غيرت الكاوتش و لسه العربية مش مظبوطة

[makarther]

عمالقة السيارات
أصدقاء منتدى النايل موتورز
تحية و إحتراماً و كل عام و أنتم بخير بمناسبة الشهر الكريم
سؤالى لحضراتكم
قمت بتغيير كاوتش سيارتى 405 روا موديل 2007
غيرت الأربع فرد
لكن لا زالت السيارة غير مستريحة فى المشى
لما فكينا الكاوتش الأمامى و أنا مغيره سبتمبر 2009
لقيت الفردة اليمين متأكلة من الحواف الداخلية "ناحية الموتور"
و كان أحد الميكانيكية قالى قاعدة الموتورعايزة تتغير
فهل تكون هى السبب
مع ملاحظة أن السيارة كانت قبل تغيير الإطارات الأمامية تسير بسرعة 160كم
لما غيرت الإطارات الأمامية أصابتها "غربلة" عند التسعين فكنت سعيد لأنها تحد من السرعة
لكن غير طبيعى أن تكون فى عدم إتزان على طول و الغربلة فى الكاوتش
فهل يكون السبب قاعدة الموتور
أم هناك سبب اخر
عذرا للإطالة و لكننى أردت توضيح ما بالسيارة
شاكر ذوقكم

[احمد المصرى]

اكشف على العفشه يا باشا ممكن تكون هى السبب

[mfs3570]

الجنوظ سيئه ممكن تكون خدت مظب جامد لوح الجنظ ..قبل ما تغير كاوتش اكشف علي الجنوظ الاول

[A.Saad]

الغربلة مش حلوة
ممكن تبوظ مساعدين وبلى عجل
صلح العيب

[MMamdouh]

ألكاوتش لما يتاكل من الاجناب الداخلية يبقى الزوايا مفتوحه لبرة (too much toe out)

راجع زوايا العربية عند حد محترم و راجع الترصيص عشان الغربلة

MMamdouh

[devil_storm]

ظبط زوايا و ترصيص عند واحد كويس

[م.أحمد الدسوقي]

:copy of new:
عمالقة السيارات
أصدقاء منتدى النايل موتورز
تحية و إحتراماً و كل عام و أنتم بخير بمناسبة الشهر الكريم
سؤالى لحضراتكم
قمت بتغيير كاوتش سيارتى 405 روا موديل 2007
غيرت الأربع فرد
لكن لا زالت السيارة غير مستريحة فى المشى
لما فكينا الكاوتش الأمامى و أنا مغيره سبتمبر 2009
لقيت الفردة اليمين متأكلة من الحواف الداخلية "ناحية الموتور"
و كان أحد الميكانيكية قالى قاعدة الموتورعايزة تتغير
فهل تكون هى السبب
مع ملاحظة أن السيارة كانت قبل تغيير الإطارات الأمامية تسير بسرعة 160كم
لما غيرت الإطارات الأمامية أصابتها "غربلة" عند التسعين فكنت سعيد لأنها تحد من السرعة
لكن غير طبيعى أن تكون فى عدم إتزان على طول و الغربلة فى الكاوتش
فهل يكون السبب قاعدة الموتور
أم هناك سبب اخر
عذرا للإطالة و لكننى أردت توضيح ما بالسيارة
شاكر ذوقكم

يا باشا الكلام ده اخطر من الخطوره ازاي يعني فرحت بالغربله والسرعه المحدوده

ده ممكن يسبب انقلاب للسياره او انفجار كاوتش وعلي اقل تقدير حيدمر العفشة

والله اعلم كمان في ايه معاها في الموتور وقواعده

حضرتك تروح تظبط العربيه بما يرضي الله وترجعها لسرعتها الحقيقيه

ومع احترامي لو حضرتك مش قادر تتحكم في نفسك وتسوق بهدوء يبقي بلاش تسوق

لكن انك تحل اشكاليه السرعه المفرطه للعربيه باشكاليه اكبر منها اللي هيا الغربله

ده اللي مش مستوعب ابدا

حقيقي انا مذبهل من ساعت مقريت كلامك

وحقيقي كمان خايف عليك تعمل في عربيتك او نفسك مصيبه بسبب التفكير الخطير ده

روح يا استاذنا ظبطها بما يرضي الله كله الا العفشه والكاوتش والفرامل

ربنا يحفظك ويكفيك شرها

[makarther]

المبجلين

احمد المصرى
mfs3570
A.Saad
MMamdouh
devil_storm

كلمت مهندس صيانة التوكيل و قالى زى ما قلتم ضبط الزوايا و الترصيص و الكشف على الجنوط و طلب منى الذهاب لمن يثق بهم فى المنيل و إحضار تقرير الكومبيوتر للأسف ذهبت لهم لكنهم كانوا قافلين و اظخدت التليفون مرفوع من الخدمه على طول و من خلال المنتدى عرفت "أشرفكو" و لأنهم فى "مدينة نصر" روحتلهم رصصوا العجل و قالولى فيه جنطين محتاجين إستعدال لازم أروح فرع "المطرية" الصبح بدرى عملت كده و فى "المطرية" أعادوا الترصيص برغم إنى مرصص أول أمس فى فرع "مدينة نصر" و إستعدلوا جنط واحد أنا مستنى أمشى مشوار طويل أقرر هل تم شئ أم أروح للى فى المنيل تانى .
أشكركم على إهتمامكم و ردودكم المهذبة
تحياتى و إحتراماتى 