غيرت لبيردجستون ar-20 ومش مبسوط تمــاماً :/ .

[Boriooo]

في الموضوع انا هنقل ليكم تجربتي مع كاوتــش بيريدج ستون AR-20 175/70r13

أنا عربيتي فيرنا موديل 2013 ، مشيت بالكاوتش بتاعها 52 ألف كيلو علماً بأن العربيه زيرو ، وإن صناعة الكاوتش صيني حسب ما هو مكتوب على كاوتش العربية الي جايه بيهــا .

كان بقالي فترة حاسس برجة في السرعات وتأكل الكاوتش عن طريق النظر طبعاً فا قررت إني أغير

، وبعد بحث مش طويل بصراحة قررت أغير لبيردجستون AR-20 ولقيت موضوع هنا في المنتدى بيشكر فيــه

، او رد مش فاكر بالظبط .

قررت إني أروح فــرع المهندسين محي ش محي الدين أبو العز وتم تغيير الأربع كاوتشات .



سعــر الفردة : 319

سعر الطقم : 1277

الضريبة ( سرقة ع الفاضي ) : 127

الترصيص : 80 ( 20 جنيه لكل فردة ) .

الإجمالي : 1.405

( بعد خصم 10% للدفع بفيزا البنك الأهلي المصــري ) .

بالنسبة للتقيم :

التسارع : افضل

الثيات : معقول

الانتقال بين الحارات : معقول

الصوت : معقول

المطبات وده أهم حاجة واللي علشانها عامل الموضوع ، العربية بقت كأني مركب جنط 15 وبتدب مع أي مطب وأي زلطه .

وحتى في المدقات الصغيرة العربية بقت ناشفة جداً جداً فوق ما تتصور وانا اصلاً كنت هجيب جنط بس قلت بلاش ابهدل العفشة , وأديني جبت كاوتش جديد وحافظت على مقاس السيارة الأصلي بس حاسس اني مركب جنط من غير ما أركب اصلا ّّ !!

عــامة أنا بنصح أي حد مكاني وهيغير لنفس المقاس إنه يبعد عن النوع ده ويشوف أي نوع تــاني

( خصوصا لو إنت بتحب عربيتك تكون ناعمة في المطبات )

علماً بأن الفيرنا عفشتها مريحة لكن دلوقتي حاسس إني راكب 127 . ( مع الإحترام لل 127 )

وأسف إني طولت عليكم :) .

وعامة أنا مش بهاجم البيردجستون أنا أسمع ان البيردجستون التورانزا AR-90 ديه عجله ساحرة بس للأسف مكنتش موجوده في مقاســي .

[ahmed salah90]

انا معايا نيسان صني 2011 و جاي فيها بريدج ستون نفس الموشكله حاسس ان العافشه ناشفه جدا و المطبات و الاسفلت لو خشن بيسمع في العربيه انا بفكر إن شاء الله اغير لميشلان بس خايف من اسعار الكاويتش
بس الصراحه
احسن حاجه الثبات و الفرامل

[Boriooo]

انا معايا نيسان صني 2011 و جاي فيها بريدج ستون نفس الموشكله حاسس ان العافشه ناشفه جدا و المطبات و الاسفلت لو خشن بيسمع في العربيه انا بفكر إن شاء الله اغير لميشلان بس خايف من اسعار الكاويتش
بس الصراحه
احسن حاجه الثبات و الفرامل

فعلاً الثبات والفرامل كويسين وكمان علشان انا عربيتي يعتبر مفهاش فرامل ، لكن العفشة سيئة جداً وانا خايف ان الكاوتش كده يكون بيأثر على العفشة مع إني ملتنزم بمقاس السيارة الأصلي .

[carrier]

فعلاً الثبات والفرامل كويسين وكمان علشان انا عربيتي يعتبر مفهاش فرامل ، لكن العفشة سيئة جداً وانا خايف ان الكاوتش كده يكون بيأثر على العفشة مع إني ملتنزم بمقاس السيارة الأصلي .

قصدك خايف للعفشة اللى تبوظ الكاوتش

وللاسف دا اللى حيحصل غالبا لاقدر الله مع اول مطب غبى ممكن تقع فيه

ميت مرة قلت وحقول الكاوتش يعنى دانلوب يابانى

مكنش هات ال لاسا

[Boriooo]

قصدك خايف للعفشة اللى تبوظ الكاوتش

وللاسف دا اللى حيحصل غالبا لاقدر الله مع اول مطب غبى ممكن تقع فيه

ميت مرة قلت وحقول الكاوتش يعنى دانلوب يابانى

مكنش هات ال لاسا

غلطت بقا واللي كان كان :(

بس انا مش فاهم قصدك ، انا قصدي إني خايف الكاوتش يبوظ العفشة . ( يعني الكاوتش علشان ناشف يضر العفشة ) .

إنت قصدك إن العفشة هي الي هتبوظ الكاوتش ؟ ولو كان ده قصدك يبقا إزاي ؟

انا لبست فعلاً مطب رخم وحسيت إن الحفرة جت في وداني مش في المساعد :/

[heeshooheeshoo]

البريدجستون فيه طرازات مختلفة طبقا لما تريده من أداء
فيه ما يناسب القيادة الرياضية وفيه مايناسب القيادة الهادئة .. فيه الناشف وفيه الطرى وكل طراز وله إستخدام وكل طراز له أيضا عمر إفتراضى يختلف عن الطراز الآخر
طبعا لو حضرتك كنت عايز إطار هادىء وطرى يبقى Turanza GR 90

إنما المشكلة إن إختيار حضرتك للطراز لم يكن ملائم لما تريده من إستخدام

[Boriooo]

البريدجستون فيه طرازات مختلفة طبقا لما تريده من أداء
فيه ما يناسب القيادة الرياضية وفيه مايناسب القيادة الهادئة .. فيه الناشف وفيه الطرى وكل طراز وله إستخدام وكل طراز له أيضا عمر إفتراضى يختلف عن الطراز الآخر
طبعا لو حضرتك كنت عايز إطار هادىء وطرى يبقى turanza gr 90

إنما المشكلة إن إختيار حضرتك للطراز لم يكن ملائم لما تريده من إستخدام

لا حضرتك مقرتش موضوعي كويس .

انا لما سـألتهم في التوكيل ( توكيل الكاوتش ) قالي مقاس عربيتك مفيش منه غير طرازين ،

الأول وهو البيزك : وده أرخص 30 جنيه وهو نفسه قلي إنه مش هيناسبك لإنك بتجري ومشاوريك كتير .

التاني هو ال ar - 20 وقلي ده مناسب لإستخدامك .

علماً بإن الطراز إلى حضرتك بتقول عليه مش موجود في مقاســي أصلاً :) يعني موجود في الي 14 وال 15 على كلامه هو .

الإطار مريح في حاجات كتير ، ولكنه ناشف جداً في المطبات . هو ده العيب الوحيد الي فيه وعيب مش قليل في بلدنا الحبيبه .

[M R. Z E C O]

ممكن تقلل ضغط الكوتش حاجه بسيطة

[Boriooo]

ممكن تقلل ضغط الكوتش حاجه بسيطة

اظن تقليل الضغط هيفرق في استهلاك البنزين ؟

[adel_edrees]

من الواضح أن الثبات و الفرامل عكس عكاس مع راحة العفشة و الأحساس بالمطبات أنا شخصيا لو خيرت حأختار الثبات و الفرامل حتى ولو كان ده على حساب راحتى و عفشة العربية اأهم حاجة هي الثبات و الفرامل من وجهة نظرى الشخصية و أنت الخطوات اللى أنت عملتها دى ممتازة أنك الأول روحت للتاجر و عرفت هو عنده كاوتش أيه و بعدين كان المفروض أنك تروح بعد كده تعمل ريفيو للكاوتش اللى أنت لقيته و تشوف هل هو مطابق للأحتياجات اللى أنت عايزها و ألا لأ

[Ali_Abdelhamid]

</B>Boriooo
النتيجه اللى حضرتك وصلتها دى حصلتى بالضبط ... ودا اللى خلانى لما حبيت أغير تانى روحت لميشلان على طول ... فعلا إحساس تانى خلاص ... العربيه بقت احن والصوت فى المطبات بقى مكتوم ... واهم حاجه بالنسبالى هي الكات ايز (الحتت الحديد الصغيره) بقيت ادخل فيها بقلب جامد ... بس فاضل حاجه واحده اختبرها العمر الافتراضى

[Ali_Abdelhamid]

الحاجه الجميله فعلا فى ميشلان انه ما بيلم حصى وظلت ... حاجه رائعه فعلا دا غير انه كاويتش طرى جدا

[momenhamdy]

طيب هو في سؤال هل بعد التغير لنفس المقاس الرجه الي بتكون في الدريكسيون بعد ال ١٢٠ اختفت ؟ لاني بصراحة بعاني منها و عايز اغير الكاوتش عربيتي ٢٠١٤

[aw2100]

طيب هو في سؤال هل بعد التغير لنفس المقاس الرجه الي بتكون في الدريكسيون بعد ال ١٢٠ اختفت ؟ لاني بصراحة بعاني منها و عايز اغير الكاوتش عربيتي ٢٠١٤

رجه بعد ال120 دى الكاوتش امامى محتاج ترصيص !!