Tweet
مشكله ف الكاوتش ياريت الحل
بسم الله الرحمن الرحيم
السلام عليكم ورحمه الله وبركاته
ازيكم يا شباب
انا بتابع منتدي الاطارات من فتره للتانيه بس اول مره اعمل موضوع بصراحه
عندي مشكله
انا عندي عربيه فيرنا ٢٠١٤ مكملتش ٥٠٠٠ كيلو
المهم ف مره كنت ف مشوار واتفاجئت ان الكاوتش علي الچنط
المهم وديت الفرده لواحد في حدائق القبه منصحش حد ابدا انه يروحله حتى لو هتمشي علي الكاوتش
لو انت جاي من عند السراي مول علي شارع سكه الوايلي وهتخش علي الحدائق اول او تاني محل علي اليمين هتلاقي بتاع كاوتش
رحتله ودار ما بينا نفس الحوار ده بالظبط
السلام عليكم
عليكم السلام ورحمه الله وبركاته
لو سمحت عندي بس كاوتشه نايمه عايز اكشف عليها
تحت امرك يا بيه
فك الكاوتش وخده جوه نفخه وقعد يحط عليه ميه بصابون
قالي الكاوتش مفيهوش حاجه
قولتله امال ايه المشكله
قالي انت كنت قافل علي حد او حاجه
قولتله لا بس كنت راكن ف مكان معرفوش يمكن مكان حد ولا حاجه وهوالي الفرده
قالي ثواني
قعد يجيب البلف يمين وشمال وقالي ياباشا البلف ده بايظ
قولتله بايظ ازاي يا عم ده مكملش ٣٠٠٠ كيلو
قالي ياباشا حد لعبلك فيه لغايه ما بوظهولك
قولتله وايه الحل
قالي هنغيره
وراح قاطع البلف من جوه الفرده وركب واحد من عنده
طبعا بيشتغلني الباشا
المهم ركب البلف الجديد وتمام وبعد كده حط ميه بصابون تاني والمفاجاه لقي مسمار في الفرده
قالي في مسمار كمان اه
قولتله والله
وبعدين
قالي نعمله
انا بقي اتخنقت منه بصراحه
قولتله اتفضل اعمل
قالي هنعمله خابور
قولتله خابور ايه يا عم بقولك الفرده معملتش ٣٠٠٠ كيلو انت عايز تبوظها ولا ايه
قالي ياباشا المكان ده مينفعش فيه لحام لازم خابور
قولتله ليه يا عم مينففعش
قالي المكان اللي علي الجنب من تحت ده لازم خابور
قولتله يا عمي انا مبحبش الخوابير
السكه دي اخرتها وحش :) :)
قالي والله هو ده اللي عندي
رحت قولتله اتفضل يا سيدي اعمل
للاسف انا اتغبيت لاني كنت ممكن اقوله املاه هوا ولما اروح اخلي بتاع الكاوتش اللي بتعامل معاه يعملها بس للاسف مفكرتش صح
المهم قعد يغرز المفك في الكاوتش وحط خابور وروحت
بعدها باسبوع لقيته نام ورحت للراجل بتاع الكاوتش بتاعي وبعد حوار طويل قالي الراجل ده بوظلك الكاوتش والمكان ده بالذات مينفعش في خوابير
قولتله اعمل ايه
قالي هسويه بالكاوتش من جوه واعملك عليه اتنين لحام واحد صغير وواحد كبير وعمله بعدها بحوالي شهر باظ تاني رحلته شالي الخابور خالص وحط اتنين لحام تاني
قعد حوالي ٣ اسابيع وانبارح لقيت الفرده علي الچنط تاني
انا شرحت بالتفصيل الممل علشان حاجتين
مبدائيا الناس تعرف الخوابير والمصايب اللي بتيجي من وراها
وثانيا احذركم من الراجل بتاع سكه الوايلي ده
وكمان عندي سؤال
دلوقت اعمل ايه ف الفرده دي
هل ليها حل ولا اطلعها استبن وانزل الاستبن مكانها مع اني مستخسر بصراحه انزل الاستبن لانه بكيسه
ولا في حل ليها ولا ايه
اسف علي الاطاله
السلام عليكم ورحمه الله وبركاته
ازيكم يا شباب
انا بتابع منتدي الاطارات من فتره للتانيه بس اول مره اعمل موضوع بصراحه
عندي مشكله
انا عندي عربيه فيرنا ٢٠١٤ مكملتش ٥٠٠٠ كيلو
المهم ف مره كنت ف مشوار واتفاجئت ان الكاوتش علي الچنط
المهم وديت الفرده لواحد في حدائق القبه منصحش حد ابدا انه يروحله حتى لو هتمشي علي الكاوتش
لو انت جاي من عند السراي مول علي شارع سكه الوايلي وهتخش علي الحدائق اول او تاني محل علي اليمين هتلاقي بتاع كاوتش
رحتله ودار ما بينا نفس الحوار ده بالظبط
السلام عليكم
عليكم السلام ورحمه الله وبركاته
لو سمحت عندي بس كاوتشه نايمه عايز اكشف عليها
تحت امرك يا بيه
فك الكاوتش وخده جوه نفخه وقعد يحط عليه ميه بصابون
قالي الكاوتش مفيهوش حاجه
قولتله امال ايه المشكله
قالي انت كنت قافل علي حد او حاجه
قولتله لا بس كنت راكن ف مكان معرفوش يمكن مكان حد ولا حاجه وهوالي الفرده
قالي ثواني
قعد يجيب البلف يمين وشمال وقالي ياباشا البلف ده بايظ
قولتله بايظ ازاي يا عم ده مكملش ٣٠٠٠ كيلو
قالي ياباشا حد لعبلك فيه لغايه ما بوظهولك
قولتله وايه الحل
قالي هنغيره
وراح قاطع البلف من جوه الفرده وركب واحد من عنده
طبعا بيشتغلني الباشا
المهم ركب البلف الجديد وتمام وبعد كده حط ميه بصابون تاني والمفاجاه لقي مسمار في الفرده
قالي في مسمار كمان اه
قولتله والله
وبعدين
قالي نعمله
انا بقي اتخنقت منه بصراحه
قولتله اتفضل اعمل
قالي هنعمله خابور
قولتله خابور ايه يا عم بقولك الفرده معملتش ٣٠٠٠ كيلو انت عايز تبوظها ولا ايه
قالي ياباشا المكان ده مينفعش فيه لحام لازم خابور
قولتله ليه يا عم مينففعش
قالي المكان اللي علي الجنب من تحت ده لازم خابور
قولتله يا عمي انا مبحبش الخوابير
السكه دي اخرتها وحش :) :)
قالي والله هو ده اللي عندي
رحت قولتله اتفضل يا سيدي اعمل
للاسف انا اتغبيت لاني كنت ممكن اقوله املاه هوا ولما اروح اخلي بتاع الكاوتش اللي بتعامل معاه يعملها بس للاسف مفكرتش صح
المهم قعد يغرز المفك في الكاوتش وحط خابور وروحت
بعدها باسبوع لقيته نام ورحت للراجل بتاع الكاوتش بتاعي وبعد حوار طويل قالي الراجل ده بوظلك الكاوتش والمكان ده بالذات مينفعش في خوابير
قولتله اعمل ايه
قالي هسويه بالكاوتش من جوه واعملك عليه اتنين لحام واحد صغير وواحد كبير وعمله بعدها بحوالي شهر باظ تاني رحلته شالي الخابور خالص وحط اتنين لحام تاني
قعد حوالي ٣ اسابيع وانبارح لقيت الفرده علي الچنط تاني
انا شرحت بالتفصيل الممل علشان حاجتين
مبدائيا الناس تعرف الخوابير والمصايب اللي بتيجي من وراها
وثانيا احذركم من الراجل بتاع سكه الوايلي ده
وكمان عندي سؤال
دلوقت اعمل ايه ف الفرده دي
هل ليها حل ولا اطلعها استبن وانزل الاستبن مكانها مع اني مستخسر بصراحه انزل الاستبن لانه بكيسه
ولا في حل ليها ولا ايه
اسف علي الاطاله
Comment