الكاوتش عاملى مفاجأة على الصبح

[nenoo418]

بسم الله الرحمن الرحيم

النهاردة الصبح وانا نازل رايح الشغل الصبح بدرى
وبعد مامشيت شوية بالعربيىة حلوين
فجأة حسيت بحاجة غريبة نزلت ابص لقيت الفردة اللى قدام على الشمال هية والارض واحد
ومش هية دى المفاجأة الوحيدة اللى كانت فى انتظارى
وانا بفك الجنط لقيته معووج عوجة جامدة من جمب واحد
رحت شايله فى الشنطة وركبت الاستبن اللى هو زى الاربع فرد بالظبط
والسؤاال دلوقتى استعدل الجنط ده واصلح الخروم اللى فى الكاوتش واخليه يبقى هو الاستبن
ولا اجيب جنط جديد بالكاوتش بتاعه للفردة دى بس
ولا الاختيار التالت اللى انا مش حابه دلوقتى بسبب زنقة الفلوس اللى الواحد فيها وهو انى اغير الاربع فرد

[تامر.محمد]

بالنسبة للكاوتش فلو فيه خرم واحد ولا حتى اتنين و حالته كويسة فعادي هاتصلحه و تركبه تاني

اما الجنط نفسه فوديه عند حد بتاع استعدال , و حسب حالته بالمقارنة بالباقيين بعد الاستعدال و الترصيص تقرر بقى هل هاتنقله ورا ولا هاتخليه مكانه

الموضوع مش مستاهل تغير كاوتش خالص الا اذا كانت الحالة العامة للكاوتش بتاعك تدهورت بالفعل