محتااااار في إختيار نوع الإطااااااااار

[alalfi]

بدأت أحس إن الكاوتش نشف وعايز يتغير (بريدجستون ياباني بوتنزا) مع إنه مشي 40000 كم . لكن كتر خيره راكب من 5 سنين لأنه الكاوتش اللي جاي في العربية من الزيرو .

محتار حيرة السنين في إختيار كاوتش مقاس (185 / 60 / 15) بمواصفات جيده وسعر حنين نسبياً لأني سألت عن البريدجستون لقيته معدي ال 700 جنيه للفرده . سألت كتير ولسه مرسيتش على نوع معين وكل ما أسأل الحيرة تزيد أكتر ...

ناس قالتلي تويو ...
وناس تانيه نصحت بالبريللي ..
وناس مدحت في فالكين ..
وغيرهم في كومهو ..
وناس تقول سوموتومو ..
وناس تقول هانكوك ..
وناس تقول دانلوب ..
شكلي من كتر حيرتي مش هغير وهفضل لحد ما الكاوتش يشتكي وأبقى قدام الأمر الواقع وساعتها يحلها الحلال ..

[K.Ossama]

التويو حلو
وفى كمان الميشﻻن طبعاً تحفة وناعم ومالهوش صوت
وفى الكونتيننتال ممتاز وارخص من الميشﻻن

[تامر.محمد]

فيه ناس شكرت في اليوكوهاما سي درايف

[alalfi]

التويو حلو
وفى كمان الميشﻻن طبعاً تحفة وناعم ومالهوش صوت
وفى الكونتيننتال ممتاز وارخص من الميشﻻن

حضرتك جبرت التويو يا دكتور ؟! ولا عن طريق السماع .. ولو عندك فكرة عن سعره في المقاس 185-60-15 أكون شاكر

[alalfi]

فيه ناس شكرت في اليوكوهاما سي درايف

فعلاً لقيت على المنتدى ناس بتشكر فيه ..

[swimmer25]

يوكوهاما زي ما قالك تامر
تقدر كمان تعرض الكاوتش شوية هتحس بفرق في الفرامل والثبات بس هتغير ال 5 فرد
شوف 195 / 55 / 15

[K.Ossama]

حضرتك جبرت التويو يا دكتور ؟! ولا عن طريق السماع .. ولو عندك فكرة عن سعره في المقاس 185-60-15 أكون شاكر

التويو سماع الصراحة
لكن الميشﻻن و الكونتيننتال عن تجربة
الأسعار السنة دى مش عارفها الحقيقة لأنى آخر مرة اشتريت كان من سنتين والميشلان كان عامل ساعتها 570 والكونتيننتال كان أرخص شوية