Tweet
السلام عليكم موضوع اختيار الاطار او الكاوتش لعربيتك موضوع مهم جدا جدا لانك لو استرخصت او لاقدر الله اضحك عليك العواقب ممكن توصل لتدمير العربية او الوفاه لا قدر الله.
بص يا باشا في راي عند ناس كتير عن الكاوتش ان سعادتك لما تيجي تجيب فرد الكاوتش اهم حاجة هي مواصفات الفردة مش مهم نوعها يعني مش هتفرق الفردة دي هانكوك ولا كومهو ولا حتي بريدجستون طبعا الكلام ده خاطئ تماما وعن تجربة هديكوا مثال لخطأ النظرية دي.
انا معايا رينو لوجان موديل 2011 العربية والحمدلله عربية كويسة ولكن نازل معاها كاوتش روماني اسمه باروم والموديل برليانتيس الكاوتش ده من اسؤا الفرد الي شفتها في حياتي تحس انك ماشي علي صابون مع ان Teraction (معامل التماسك) A يعني المفروض حاجة كويسة بتمسك في الارض و Temperature A الحرارة و Tread wear 280 وده سمك المداس بتاع الفردة و280 ده رقم كويس يعني المفروض الفرد دي بتستحمل ومبتتخرمش بسرعة الكاوتش سئ في التماسك وبيتخرم بسرعة جدا والنقشة بتتمسح بسرعة الخلاصة الكاوتش النسر ممكن يكون احسن منه.
ليه بقي انابقلكوا الكلام ده علشان دلوقتي اسعار الكاوتش بقت استهبال رسمي (البريدجستون 185/65-15 عاملة 770 جنيه عند الغطاطي واليوكهاما نفس المقاس عاملة 550 عند علي صبرة) فا انت مش هتجرب في الفين جنيه او تلاته تجيب نوع معروف ومتجرب قبل كده وكمان طبعا اهم حاجة مواصفات الفردة تكون كويسة يعني متقلش عن الي انا قايلة في الباروم فوق والانتاج يكون حديث ومن محل كبير ومعروف علشان تبقي مطمن انه مخزنه بطريقة صحيحه.
وخلي بالك العبرة مش بالماركة لوحدها ولا المواصفات لوحدها يفضل الاتنين مع بعض لان كل شركة عندها الفردة العالية والفردة النص نص مثلا في بريدجستون التورانزا اعلي من my01 هي دي بتبقي لظروف قيادة ودي لظروف قيادة تانية يعني في يوكوهاما السي درايف اعلي من ال ايه درايف ال اس درايف اعلي من الاتنين علشان سبور شوية وهكذا ودايما في موديل فردة معين مناسب لعربيتك يعني مثلا في اللوجان اكتر فردة مناسبه ليها تورانزا جي ار 90 وفي اليوكوهاما السي درايف وهكذا.
اوعي تستسهل في موضوع الكاوتش او متهتمش المواصفات الماركة والانتاج والمحل الي بتجيب منه خلي بالك من العناصر دي لو عايز فلوسك متترميش علي الارض وشكرا واسف علي الاطالة وتحياتي.
بص يا باشا في راي عند ناس كتير عن الكاوتش ان سعادتك لما تيجي تجيب فرد الكاوتش اهم حاجة هي مواصفات الفردة مش مهم نوعها يعني مش هتفرق الفردة دي هانكوك ولا كومهو ولا حتي بريدجستون طبعا الكلام ده خاطئ تماما وعن تجربة هديكوا مثال لخطأ النظرية دي.
انا معايا رينو لوجان موديل 2011 العربية والحمدلله عربية كويسة ولكن نازل معاها كاوتش روماني اسمه باروم والموديل برليانتيس الكاوتش ده من اسؤا الفرد الي شفتها في حياتي تحس انك ماشي علي صابون مع ان Teraction (معامل التماسك) A يعني المفروض حاجة كويسة بتمسك في الارض و Temperature A الحرارة و Tread wear 280 وده سمك المداس بتاع الفردة و280 ده رقم كويس يعني المفروض الفرد دي بتستحمل ومبتتخرمش بسرعة الكاوتش سئ في التماسك وبيتخرم بسرعة جدا والنقشة بتتمسح بسرعة الخلاصة الكاوتش النسر ممكن يكون احسن منه.
ليه بقي انابقلكوا الكلام ده علشان دلوقتي اسعار الكاوتش بقت استهبال رسمي (البريدجستون 185/65-15 عاملة 770 جنيه عند الغطاطي واليوكهاما نفس المقاس عاملة 550 عند علي صبرة) فا انت مش هتجرب في الفين جنيه او تلاته تجيب نوع معروف ومتجرب قبل كده وكمان طبعا اهم حاجة مواصفات الفردة تكون كويسة يعني متقلش عن الي انا قايلة في الباروم فوق والانتاج يكون حديث ومن محل كبير ومعروف علشان تبقي مطمن انه مخزنه بطريقة صحيحه.
وخلي بالك العبرة مش بالماركة لوحدها ولا المواصفات لوحدها يفضل الاتنين مع بعض لان كل شركة عندها الفردة العالية والفردة النص نص مثلا في بريدجستون التورانزا اعلي من my01 هي دي بتبقي لظروف قيادة ودي لظروف قيادة تانية يعني في يوكوهاما السي درايف اعلي من ال ايه درايف ال اس درايف اعلي من الاتنين علشان سبور شوية وهكذا ودايما في موديل فردة معين مناسب لعربيتك يعني مثلا في اللوجان اكتر فردة مناسبه ليها تورانزا جي ار 90 وفي اليوكوهاما السي درايف وهكذا.
اوعي تستسهل في موضوع الكاوتش او متهتمش المواصفات الماركة والانتاج والمحل الي بتجيب منه خلي بالك من العناصر دي لو عايز فلوسك متترميش علي الارض وشكرا واسف علي الاطالة وتحياتي.
Comment