عايز اشتري جنوط اسبور

[eng.mostafa323]

السلام عليكم

كنت اشتريت عربيه بروتون ساجا
وكان راكب عليها جنط ١٦ وده مبهدل العفشه معايا
فكنت عايز اغيره بجنط ١٥
هو اللي راكب نوعه ستام فورد نوعه اندونيسي
وهو كويس
فكنت عايز اعرف اجيب جنوط كويسه منين
وتكون في حدود ٢٠٠٠ الي ٢٥٠٠ بس تكون جنوط كويسه وتعيش

وياريت يكون مكان موثوق منه

وشكرا

[أحمد عثمان]

أولاً الستامفورد ده تايلاندي مش أندونيسي لو انت متأكد إن اللي عندك أندونيسي يبقى أكيد مضروب, الماركة دي العلامة بتاعتها كده ssw.
ثانياً المستورد الأصلي للماركة دي هو أشرفكو, و ده ليه فروع كتير أشهرهم بتاع مدينة نصر و المطرية, و على فكرة عنده تشكيله جامدة جداً سواء من الاستامفورد أو البي إس إيه الأندونيسي, و ماركات تانية كتير, بس نصيحة لو لقيت في الاستامفورد حاجة عجبتك خلص لأنه محترم جداً.
أخيراً الأسعار معقولة أوي و الخدمة رائعة على الأقل في فرع مدينة نصر اللي جربته.
لو عايز تعرف أكتر ممكن تدخل على موقع أشرفكو و تشوف العناوين و الموديلات المختلفة.
ربنا يوفقك.

[eng.mostafa323]

اه فعلا طلع تايلندي
انا كلمته في التليفون
طيب انت رايك اخليني في الاستام فورد التايلندي
واروح المركز الرئيسي ولا مدينة نصر احسن
وكمان ايه الخدمات اللي بيعملها هناك لاني هشتري بس وهركب في بريدج ستون
وهل بيبقي في ضمان

[أحمد عثمان]

طيب ليه تركب في حتة تانية , متشتري الكاوتش من عنده أو لو عايز تجيب من عند حد تاني يبقى تجيب الكاوتش و تركب عنده لأن الخدمة عنده جيدة جداً.
بالنسبة لموضوع مدينة نصر أو المطرية فأنا الحقيقة جربت مدينة نصر , لو المطرية أقربلك روح بس مش عارف خدمتهم إزاي هناك.
أما موضوع الضمان فده نسبي لأن الضمان حيكون ضد إيه؟؟؟؟

[eng.mostafa323]

الف شكر يا باشا
هيا الفكره ان هركب في بريدج ستون اللي عندي في اكتوبر
عشان في تقسيط تبع البنك الاهلي معاه
وان شاء الله هروح فرع مدينة نصر هيبقي اقرب ليا
هو صحيح الفرع اللي هناك كبير بمعني هلاقي في تشكيلات كتيره

[أحمد عثمان]

الف شكر يا باشا
هيا الفكره ان هركب في بريدج ستون اللي عندي في اكتوبر
عشان في تقسيط تبع البنك الاهلي معاه
وان شاء الله هروح فرع مدينة نصر هيبقي اقرب ليا
هو صحيح الفرع اللي هناك كبير بمعني هلاقي في تشكيلات كتيره

بالنسبة لفرع مدينة نصر فهو فرع كبير و فيه تشكيلات كتير, و لسة كان منزل تشكيلة جديدة من إسبوعين لمقاسات 14 و 15 بوصة , يارب تلحق.
و لو روحت هناك و ملقتش اللي انت عايزه أو متردد لأي سبب, روح أي فرع تاني و شوف, الموضوع يستاهل لأنك حتدفع مش أقل من 1500 1600 جم حسب الجنط اللي انت حتختاره, و على فكرة عنده دفع بالفيزا لو عايز.
و اتأكد إنك تاخد الحاجات دي مع الطقم:
1- الرينجات
2- مسامير الجنوط
3- فاتورة حتى لو مش ضريبية مش مشكله
ربنا يوفقك.

[eng.mostafa323]

بالنسبة لفرع مدينة نصر فهو فرع كبير و فيه تشكيلات كتير, و لسة كان منزل تشكيلة جديدة من إسبوعين لمقاسات 14 و 15 بوصة , يارب تلحق.
و لو روحت هناك و ملقتش اللي انت عايزه أو متردد لأي سبب, روح أي فرع تاني و شوف, الموضوع يستاهل لأنك حتدفع مش أقل من 1500 1600 جم حسب الجنط اللي انت حتختاره, و على فكرة عنده دفع بالفيزا لو عايز.
و اتأكد إنك تاخد الحاجات دي مع الطقم:
1- الرينجات
2- مسامير الجنوط
3- فاتورة حتى لو مش ضريبية مش مشكله
ربنا يوفقك.

تمام يا باشا
الف شكر علي المعلومات دي