كومهو ايكستا ولا يوكوهاما سى درايف

[dr.shabrawy]

يا شباب انا عاوز اشترى كاوتش مقاس 14 /65/185 ومحتار بين كومهو ايكستا ku31 و يكوهاما c drive.
المهم انا لما سألت عند بتوع الكاوتش لقيت الاتنين سعرهم قريب يعنى الكومهو الفردة ب380 واليكوهاما الفردة ب450 بس الناس بترجح لى الكومهو.؟؟
ايه رايكم؟؟

[Mahmoud/Nabil]

الكومهو فعلا افضل

[dr.shabrawy]

الكومهو فعلا افضل

شكرا على الرد. وياريت تفيدونى بمشاركتكم.
شكرا مقدما

[dr.shabrawy]

يعنى 53 مشاهدة ومفيش حد يقدر يساعحنى تانى غير محمود نبيل.
برجاء المساعدة ضرورى جدااااا

[lanos2004]

انا مركب كمهو ايكستا
هيه ناشفه شويه بس فيها ميزة هايله مش بتلم مسامير ولا زلط وبتتحمل جامد صراحه

[tameem2010]

طبعا اليوكوهاما
مفيش وجه مقارنه
افضل كاوتش في مصر هو ميشلان واليوكوهما والتورنزا
بعد كده الباقي كله اقل منهم
والتلاتة دول هتلاقيهم تقريبا نفس الاسعار

[dr.shabrawy]

شكرا على الردود يا شباب ومستنى حد تانى يكون جرب ايكستا لان فى ناس كتير بتشجعنى انى اجيبه وشكروا فى الثبات بتاعه وكمان بيقولوا انه ثابت جدا على السرعات ومالوش صوت.
هل الكلام ده صحيح

[Mahmoud/Nabil]

مشكلة معظم الانواع هي النقشه .... بتلم طوب و مسامير ....

[dr.shabrawy]

مشكلة معظم الانواع هي النقشه .... بتلم طوب و مسامير ....

باشا انا يفرق معايا الثبات والفرامل والصوت الهادى

[kar!m]

متابع

[carrier]

بص يا ريس المقاس بتاعك دا انا ركبته لما زهقت ميت نوع

مسترش معايا الا الدانلوب اليابانى فقط

روعة روعة روعة

البديل وجربته بس فى مقاسات مختلفة اللاسا كاوتش ممتاز فعلا

[dr.shabrawy]

بص يا ريس المقاس بتاعك دا انا ركبته لما زهقت ميت نوع

مسترش معايا الا الدانلوب اليابانى فقط

روعة روعة روعة

البديل وجربته بس فى مقاسات مختلفة اللاسا كاوتش ممتاز فعلا

باشا الدانلوب جميل بس ناشف شوية وصوته عالى. برجاء معرفة سعره لمقاسى 14/65/185 لان لو اكتر من 450 جنيه هيبقى خارج ميزانيتى.

[Sherif Mandoor]

الايكستا الفيتنامى وتوكل على الله بقاله معايا سنتين

[محمد يوسف]

اليوكوهاما سى درايف طبعا

وبنفس السعر ممكن تجيب ميشلان أنضف من الاتنين

[dr.shabrawy]

الايكستا الفيتنامى وتوكل على الله بقاله معايا سنتين

طيب ممكن تقولى هو ناشف ولا طرى وكمان الفرامل عاملة ايه والثبات كويس ولا ﻷ. وموضوع ان الكومهو بيعمل بلالين. هل الايكستا عملت بلالين معاك.. معلش طولت عليك.