شوروا عليا

[تامر.محمد]

سلام عليكم
دلوقت الوضع كالتالي

دلوقت انا ما بين يوكوهاما سي درايف و بريدجستون تورانزا ج ر 90
لكن الميزانية لا تسمح بطقم كامل تورانزا- 3300 جنيه
و تسمح بطقم يوكوهاما- 2600 جنيه

فيه فكرة افتكاسة
العربية عندي فيها فردة تورانزا عاملة حوالي 20 الف كيلو
الافتكاسة المش نضيفة طبعا اني اجيب 3 فرد تورانزا ب2475 جنيه و بكده يبقى عندي طقم تورانزا بس فيه فردة قديمة بما يستتبعه ذلك

او الحل النضيف اني اجيب طقم يوكوهاما على بعضه

هل فرق اداء الفردتين يستاهل اني اعمل الافتكاسة المش نضيفة ؟
ولا اجيب يوكوهاما لان الفرق ما يستاهلش اعمل كده عشانه ؟

شوروا عليا :-)

Sent from my GT-N7000 using Forum Runner

[تامر.محمد]

ايه يا قوم

الغوث اخوكم محتار :-D

Sent from my GT-N7000 using Forum Runner

[eslamsubaru]

انا كنت زيك فالحوار ده من شهر و رسيت على التورانزا بعد ما شوفت اداء كل عجلة مع الناس و مشاكل كل واحدة مع المدى الطويل .. فرق كبير الصراحة بين العجلتين ..
و بعد تركيب التورانزا فرق شاسع فالنعومة و الفرامل افضل 100 مرة من قبل .. اليوكوهاما حلوة بس هتبتدى تفقد نعومتها بعد 15 الى 20000 كم و جوانب العجلة مش بتستحمل اى خبطة ..

نصيحتى حاول تجيب التورانزا .. و روح لفرع فيت اند فيكس و هيفيدك فالعجلة اللى عندك و غالبا هيركبهالك فالخلف .. الفردة عاملة 20000 كم مش كتير و تعيش معاك كمان 500000 كم ...

[تامر.محمد]

ادي اول رأي لصالح التورانزا , و رأي عن بحث الحمد لله :)

[Omar Mahmoud]

التورانزا

[m.tito]

طيب ما بدل ما تجيب تورانزا ، هات بريدجستون بردو ونقشة my-02 الفدرة الاسبورت وسعرها اقل من التوراتز ، واداها جيد وبردو بريدجستون

[تامر.محمد]

طيب ما بدل ما تجيب تورانزا ، هات بريدجستون بردو ونقشة my-02 الفدرة الاسبورت وسعرها اقل من التوراتز ، واداها جيد وبردو بريدجستون

اصل اللي راكب عندي حاليا MY-01 و تعبت من النشوفية
فقلت اجيب فردة تكون طرية

[محمد المصرى]

انا عندى الحل ان شاء الله

معاك فيزا البنك الاهلى هتاخد خصم 10% وتقف عليك 2970

ممكن تسأل بالتليفون انا لسه مركب من اسبوعين

[تامر.محمد]

انا عندى الحل ان شاء الله

معاك فيزا البنك الاهلى هتاخد خصم 10% وتقف عليك 2970

ممكن تسأل بالتليفون انا لسه مركب من اسبوعين

هي فكرة جامدة
لكن انا معايا فيزا qnb , ممكن اعدي عليهم اسألهم عموما

[gebreel]

بص يا تامر باشا

انا كنت محتار الحيرة بتاعتك دي في مقاس اللوجان، المهم بعد الفحص و التمحيص (حلوة التمحيص دي) لقيت ان ال2 ادائهم تقريبا واحد و كل واحدة احسن من الثانية في حاجة و اوحش في حاجة ثانية بس في الاخر ال2 فروقاتهم عن بعض حاجة بسيطة جداااااااااا

انا مركب الc drive بقالي تقريبا 8000 كيلو و لحد دلوقتي مبسوط جدا منها ما شاء الله و مريحاني جدا

ده لينك الc drive
Yokohama C Drive | the Yokohama C Drive reviewed and rated - TyreReviews

و ده لينك الGR90
Bridgestone Turanza GR90 | the Bridgestone Turanza GR90 reviewed and rated - TyreReviews

لو فتحت ال2 و قارنتهم ببعض هتلاقينا بنتكلم في فروق 1 او 2 %

[eslamsubaru]

بص يا تامر باشا

انا كنت محتار الحيرة بتاعتك دي في مقاس اللوجان، المهم بعد الفحص و التمحيص (حلوة التمحيص دي) لقيت ان ال2 ادائهم تقريبا واحد و كل واحدة احسن من الثانية في حاجة و اوحش في حاجة ثانية بس في الاخر ال2 فروقاتهم عن بعض حاجة بسيطة جداااااااااا

انا مركب الc drive بقالي تقريبا 8000 كيلو و لحد دلوقتي مبسوط جدا منها ما شاء الله و مريحاني جدا

ده لينك الc drive
yokohama c drive | the yokohama c drive reviewed and rated - tyrereviews

و ده لينك الgr90
bridgestone turanza gr90 | the bridgestone turanza gr90 reviewed and rated - tyrereviews

لو فتحت ال2 و قارنتهم ببعض هتلاقينا بنتكلم في فروق 1 او 2 %

مع احترامى لكلامك : المقارنة العملية افضل دليل عن الريفيوهات اللى على النت اللى كل ريفيو لازم بيشكر فالمنتج بتاعه ..
اليوكوهاما ماركة نظيفة و حلوة طبعا بس صدقنى لو جربت التورانزا هتعرف ان الفرق يعدى ال 30-50% بمراحل...
اليوكوهاما مش هتشتكى منها الا لو جربت اداء التورانزا .. فيه ناس كمان اشتكت من تزحيف بالفرملة مع اليوكوهاما و لسه معملتش 5000 كم ...
عموما ده او ده لازم تكون متأكد انك جايب حاجة على الأقل انتاج 2014 و متقبلش بقبل كده علشان تاخد فردة تستحق الفلوس اللى ادفعت فيها

[alalfi]

عربيتي نازلة بكاوتش بريدجستون بوتنزا ... كنت هغير الطقم من أسبوعين وبعد حيرة السنين واللف في المنتديات رسيت على السي درايف الفردة عامله 550 في مقاس 185/60/15 عند بركات اللي في ش الجزاير في المعادي إنتاج الاسبوع الأول في 2014 .. الفرده طرية وناعمه وصوتها معقول وفي الفرامل كويسة جداً الحمد لله مرتين في الطريق أضطر أكبس فرامل جامد مرة على الصحراوي والتانية على الكوبري اللي قصاد مستشفى النيل بدراوي كانت بتمسك وتمام التمام .. عيبها الوحيد لحد دلوقتي إنها أحياناً بتاخد زلطة في حجم حبة الزيتون الصغيرة فبتعمل صوت طبعاً لحد ما الزلطة تفك .

[gebreel]

مع احترامى لكلامك : المقارنة العملية افضل دليل عن الريفيوهات اللى على النت اللى كل ريفيو لازم بيشكر فالمنتج بتاعه ..
اليوكوهاما ماركة نظيفة و حلوة طبعا بس صدقنى لو جربت التورانزا هتعرف ان الفرق يعدى ال 30-50% بمراحل...
اليوكوهاما مش هتشتكى منها الا لو جربت اداء التورانزا .. فيه ناس كمان اشتكت من تزحيف بالفرملة مع اليوكوهاما و لسه معملتش 5000 كم ...
عموما ده او ده لازم تكون متأكد انك جايب حاجة على الأقل انتاج 2014 و متقبلش بقبل كده علشان تاخد فردة تستحق الفلوس اللى ادفعت فيها

يا باشا الموقع اللي انا حاطه ده من احسن مواقع تقييم الكاوتش و في نفس الوقت تقدر تشوف الreviews بتاعة الناس على كل نوع يعني ملوش دعوة مين الشركة المنتجة

الحاجة الثانية انا مقلتش ان التورانزا وحش بس عندك مثلا دكتور احمد عبد الرحمن كان مركب التورانزا و بعدين غير و ركب السي درايف و هو اللي لفت نظري لمووع المقارنة دي (تجربة عمليه تورانزا حوالي 60 الف كيلو)

تزحيف الفرامل ده كان بيحصل معايا في الفردة القديمة اللي كانت نازلة ستوك مع العربية و الي غيرتها على 25 الف كيلو و السي درايف معايا مفيش ليها اي صوت علما بان السي درايف راكبة عندي بقالها حوالي 8000 كيلو