سؤال عن الطريقة الأمثل لتبديل الكاوتش

[wahba87]

السلام عليكم

افتكر انى قرأت فى المنتدى عن طريقة تدوير الكاوتش كالتالى:
بعد ١٠٠٠٠ كيلو تبدل الكاوتش على شكل حرف x
بعد ١٠٠٠٠ كيلو تبدل الامامى بالخلفى
بعد ١٠٠٠٠ كيلو تبدل الكاوتش على شكل حرف x
بعد ١٠٠٠٠ كيلو تغير ٤ فرد ب ٤ جديد

بكده كل فردة قعدت ١٠٠٠٠ كيلو فى مكان من ال٤ ، و الكاوتش كله يتاكل بشكل متساوى

النهاردة واحد صاحبى بيقولى ان الطريقة دى تخلى العربية تعوم ، وان الفردة يمين المفروض تفضل يمين على طول ، و الشمال تفضل شمال على طول ، و تكتفي بس بتبديل الامامى بالخلفى

تفتكروا ايه هى الطريقة الأفضل ؟

[Adnfalcon]

تبديل الامامي بالخلفي فقط

[K.Ossama]

اللى مكتوب فى كل الكتالوجات العربيات هو
العجل الامامى يرجع ورا x، والخلفى يطلع قدام عدل

الطريقه التانية اللى هى اليمين يمين والشمال شمال ده للكاوتش الunidirectional اللى له اتجاه دوران محدد

[Adnfalcon]

اللى مكتوب فى كل الكتالوجات العربيات هو
العجل الامامى يرجع ورا x، والخلفى يطلع قدام عدل

الطريقه التانية اللى هى اليمين يمين والشمال شمال ده للكاوتش الunidirectional اللى له اتجاه دوران محدد

كلام سليم 100 %

[almohaor]

اللى مكتوب فى كل الكتالوجات العربيات هو
العجل الامامى يرجع ورا x، والخلفى يطلع قدام عدل

الطريقه التانية اللى هى اليمين يمين والشمال شمال ده للكاوتش الunidirectional اللى له اتجاه دوران محدد

كل عام والجميع بخير
رمضان كريم


حضرتك للاسف عكست المعلومة
فى كتالوج الفيرنا عندى بيوضح
ان الكاوتش الامامى يرجع للخلف عدل
والكاوتش الخلفى يطلع للامام عكسى
يعنى اليمين خلفى يبقى شمال امام
والشمال خلفى يبقى يمين امام

[A.Saad]

العجل الامامى يرجع ورا x، والخلفى يطلع قدام عدل

ده للجر الخلفى وال 4x4

لكاوتش الامامى يرجع للخلف عدل
والكاوتش الخلفى يطلع للامام عكسى

ده للجر الامامى

[K.Ossama]

كل عام والجميع بخير
رمضان كريم

حضرتك للاسف عكست المعلومة
فى كتالوج الفيرنا عندى بيوضح
ان الكاوتش الامامى يرجع للخلف عدل
والكاوتش الخلفى يطلع للامام عكسى
يعنى اليمين خلفى يبقى شمال امام
والشمال خلفى يبقى يمين امام

الله أكرم
كلام حضرتك سليم وصح
أنا كتبت غلط فعلاً
اللى انا كاتبه بتاع الدفع الخلفى مش الجر الامامى

[K.Ossama]

ده للجر الخلفى وال 4x4

ده للجر الامامى

تمام كده

[K.Ossama]

تصحيح علشان أنا كتبت غلط فى المشاركة الأولى
انا آسف يا شباب.....

العجل الامامى يرجع ورا عدل، والخلفى يطلع قدام x (عكسى أو كروس يعنى)

الطريقه التانية اللى هى اليمين يمين والشمال شمال ده للكاوتش الunidirectional اللى له اتجاه دوران محدد

دى صح مافيهاش غلط

[wahba87]

عذرا يا جماعة ، هو عمليا ايه الفرق بين

الامامى يرجع عدل و الخلفى يطلع x
وبين
الامامى يرجع x و الخلفى يطلع عدل

النتيجة فى الاخر واحدة ، ان العجل كله يلف على كل الاماكن ، ولا ايه؟