ايه اخبار الكاوتش ال maxxis

[Sameh Ibrahim]

السلام عليكم ورحمة الله
كنت عايز استفسر عن الكاوتش الMAXXIS ايه اخبارة وسعره عامل كام
السيارة : Yaris
المقاس : 185-65-14

[m6r1282]

السلام عليكم ورحمة الله
كنت عايز استفسر عن الكاوتش الMAXXIS ايه اخبارة وسعره عامل كام
السيارة : Yaris
المقاس : 185-65-14

الكاوتش ده منتشر وأسمع أنه كوري وصيني، ونقشاته حلوه وسعره مش غالي وبيقولو مشهور بأنه طري.

وأنا عن نفسي مجربتوش بس لو صيني بس، فأن والصيني زي السالب والموجب كده بالضبط

[ahmed_elshafey]

أنا أقدر أفيدك فى الماركة ذات نفسها بس ماجربتش فى المقاس ده, جربت فى 13. هو كان راكب فى عربية والدتى سنتين و نص من غير مشاكل خالص ولا كان فيه لحام ولا خوابير و عاش كويس جدااا. بس جه فى يوم و خسع و أضطرينا نغيره. بس دا طبيعى عشان ليه تاريخ انتهاء فدى مش مشكله خالص و من ناحية بيعيش فهو بيعيش.
السعر حلو أوى فى 13, ما أقدرش أفيدك فى 14 و بالنسبة لأستهلاك مدينة خفيف و كده فهو ممتاز.
بس كان بيفقد ضغط بسرعة مش عارف ليه مع أنه ماكانش فيه أى مشاكل. كان بيظبط كل أسبوع مثلا يبقى فيه 3 أو 4 درجات مش حاجة يعنى. طبعا الاستخدام كان خفيف أصلا و مافيهوش حاجة بس هى ماكانتش مركونة عشان ده برضه بيأثر.
بالنسبة للأداء هو مش حلو فى الأداء. فرق خطير جدا جدا ما بينه و بين الحاجات التانية بس هو ناعم و هادى و مافيهوش مشاكل. نكسن أو كومهو أحسن, أغلى شوية بس ممتازين فى الشريحة دى.
طبعا هيأثر سلبى على الفرملة و السحبة ده أكيد بس زى ما قلتلك لو استهلاك مدينة مافيش مشاكل. لو ناوى هتسافر كتير يبقى يا أما ميشيلين أو بريدحستون أو يوكوهاما هى دى الحاجات المضمونة أوى لأن ما ينفعش تغامر على الطريق, أنا عن نفسى مركب فردتين بريدجستون قدام و فردتبين ميشيلين ورا لزوم السفر.