يوكوهاما سي درايف للوجان و ألا في أحسن من كده و منين وبكام

[adel_edrees]

بصوا يا جماعة أنا بعد بحث و لا بحوث الماجستير و لا الدكتوراه اللي أنا عملتهم و الله ده أصعب المشكلة أن الرينو لوجان نازل فيها كاوتش زى الصابون نسبة الزحف تصل ألى 40 % وهو كاوتش رومانى أسمه باروم تسبب فى الكثير من المشاكل لمعظم الملاك هنا في المنتدى المهم أن أنا عايز اغيره لو في حد عنده تجارب سيئة أو في حاجة أحسن من اليوكوهاما في الفرامل و الثبات فقط عايز حاجة عالية قوى في الفرامل و الثبات تحسسنى بالفرق و مش مهم الفلوس و عن تجربة مش سمع وخلاص
أن استقريت تقريبا على اليوكوهاما و مش علشان الفلوس أو علشان هو رخيص برضه لأ علشان هو بالأضافة أنه كاوتش كويس فهو موصى به من قبل ناس كتير جدا في مواقع الأطارات وناس كتير في المنتدى مركبينه أنا كنت حأشترى من شركة المعادى للأطارات الكاوتش مقاس 15/65/185 أخر سعر 525 بالترصيص و البلوف و النيتروجين

[dr.shabrawy]

اتكل على الله انا لسه مشتريه لعربيتى من يومين من على صبرة بشارع احمد سعيد.
يوكوهاما سى درايف ممتاز فعلا وانصحك بيه جدا.

[adel_edrees]

مشكور والله يا دكتور أنا معلش حأسأل حضرتك الكاوتش المقاس ده عامل كام بالبلوف و الترصيص و هو ممكن يشترى القديم العربية عاملة 10ألاف كيلو

[mohamed_mostaf]

هل فى حد بيبيع يوكوهاما فى مصر الجديده او مدينة نصر او حلمية الزيتون ؟ الكل شكر فى عبده امين اللى فى المعادى بس مشواره بعيد الصراحه

[dr.shabrawy]

أنا يا جماعة لسة جايب من على صبرة 4 فرد يوكوهاما فى شارع احمد سعيد سعر الفردة بالترصيص والبلوف والنيتروجين 450 ج والصنايعى اللى ركب الكاوتش الجديد اشترى الاربع فرد القديم منى ب80 ج لانهم كانوا هالكانين خالص. وعلى فكرة المحل مش بيشترى الكاوتش المستعمل بس ممكن تظبط مع الصنايعية او تبيعهم لاى تاجر فى احمد سعيد. وبالتوفيق

[mohamed_mostaf]

540 ولا 450 يا دكتور شبراوى عشان انا لسه مكلمه وقال لى 540 شامل كل حاجه

[H_Daim]

اومال على كده الـ A-drive عامل كام؟ لما C-drive بـ 540!

[ameros]

ميشلان

[تامر.محمد]

ثبات و فرامل يبقى فردة سبور
بس تعمل حسابك في شوية نشوفية طبعا
يعني my-02 او كومهو اكست
للاسف الادرينالين مفيش منه 15 كنت قلت لك دوس فيه ولا تتردد

Sent from my GT-N7000 using Forum Runner

[dr.shabrawy]

540 ولا 4 50 يا دكتور شبراوى عشان انا لسه مكلمه وقال لى 540 شامل كل حاجه

نسيت ان اقول لحضرتك ان عربيتى مقاس الكاوتش بتاعها 14/185/65. علشان كده ب 450 ج. ممكن حضرتك تسأل عند على صبرة هتلاقى سعر معقول. وقارن الاسعار.

[adel_edrees]

ثبات و فرامل يبقى فردة سبور
بس تعمل حسابك في شوية نشوفية طبعا
يعني my-02 او كومهو اكست
للاسف الادرينالين مفيش منه 15 كنت قلت لك دوس فيه ولا تتردد

sent from my gt-n7000 using forum runner

طيب ماعلش أيه أحسن كاوتش سبور ممكن نشتريه و يكون في مقاس 15 و النوع المشكلة أن ال فعلا أي كاوتش سبور بيكون مقاس 16

[تامر.محمد]

طيب ماعلش أيه أحسن كاوتش سبور ممكن نشتريه و يكون في مقاس 15 و النوع المشكلة أن ال فعلا أي كاوتش سبور بيكون مقاس 16

انا اعرف البريدجستون my-02 و كومهو اكستا و الناس بتشكر في الاتنين , و الاتنين فيهم 15"