اتنصب عليا في الكاوتش

[ahmd73]

الكاوتش كان كويس كنت عاوز ازود بس لقيته بيفتح شغل وقالي انو عمل ٨ خوابير (طبعا اونطه) وكان عاوز ٢٠٠ جنيه .. في الاخر خد ١٥٠
جبت اصحابي وصاحب المحل مكانش موجود وبعت ناس ورجعلي ٥٠ من ال ١٥٠ سبتهم ومشيت
انا سألت محلات كاوتش تانيه قالوا الشغل ال هو عملو اخره من ٣٠-٦٠ جنيه بالكتير .. وكمان شغل غلط يبوظ الكاوتش مع الوقت
خلي بالكو من المحل ده .. هو المحل ال قبل مزلقان ارض اللوا وانت جاي من ميدان لبنان علي ش السودان

[Ramadan Kader]

أنا عارف الزباله ده. الله يحرقه المحل الواطي الي على يمين قبل المزلقان.

[أسامه الحسيني]

ربنا ينتقم منهم

[samihanwar]

يا جدعان سعر الخابور 5 جنيه
والبطشه ب 5 جنيه
والبطشه الكبيره من 7 ل 10 جنيه على حسب النصبايه
واللحام المكوى من 5 ل 8 وساعات ب 10 جنيه على حسب بردو النصبايه
والبلف ب 5 جنيه اللى هو الكاوتش والمعدن ب 15 جنيه
والصح للكاوتش التيوبليس البطشه مش الخابور
أنا حبيت أوضح الأسعار للحد من عصابه وحراميه بتوع الكاوتش
ورمضان كريم

[J A G U A R]

يا ريت ناخد بالنا بعد كده

[S O P H O S]

حسبي الله
معرفش الموضوع بقي كتير اوي

[midooo_119]

اصلا المفروض محدش يعمل خوابير لحام مكواه و بس

[mr.moustafa]

اصلا المفروض محدش يعمل خوابير لحام مكواه و بس

على فكرة دول الخليج كلها شغالة بالخوابير عادي جدا ، الفرق بس ان عندهم فردة كاوتش السيارة بتتخرم مرة كل سنتين أو أكثر لأن الطرق نضيفة

[the lawyer]

انت وقعت في المحل دا ... بوظلي فردة من سنة

[hugan]

الخوابير شغاله كويس وبتعيش عمر الكاوتش
لكن المشكله في الحراميه والنصابين
الموضوع خلاص اتعرف
الكل يخلي باله