السلام عليكم جميعا كل عام وانتم بخير لو سمحتم استفسار انا عندي مقاس ٢٠-٥٥/٢٥٥ ده الاصلي بتاع العربية والجنط بس لسبب ان الكاوتشات فضلت مركونة اكتر من سبع شهور ومش مرفوعة بتدبدب وبترجف واحد بس اللي سليم والباقي فيه رجفة والجنوط سليمة الحمدلله دلوقتي قدامي مقاس ٢٠-٥٥/٢٧٥ هل ده يفرق ولا يركب عادي ومفيش مشاكل وسنه كدا ممكن اركب ال ٢٥٥ تاني انشالله ارجوا الافادة
X
-
وعليكم السلام ورحمة الله وبركاته
و كل سنه و حضرتك طيب
يركب بس ارتفاع العربيه هيزيد بنسبه 2.79% يعنى تقريبا 22 مم و السرعه الفعليه هتختلف عن السرعه على مؤشر السرعه
على المؤشر 100 كم/س لكن السرعه الفعليه هتكون 102.79 كم/س
هل المقاس ده موجود على القائم او فالكتالوج ؟؟
لو مش موجود يبقى نصيحه لحضرتك بلاش احسن و اشترى المقاس الأصلى
[SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم[/COLOR][/SIZE]
-
شكرا لسرعة رد حضرتك بس ردا على كلام حضرتك الجميل وزيادة في الاستفسار :-
١- ازاي الارتفاع هايزيد ونفس المقاس ٥٥ وهل ليه علاقة بزيادة العرض وازاي واذا كان فيه نوع تاني ٢٠-٥٠/٢٧٥ هل ده هايكون نفس ارتفاع العربية وهل ده بردو هايزود الخبط بتاع الجنط لان ال ٠ اي حاجة بتخبط بحس بيها اوي لو حفرة او غيرو فمين الاحسن ٥٠/٢٧٥ ولا ٥٥/٢٧٥ بالنسبة للنقطة ده.
٢- ازاي السرعة الفعلية اكبر من المؤشر مع ان تفكيري اللي ممكن يكون غلط بيقول از العرض هايزيد يعني وزن الكاوتش هايزيد بالتالي سرعة الدوران هاتقل عن قراية المؤشر في الدوسة ولا العكس وبالمناسبة كل العربيات السرعة الفعلية اقل من المؤشر انا جربتها بالجي بي اس والسرعة كان المؤشر سابق ب ٧ كم فالنقطة ده لو زي ماحضرتك قلت مممكن تقلص الفارق ده يبقي فرق ٤ او ٥ كم/ ساعة
٣- بالنسبة لنفس المقاس اللي مركبه دلوقتي هايبقى غالي عشان اغير كله مرة واحده هايدخلوا في ٧٥٠٠ جنيه فحين اللي سالت عليهم هايعملوا ١٤٠٠ جنيه شفت الفرق ٦٠٠٠ فرق غير ان الرجة والرجفه هروني والله وياتري المقاس القديظ ولا الجديد يخلي العربية اطرى شوية مع الفرق ده وهل ليه تاثير على العفشة ؟؟ للعلم اني مش هاطول عليه ممكن سنة ولا سنة ونص لما يتهلك وارجع للمقاس الطبيعي ممكن او اكمل عليه لو كان افيد
اسف للاطالة بس انشالله يكون افادة للكل[img2]http://img818.imageshack.us/img818/3331/75592926.gif[/img2]
Comment
-
المشاركة الأصلية كتبت بواسطة Samooh_2003 مشاهدة المشاركةشكرا لسرعة رد حضرتك بس ردا على كلام حضرتك الجميل وزيادة في الاستفسار :-
الشكر لله وحده و انا تحت امر حضرتك فأى استفسار و يا رب اقدر ارد على كل استفسارات حضرتك
١- ازاي الارتفاع هايزيد ونفس المقاس ٥٥ وهل ليه علاقة بزيادة العرض وازاي
الأرتفاع بيزيد مع زياده العرض
الموضوع محتاج شويه تخيل
ده شكل الكاوتش

واضح الجزء اللى بيكون داخل الجنط ده هو اللى ثابت فالمقاسين لانه بيركب على نفس الجنط اما الجزء التانى هو اللى عرضه بيختلف بين المقاس الأول و المقاس التانى تمام كده؟ نفرض ان شكل الكاوتش فالمقاس الأصلى عامل كده | | لما العرض يزيد هيكون شكله كده / \ صح كده ؟؟ يعنى مثبت البدايه و النهايه هى اللى بتختلف فا طبيعى ان الطول الوش الخارجى للكاوتش يزيد (زاد 11 مم) فبكده القطر الكلى يزيد (زاد 22 مم) و الأرتفاع بتاع العربيه زاد نتيجه الزياده فالقطر الكلى
واذا كان فيه نوع تاني ٢٠-٥٠/٢٧٥ هل ده هايكون نفس ارتفاع العربية وهل ده بردو هايزود الخبط بتاع الجنط
الأرتفاع هيقل مش هيزيد
هيقل 4 مم (مش ملحوظ ) و السرعه هتقل هتبقى 99.49 كم/س سرعه فعليه و 100 كم/س سرعه على مؤشر السرعه و المقاس ده يعتبر قريب جدا من الأصلى
لان ال ٠ اي حاجة بتخبط بحس بيها اوي لو حفرة او غيرو فمين الاحسن ٥٠/٢٧٥ ولا ٥٥/٢٧٥ بالنسبة للنقطة ده.
انا مش فاهم النقطه دى
لو المشكله ان الجنط بيخبط يبقى بلاش تزود الأرتفاع فهيكون الـ ٥٠/٢٧٥ افضل من الـ ٥٥/٢٧٥
بس زى ما قلت لحضرتك قبل كده احسن حاجه تلتزم بالمقاس الأصلى او البدائل اللى مكتوبه فالكتالوج او على قائم باب السائق
٢- ازاي السرعة الفعلية اكبر من المؤشر مع ان تفكيري اللي ممكن يكون غلط بيقول از العرض هايزيد يعني وزن الكاوتش هايزيد بالتالي سرعة الدوران هاتقل عن قراية المؤشر في الدوسة ولا العكس
ما احنا اتفقنا ان مع زياده العرض القطر الكلى هيزيد تمام ؟؟
لما يكون عندنا دائره قطرها مثلا 10 سم و دائره قطرها 11 سم و لو الدائره الأولى لفت لفه كامله و نفس الكلام بالنسبه للدائره التانيه من الواضح ان المسافه المقطوعه هتكون مختلفه بين 2 الدائره التانيه هتقطع مسافه 0.1 زياده عن الأولى طيب بعد 10 لفات الفرق هيكون ما يعادل لفه كامله من لفات الدائره الأولى طيب بعد 100 لفه و هكذا
و هو ده السبب ان السرعه هتكون على مؤشر السرعه 100 كم/س (لانه مقاس بعدد لفات الكاوتش بالمقاس الأصلى) لكن السرعه الفعليه هتكون 102.79 كم/س (نفس عدد اللفات بالمقاس الأصلى + عدد اللفات بتاع الجزء الزياده فالكاوتش)
وبالمناسبة كل العربيات السرعة الفعلية اقل من المؤشر انا جربتها بالجي بي اس والسرعة كان المؤشر سابق ب ٧ كم فالنقطة ده لو زي ماحضرتك قلت مممكن تقلص الفارق ده يبقي فرق ٤ او ٥ كم/ ساعة
طبيعى يكون فيه فرق فالسرعه بين المؤشر و الـ gps لان السرعه بتكون نسبيه بين العربيه و الــ gps و كل ما زاد عدد الأقمار و زادت كفاءه و جوده و قوه استقبال جهاز الـ gps بيقل الفرق بين القراءه على المؤشر و القراءه من الــ gps و لو حضرتك جربت تشغل gps على موبايل و على جهاز gps و dvd فيه gps هتلاقى فيه فرق فالقراءات الـ 3 على حسب كفاءه كل واحد و نفس الكلام لو 2 موبايل انواع مختلفه و هكذا
٣- بالنسبة لنفس المقاس اللي مركبه دلوقتي هايبقى غالي عشان اغير كله مرة واحده هايدخلوا في ٧٥٠٠ جنيه فحين اللي سالت عليهم هايعملوا ١٤٠٠ جنيه شفت الفرق ٦٠٠٠ فرق
طيب الفرق ده ازاى ؟؟
1400 جنيه دا ايه ؟؟ طقم كامل ؟؟ مستعمل ؟؟
غير ان الرجة والرجفه هروني والله
ممكن تكون الجنوط محتاجه ترصيص او فيه جنط معوج هو اللى عامل كده
وياتري المقاس القديم ولا الجديد يخلي العربية اطرى شوية
ممكن حضرتك تدور على نوع كاوتش طرى بنفس المقاس القديم و ان شاء الله هيكون افضل
الفرق ده وهل ليه تاثير على العفشة ؟؟
المقاس القديم مش هيأثر على العفشه لانه المقاس الأصلى لكن الجديد هيكون له تأثير لان ارتفاع العربيه هيزيد
للعلم اني مش هاطول عليه ممكن سنة ولا سنة ونص لما يتهلك وارجع للمقاس الطبيعي ممكن او اكمل عليه لو كان افيد
المشكله ان اوقات كتير الظروف بتحكم ان الواحد يعمل حاجه غلط انا عندى نفس المشكله على فكره و محتاج اغير الكاوتش و محتاج مبلغ محترم بس مفيش فلوس للأسف فا عامل نفسى مش واخد بالى![Shine[1]](https://www.nilemotors.net/Nile/core/images/smilies/shine[1].gif)
انا مش عايز اقول لحضرتك ينفع و ممكن لا قدر الله حاجه تحصل لأى سبب و اتحمل انا الذنب
انا قلت لحضرتك مميزات و عيوب كل مقاس و القرار قرار حضرتك![Zb Sor1[1]](https://www.nilemotors.net/Nile/core/images/smilies/Zb_sor1[1].gif)
اسف للاطالة بس ان شاء لله يكون افادة للكل
يا رب يكون ردى مفيد حضرتك[SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم[/COLOR][/SIZE]
Comment
-
العفو يا باشا و بالتوفيق ان شاء اللهالمشاركة الأصلية كتبت بواسطة samooh_2003 مشاهدة المشاركةباشا تسلم بجد كفيت ووفيت والله انا هجرب اركب واشوف الفرق ان شاء لله وهكتب هنا تاني الفرق لبمعرفة ان شاء لله وشكرا لذوقك وصبرك عالشرح[SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم[/COLOR][/SIZE]
Comment

Comment