احذروا كاوتش الدانلوب و كاوتش الكونتيننتال !!!!

[seri0us]

نزلت اشتري فردتين كاوتش مقاس 14 185\65 لسيارتي الماتريكس .. لان الهانكوك جاب ال 40 الف كم و بدأت كفاءته تقل .. فقررت اجيب كاوتش الماني المرادي .. و عن طريق المنتدى و الروابط بتاعت الصفحات العالمية للاطارات استقريت على الدانلوب sp او يوكوهاما c drive او بريدجيستون gr 90 ...

اختصرت البحث عند اشرفكو اللي في مدينة نصر ش الطيران و الغطاطي اللي ورا جنينة مول و فيت اند فيكس اللي محطة كالتكس عباس العقاد ...

فاشرفكو قالي ان الدانلوب اللي عنده ياباني و ب 450 !!! و اصل الدانلوب الماني طبعا و لدأ ينزل في السيارات الاودي و الفولكس فاجن ... و قالي يوكوها مش عنده ... و قالي الكونتيننتال اللي عنده روماني !!!! و قالي البريدجستون gr 90 مش عنده اساسا !!!!! و قالي الهانكوك هيحسبهولي ب 410 ج .. فقلتله الصراحة انا اسف لاني ناوي على الماني او ياباني ... و مشيت :(

دخلت على الغطاطي ... مالقتش اي حاجة عنده من الانواع السابق ذكرها الا الهانكوك و قالي ب 440 ج !!!! فشكرته و مشيت :(

و اخيرا قررت fit & fix اللي في كالتكس عباس العقاد وكيل بريدجستون ... و لقيت عنده المقاس المطلوب لسيارتي .. سعره 664 ج شامل البلوف و الترصيص .. فسألته على اي خصم .. فذكرلي بعض الهيئات اللي ليها خصومات عندهم زي البنك الاهلي و فودافون و اتصالات و نقابة المهندسين ... فقلتله مراتي مهندسة و معاية كارنيه النقابة .. قالي تمام .. و ليك خصم 5 % :))

و تم التركيب و كان توتال حسابي للفردتين بعد الخصم 1264 ج .. و طبعا من اول المشي احساس تحسن الفرامل باين جدا جدا و كأنك مغير تيل فرامل و الاسفلت تحس ان نعومته زادت :))

بالمناسبة \ تاريخ انتاجهم او تصنيعهم الاسبوع الاول لسنة 2014 :) فطبعا شيء ممتاز اوي الحمد لله ..

القصد كونوا على حذر من بعض الانواع اللي ذكرتها انها لو وجدت خارج وكيلها فقد تكون تصنيع دول اخرى غير البلد صاحبة المنشأ .. فعليكم دائما بالوكيل .. يعني لولا ان وكيل دانلوب تقريبا في المهندسين لكنت رحت له و اشتريتهم و ركبتهم بره عند اي حد لانه بيبيع بس .. لكن استبعدت المشوار و خاصة اني كنت مرتبط بمشاوير تانية في نفس نطاق مدينة نصر ..

و الف شكر لكل عضو زميل هنا زودني بمعلومات صحيحة عن الاطارات و نتج عنها اني وفقت في شراء الاطار السليم بمفهومية ...

[carrier]

العنوان ملوش دعوه خالص بالمضمون

دا اعظم كاوتش الدانلوب اليابانى ووراه الدانلوب الالمانى

والكاوتش الكونتنينتال الالمانى اخر احترام برده

معلش هو اللى انت ركبته بلده ايه

ومبروك

[seri0us]

العنوان ملوش دعوه خالص بالمضمون

دا اعظم كاوتش الدانلوب اليابانى ووراه الدانلوب الالمانى

والكاوتش الكونتنينتال الالمانى اخر احترام برده

معلش هو اللى انت ركبته بلده ايه

ومبروك

بريدجيستون gr 90 تورانزا ياباني ...
بس معلش اصل الدانلوب الماني مش ياباني ... و اكتر من واحد قال هنا ان متعة القيادة بالاطار الالماني مختلفة تماما عن التقفيل الياباني .. حتى موظف اشرفكو و هو بيقولي ان الدانلوب اللي عنده ياباني كان بيقولها على استحياء لانه عارف ان الجودة في الالماني منها .. بالظبط زي ما الاكليس الاندونيسي التابع لكونتيننتال و باشراف كونتيننتال طلع مش أد اسم الشركة الام نهائيا :(( و عن تجربة .. و تووووووبة اكررها ...
و الكونتيننتال ناس كتير في المنتدى هنا استاؤوا من مستواه في الفترة الاخيرة و الدليل ان السيارات الالماني اعتمدت تركيب الدانلوب حاليا و خاصة الاودي و الفولكس فاجن ..
و موضوع نزول مستوى الكونتيننتال بالفعل أكد عليه موظف fit & fix نقلا عن عملاء عندهم جايين يستبدلوه ببريدجيستون my02 ..

و الله يبارك فيك ..

[carrier]

بريدجيستون gr 90 تورانزا ياباني ...
بس معلش اصل الدانلوب الماني مش ياباني ... و اكتر من واحد قال هنا ان متعة القيادة بالاطار الالماني مختلفة تماما عن التقفيل الياباني .. حتى موظف اشرفكو و هو بيقولي ان الدانلوب اللي عنده ياباني كان بيقولها على استحياء لانه عارف ان الجودة في الالماني منها .. بالظبط زي ما الاكليس الاندونيسي التابع لكونتيننتال و باشراف كونتيننتال طلع مش أد اسم الشركة الام نهائيا :(( و عن تجربة .. و تووووووبة اكررها ...
و الكونتيننتال ناس كتير في المنتدى هنا استاؤوا من مستواه في الفترة الاخيرة و الدليل ان السيارات الالماني اعتمدت تركيب الدانلوب حاليا و خاصة الاودي و الفولكس فاجن ..
و موضوع نزول مستوى الكونتيننتال بالفعل أكد عليه موظف fit & fix نقلا عن عملاء عندهم جايين يستبدلوه ببريدجيستون my02 ..

و الله يبارك فيك ..

اصل كلام حضرتك غريب جدا

لان من سنين والدانلوب يابانى وروعة فى ادائه

انا مستمتع باداءه 3 سنين دلوقتى مع 77000كم شغل بامتياز 14/65/185

وانت مركب يابانى اهه برده

بس انت متأكد ان اللى ركبته

made in japan

[ahmad--ezzat]

حضرتك عامل موضوعين بس برضه فين التحذير!!!!!!!!!!!!!!!!!!!!!!!!!!!!!

الف مبروك علي الكاوتش الجديد :)

[seri0us]

اصل كلام حضرتك غريب جدا

لان من سنين والدانلوب يابانى وروعة فى ادائه

انا مستمتع باداءه 3 سنين دلوقتى مع 77000كم شغل بامتياز 14/65/185

وانت مركب يابانى اهه برده

بس انت متأكد ان اللى ركبته

made in japan

طبعا لازم تحس ان كلامي غريب عليك لاني بجيب من مصادر موثقة بأصل كل منتج .. فحضرتك موهوم بقالك 3 سنين ان الدانلوب اصله ياباني !!!! و الناس كلها في المنتديات بتعمل فرح لما تلاقي الدانلوب الالماني !!! بس عامة جبتلك جزء من كلام عن شركة دانلوب من موقع ويكيبديا يثبتلك ان الدانلوب في تاريخها كله مارحتش ناحية جزر اليابان و ان طول عمر حياتها بين دول اوروبا !!!!!!

In 1901 Arthur Du Cros renamed the business the Dunlop Rubber Company.[9]

Between 1904 and 1909, the French Dunlop subsidiary lost a total of £200,000, as European rivals such as Michelin of France and Continental of Germany overtook it in the motor tyre market.[1] In 1909, Dunlop of France, and in 1910, Dunlop of Germany were wholly acquired by the British parent in order to enforce stronger quality control.[1]

و طبعا بما اني واثق ان اصل الدانلوب المانيا فطبيعي اني ما اركبش الياباني .. و لما لجأت للياباني لجأت للبريدجيستون اللي اصل بلده المنتجة اليابان :))

يبقى انا كده عن قناعة تامة مركب منتج اصلي من بلده الاصلية في الانتاج و ليس من انتاج بلد تحت اشراف البلد الام :)))

[seri0us]

حضرتك عامل موضوعين بس برضه فين التحذير!!!!!!!!!!!!!!!!!!!!!!!!!!!!!

الف مبروك علي الكاوتش الجديد :)

التحذير المقصود ان اللي هيركب كونتيننتال يتأكد ان المعروض عليه الماني مش روماني ... و اللي هيركب الدانلوب يتأكد ان المعروض عليه الماني مش الياباني ... بس كده :))))

و اللي مش فارق معاه انه يشتري الاورجينال و بيحس انه متمزج من الهاي كوبي يبقى و لا كأنه شاف موضوعي :)))

و الله يبارك في معاليك ...

[seri0us]

In 1890 Dunlop opened its first tyre plant in Dublin, Ireland and three years later its first tyre factory in mainland Europe in Hanau, Germany. By 1895 Dunlop tyres were also being sold in France and Canada, and manufactured in Australia and the USA. By 1898 the business had outgrown its Dublin base, and production was transferred first to Coventry, England and then in 1902 to the 400 acre site in Birmingham, England - later known to the world as Fort Dunlop.