الجنط اتسرق :(

[Ahmed G]

السلام عليكم ورحمة الله وبركاته

زي مانتو شايفين من عنوان الموضوع اتسرق من عربيتي جنط 17 كيا ريو جديد بكاوتش كونتيننتال
والغريب انه اتسرق من تحت البيت فر رمضان
الحراميه ماعادوش بيفرق معاهم حاجه
يلا الحمد لله وربنا ينتقم منهم
كنت عايز اسئل الاقي فين جنط الكيا ريو 17 الاصلي جديد ؟؟ وسعره في حدود كام ؟؟

انا ركبت لوقتي في كل جنط صامولة بلوك اللي هي بتحتاج مفتاح عشان تقدر تلفها دي ومش مطمن بردو
ايه هي الطرق الممكن احمي بيها الجنوط من السرقه ؟؟؟؟
وشكرا ليكم وربنا مايوريكم حاجه زي دي

[Adnfalcon]

واحد زميلي اتسرق منه ال 4 جنوط وسابوله العربيه علي طوب !
ربنا يعوضك

[hesham fawzy h]

هى الصامولة بلوك بتيجى مع الجنط ولا حضرتك بتشتريها و بكام





ربنا يعوض علييييك ،

[dizel]

ربنا ييعوض عليك معلش

[khaled_yehya]

هى الصامولة بلوك بتيجى مع الجنط ولا حضرتك بتشتريها و بكام





ربنا يعوض علييييك ،

[Mr.Lawyer]

قدر الله وماشاء فعل ، والحمد لله انها جت فى الجنط

للأســــف الحراميه مبيفرقش معاهم صيام ولا غيره ، يعم دا فى حراميه بيسرقوا الجزم من على باب المساجد

واكتــــر وقــت بخاف فيه على العربيه من الحراميه ، وقــت الفطار لان السرقات بتكتر فى الوقت دا والكل منشغل فى الفطار

ربنــا يعوضـــك خـــير ،،

[Ahmed G]

يااااااااااارب
شكرا ليكم يا جماعه
ياريت لو حد يعرف اي معلومات عن اماكن بيع الجنوط واسعارها يتفضل يقولنا مشكورا
وبالنسبه للصواميل بالـ لوك (lock) بتشتريها انت من بره الطقم بيبقي 4 صواميل بالمفتاح بتاعهم بتبدل صاموله في كل جنط وسعرهم تقريبا 45 جنية

[Kaizer]

ربنا يعوض عليك
الجنوط ممكن من شارع احمد سعيد

[Land_Cruiser]

ممكن تجيب صواميل مانع سرقه الجنوط اللي ليها مفتاح مخصوص و بالاضافه لكده حاول تركن العربيه في جراج او جنب البواب مثلا او علي الاقل اركنها بين عربيتين علشان تصعب عمليه ان حد يقف جنبها ويحاول يفك الجنط

[Mido Casper]

منهم لله .. ربنا يعوض عليييك بالاحسن ان شاء الله .. وبنصيحتي ليك طالما كده كده هتشتري جديد وانت من هواه الجري و كده ممكن تعرض ف المقاسات وتجيب جنط اسبور و تدي تجديد من شكل العربيه برده ... واحسن طريقه لحمايه العربيه من السرقه اصلا .. انك تركنها ف حته نور و مكان مكشوف ويفضل تكون قدام بيتك او قدام محل تعرف صاحبه و كده والاسلم لو في بيتك اركنها ف جراج وحمايه كمان من غلطات الاخرين وربنا يعوض عليك

[Mido Casper]

واماكن بيع الجنوط في مول كبير جدا جدا جدا بشكل مهول يعني في المطريه قدام محطه المترو و ده هتلاقي فيه كل الاشكال والاحجام والاسعار .. و غير كده لو عايز محلات عاديه ممكن اديلك اسماء محلات كتير باماكنها بس ابعتلي ع الخاص وابعتهملك

[J A G U A R]

اكيد الريو بتاعه الحرامى كانت عاوزه كاوتش وجنط

[drcobra]

حرامى نتن

[S O P H O S]

اعتقد الصمولة كفاية
والافضل تغطي العربية بشكل كامل

[شادى عبدالمنعم]

قدر الله وماشاء فعل وربنا يعوض عليك