ركبت كاوتش جديد

[Mohamed Yousse]

السلام عليم
الحمد لله النهاردة غير الكاوتش كله و جبتGr-90 Trunza طبعا نفس المقاس وكمان سلحتهم عند تايرمينيا و حط 1100 جم من الجيل فى كل فردة و كمان رصصهم
حاسس ان العفشة انعم بكتير و كمان الصوت قل بس حسيت ان العربية اتقل شوية زى ما تكون ماسكة فى الارض و مش بتجرى زى الاول - كنت مركب قبلها Trunza Er-30
هل دة طبيعى فى الاول ؟؟
و هل محتاج ظبط زوايا ؟؟ ولو محتاج ياريت تدلونى على مكان نضيف و محترم

[eng.salama93]

التسليح اتكلف كام ؟

[Mohamed Yousse]

ههههههههههههههههههه
هو دة بس الى لفت نظرك
عمتا الفردة عملت حوالى 270

[heeshooheeshoo]

ألف مبروك
فعلا موضوع تسليح الكاوتش ده مهم جدا وخصوصا فى الظروف الغير آمنة على الطرق الأيام دى ، وكذلك للبنات والسيدات أكثر أهمية
وإختيارك لنوع الكاوتش أيضا موفق بإذن الله الــ Gr-90 Trunza صوته هادىء وناعم
ربنا يحفظك ويسلمك من شر الطريق ومفاجآته الغير سارة

سؤال عالماشى .. مقاس الكاوتش عندك كام ؟

[almohaor]

الف مبروك ياباشا

بس ممكن حضرتاك تقولى ايه موضوع تسليح الكاوتش ده وكيف بتم وايه الغرض منه
ولماذا وضع الجيل وبهذه الكمية الكبيرة بداخل كل فردة من الكاوتش
وهل لايوجد تاثير لها على الاتزان
خلال السير على السرعات العالية
مع وافر تحياتى

[Mohamed Yousse]

أولا مقاس الكاوتش 195\60\15
ثانيا الحمدلله العربية بقت اثبت على السرعات العاليه
و بالنسبة للتسليح دة موضوع كبير الفايدة منه ان الكاوش بيلحم نفسه لو تخرم
و تقدر تقرا ع النت عن حاجة اسمها Rhino tire ودى الشركة المنتجة للجيل

بس بردة ماحدش جاوبنى
انا حاسس ان العربية بقت اتقل من الاول و ماظنش ال 4.5 كجم بتوع الجيل هما الى عملوا التأئير دة
حد ركب ال Trunza Gr90 وحس نفس الاحساس دة فى الاول و مع الوقت بيخف التأئر ؟؟
و هل لازم اعمل ظبط زوايا بعد تركيب الكاوتش ؟؟؟