رجاء عايز مساعده فى موضوع الجنوط

[fahd101]

السلام عليكم ورحمة الله وبركاته
كل سنه وانتم طيبين بمناسبة شم النسيم

لو سمحتم كنت عايز اجيب جنوط مقاس 14 لعربيتى الفيرنا 2008 علشان اعليها شوية علشان المطبات وهى نازل معاها جنوط 13 المصرى واطيه ومش حلوة وبتغربل مع السرعه
فياريت لو حضراتكم تعرفوا ايه احسن خامة جنوط ( حديد - ونيكل - زهر )
معلش لو السؤال غريب بس انا محتاج اعرف ايه اجسن خامة والسعر فى حدود كام ومنين ممكن اشتريهم اصلى ميضحكش عليا فيهم وهل الكورى بتوع التوكيل ممكن يتباعوا بره .؟؟ علشان قالوا لى فى التوكيل ب 650 الجنط ....!!!!!!!!!! ليه مش عارف

واسف على الاطاله وشكرا لكل اللى هيرد

[fahd101]

شكرا السادة الزوار الكرام اللى عددهم 34 شخص دخلوا بدوت تعليق !!!!

[aliyehia]

طالما حتغير هات جنوط سبور
و لو الكاوتش مقاسه ١٤/١٨٥/٦٥ يبقى ممكن تجيب الصينى شكله حلو و سعر الطقم حوالى ١٥٠٠ الى ١٨٠٠ بس حرص من المطبات الشديده

[fahd101]

شكرا استاذ على لرد حضرتك بس نفس المشكلة مادام هجيب صينى اكيد مش مضمون لان فى شوارع المحروسه معرض طبعا لسن بلاعه او نقرة جامده او عيون قط وطبعا معتقدش الصينى هيستحمل كل ده يعنى اللى خلى المصرى لاستخمل 6 سنين اكيد الصينى لآ
وعموما ياريت لو حاجة مضمونه ونوع الحنط استانلس ولا حديد ولا زهر ومنين وهل الحاجات دى فى منها ماركات ولا عادى يعنى