العلاقة بين مقاس الجنط وارتقاع السيارة عن الارض

[NightmarE84]

ما هى العلاقة بين ارتفاع السيارة عن الارض و مقاس الجنط (خصوصا ارتفاع )

انا عربيتى بيجو 406 موديل حديث و شوفت راكب ليها جنوط 16/60/195 وجنوط اخرى 15/65/195
واحيانا 15/65/205

فعايز اعرف اي من المقاسات دى هيفرق فى ارتفاع عربيتى عن الارض
ولا موضوع ارتفاع الجنط او الكاوتش ده مش بيفرق فى بعد العربية عن الارض (عشان طبعا مطبات مصر ام الدنيا :( )

[eng.m7md.ali]

195/60 -16

ال 60 دي هيا ارتفاع الكاوتش .. بتبقى نسبة 60% من اجمالي العرض اللي هو 195 مم .. اما 16 دي اللي هيا 16 بوصة

يعني كل مايزيد العرض مع زيادة النسبة اللي هيا 60% مع زيادة الجنط بيؤدي الى ارتفاع العربية

تقريباً النسبة متساوية بين اول مقاس وتاني مقاس من اللي حضرتك كاتبه

[NightmarE84]

195/60 -16

ال 60 دي هيا ارتفاع الكاوتش .. بتبقى نسبة 60% من اجمالي العرض اللي هو 195 مم .. اما 16 دي اللي هيا 16 بوصة

يعني كل مايزيد العرض مع زيادة النسبة اللي هيا 60% مع زيادة الجنط بيؤدي الى ارتفاع العربية

تقريباً النسبة متساوية بين اول مقاس وتاني مقاس من اللي حضرتك كاتبه

طيب انا عايز اعرف ايه اكبر مقاس اقدر اركبه على العربية بحيث يساعدنى اارفع ارتفاعها عن الارض وكمان ميأثر على ثبات العربية او نعومة عفتشتها

[NightmarE84]

هل لو ركبت جنط الاسبور الفبريكة بس هيبقى مقاسه اقل 14 هيعمل مشكلة ؟؟؟
وهل هيقلل من ارتفاع العربية؟؟

[eng.m7md.ali]

لو صغرت الجنوط العربية هتوطى

كل ما 60% دي تزيد بتزيد الراحة .. تقل يعني تقل الراحة

اعتقد احسن مقاس لل 406 هو 205/55-16

[NightmarE84]

لو صغرت الجنوط العربية هتوطى

كل ما 60% دي تزيد بتزيد الراحة .. تقل يعني تقل الراحة

اعتقد احسن مقاس لل 406 هو 205/55-16

طيب كده نسبة الارتفاع قلت وبكده الراحة هتزيد؟؟
وماهو دافع حضرتك لاعتبار ده افضل مقاس؟؟؟

وهل هيزود معاياه ارتفاع العربية وهيزودوا كام سم ؟؟

[borio1704]

مقاس الكاوتش مكتوب بطريقة تقوللك كل أبعاده مع بعض.. بس بطريقة غير مباشرة

وزي ما قاللك الأستاذ eng f3lix

ال195 ده عرض الكاوتش بالمليمتر

ال60 ده قيمة الجزء الجانبي من الكاوتش من الجنط لحد الأرض... وال60 دي معناها 60% من عرض الكاوتش.. اللي هو 195

ال16 ده قطر الجنط بالبوصة.. والبوصة تساوي 25.4 مليمتر


القطر الخارجي للكاوتش هيساوي

قطر الجنط + 2 قيمة الكاوتش الجانبي ( عشان عندنا جزء من الجنط للأرض والجزء التاني المقابل من فوق )

يعني:

( 16 × 25.4 ) + ( 2 × (195 × 0.60 ))


اهم حاجة إنك تحافظ على القطر الإجمالي ده ثابت بقدر الإمكان

تغيير القطر الخارجي له تأثير على استهلاك البنزين والتسارع وكمان هيديك قراية عداد السرعة غير دقيقة



...

[automea]

ما هى العلاقة بين ارتفاع السيارة عن الارض و مقاس الجنط (خصوصا ارتفاع )

انا عربيتى بيجو 406 موديل حديث و شوفت راكب ليها جنوط 16/60/195 وجنوط اخرى 15/65/195
واحيانا 15/65/205

فعايز اعرف اي من المقاسات دى هيفرق فى ارتفاع عربيتى عن الارض
ولا موضوع ارتفاع الجنط او الكاوتش ده مش بيفرق فى بعد العربية عن الارض (عشان طبعا مطبات مصر ام الدنيا :( )

الي بيحدد ارتفاع السيارة زي مقال بعض الاعضاء ال رقم بعد العلامة دي / الي هو 60 ودي اسمها ال aspect ratio دي النسبة بين ارتفاع الاطار وعرض الاطار

وكل ما النسبة دي كانت اكبر كان الارتفاع اكبر لان المطاط بيكون اكبر حجما ولو قلت العكس

والنسبة دي كمان لما تزيد بتكون الراحة في العربية كويسة ولما تقل بتكون الراحة في العربية وحشة وده بياثر بالسلب على العفشة

تحياتي

[eng.m7md.ali]

طيب كده نسبة الارتفاع قلت وبكده الراحة هتزيد؟؟
وماهو دافع حضرتك لاعتبار ده افضل مقاس؟؟؟

وهل هيزود معاياه ارتفاع العربية وهيزودوا كام سم ؟؟

لا كدة الراحة هتقل .. لو الجنوط مقاس 16

لو الجنوط مقاس 15 هيبقى المقاس الصح 195/65 - 15

كدة المقاسين دول تقريباً نفس الارتفاع

[NightmarE84]

مقاس الكاوتش مكتوب بطريقة تقوللك كل أبعاده مع بعض.. بس بطريقة غير مباشرة

وزي ما قاللك الأستاذ eng f3lix

ال195 ده عرض الكاوتش بالمليمتر

ال60 ده قيمة الجزء الجانبي من الكاوتش من الجنط لحد الأرض... وال60 دي معناها 60% من عرض الكاوتش.. اللي هو 195

ال16 ده قطر الجنط بالبوصة.. والبوصة تساوي 25.4 مليمتر


القطر الخارجي للكاوتش هيساوي

قطر الجنط + 2 قيمة الكاوتش الجانبي ( عشان عندنا جزء من الجنط للأرض والجزء التاني المقابل من فوق )

يعني:

( 16 × 25.4 ) + ( 2 × (195 × 0.60 ))


اهم حاجة إنك تحافظ على القطر الإجمالي ده ثابت بقدر الإمكان

تغيير القطر الخارجي له تأثير على استهلاك البنزين والتسارع وكمان هيديك قراية عداد السرعة غير دقيقة



...

شاكر لشرح حضرتك المفصل
ولكن عايز من حضرتك افضل مقاس لعربيتى ببحيث انه يساعد على تعلينها وفى نفس الوقت ميأثرش على نعومة العفشة واتزان العربية او ما شابه

[borio1704]

شاكر لشرح حضرتك المفصل
ولكن عايز من حضرتك افضل مقاس لعربيتى ببحيث انه يساعد على تعلينها وفى نفس الوقت ميأثرش على نعومة العفشة واتزان العربية او ما شابه

كل مقاس له آثاره على الراحة والثبات


الكاوتش الأعرض يديك ثبات أعلى.. بس هتلاقي نفسك حاسس بالزلط اللي في الأرض أكتر.. لإن الكاوتش ملا مكانه على الأرض وبيلقط المطبات أكتر.

البروفايل (الكاوتش الجانبي) لما بيزيد بيزود الراحة.. بس الثبات بيقل... والعكس صحيح.

الجنط لما تكبره .. ممكن يزود وزن الفردة كلها... وده بيأثر على العفشة .. وعلشان تقلل من تأثيره الوحش.. لازم تركب جنوط أخف.


وعموما.. لو حافظت على القطر الخارجي ثابت... ولا أي مقاس هيعلي العربية


إنما لو مصر على تعلية العربية.... فالأفضل إنك تركب سست أعلى... بس كده إنت بتعدل على العربية تعديل ممكن يكون مش محسوب...


أنا شخصيا.. أفضل إنك تسيب العربية زي ما هيا بدون تعديل... إلا إذا كانت السست ريحت من الاستخدام.. فممكن تغير وتجيب نفس السست بتاعتها جديدة... ودي هتعلي العربية أكيد.



...

[alzelafy]

خليك فى الفردة ال 15 65 195 دى حلوة و هتعلى العربيه و لو جبت الجنط ال 16 و على 65 بردو يبقى هتعليها اكتر ... شوف مقاس العربيه الاصلى كام وزود 5 على الرقم الصغير اللى هو 55 او 60 او 65 و الكلام دة على اى مقاس 14 او 15 او 16 .... يعنى لو كاتبلك المقاس 15 195 60 يبقى انتا كدا ممكن تجيب نفس الرقم بس 65 يبقى انتا كدة عليت العربيه بدون تعديل و لعب فى العفشه

[NightmarE84]

شاكر لحضراتكم وبأذن هوافيكم باللى تم قريبا