرت اجيب كاوتش رياضي M-02 , زي اللي انا متعود عليه , لكن انزل بمقاس الجنط بوصة واحدة , فاجيب 15 بدل 16 , مع الحفاظ على نفس العرض اللي هو 205
فابقى بكده زودت الكاوتش شوية على حساب الجنط فازود الراحة شوية , بس خايف ده ما يزودش الراحة الا حاجة بسيطة اوي , او يقلل الثبات اوي , او الاتنين