هل عجل بريدج ستون تايلاندي كويس وسعره مظبوط ولا ايه ؟؟

[محمود الغندور]

انا لسه جايب اربع كاوتشات بريدج ستون 175/70 13 للشاهين اللي اشتريت منه قالي صناعه تايلاندي زي الياباني بالظبط في الاداء وخدت الفرده ب 350 جنيه دي كويسه ولا ايه ؟؟
وتاريخ الصناعه 2010 عادي ولا ايه انا لسه ماركبتهمش ياريت افادي لاني مش واثق في التايلاندي ده

[rotanamasoud]

الحق رجعهم تاريخ الصناعه منتهى 2010 واحنا داخلين على 2015 حرام الفلوس فيهم
متشتريش اقل من 2014 عشان يعدو معاك اطول فتره

[medoghaly]

فعلا 2010 دي انتهت صلاحيتها اصلا

[Omar Mahmoud]

لأ مش عادي رجعهم بسرعة
إحنا داخلين علي الشهر التامن في 2014 و الكاوتش سنة الصنع بتاعته 2010 و ده خطر لو مشيت بيه

[carrier]

انا لسه جايب اربع كاوتشات بريدج ستون 175/70 13 للشاهين اللي اشتريت منه قالي صناعه تايلاندي زي الياباني بالظبط في الاداء وخدت الفرده ب 350 جنيه دي كويسه ولا ايه ؟؟
وتاريخ الصناعه 2010 عادي ولا ايه انا لسه ماركبتهمش ياريت افادي لاني مش واثق في التايلاندي ده

بص يا ريس

البريدجستون ماركة محترمة

والسعر اللى انت شارى بيه كويس

وتاريخ الانتاج متدهوش اى اهمية ولو من عشر سنين فاتوا حتى طالما التاجر مخزنهم بعيد عن الشمس

لكن ليا تعليق واحد
لأ
التايلاندى مش زى اليابانى ميعرفوش بعض اصلا فى الكفائة والتحمل و....

اليابانى فى م.نصر عند مستورد فى الحى السادس الوحيد اللى عنده بريدجستون يابانى

لكن سعره هيبقى اغلى طبعا من التايلاندى وانتاجه اخر 2013 اول 2014

[hesham fawzy h]

صلاحية الكاوتش 5 سنين على ما اعتقد

[hesham fawzy h]

رجعهملو

[mahmoud_ali]

التايلندى مش زى اليابانى طبعا

[yaserbasha2000]

طبعا انتاج 2010 ده ترجعه فورا ---- صلاحيه الكاوتش من 5 الي 6 سنوات من تاريخ الانتاج في حاله التخزين الجيد (تخزين رأسي في غرف مبرده Cold Room)

بالنسبة للمقاس ده 175 70 R 13 مفيش عند الوكيل ياباني الموجود عنده اندونيسي نقشه اسمها B250 وسعرها 375 جنيه او 395 مش فاكر بالضبط مع النيتروجين مجاني

الوكيل بتاعه شركه فيت اند فكس رقمهم المختصر 19187

[تامر.محمد]

بالنسبة لتاريخ الانتاج فدول منتهين الصلاحية , الراجل لو ما قالكش انهم منتهين الصلاحية و سعرهم اقل كتييييييييييييييييييييييييييييير من الجداد يبقى نصب عليك

بالنسبة للبريدجستون التايلاندي هو كويس جدا لو my-02 , لكن لو b250 يبقى هات كومهو اكستا اجدع

[lad]

رجعهم للحرامى النصاب ده اللى مستهتر بحياتك و حياة عيلتك

[seri0us]

طبعا ترجعهم .. و الياباني مرحلة و التايلاندي مرحلة تانية خالص ..

بس اللي يجيب شلل ان المنتدى ده فيه شوية فتي مالوش 30 الف لازمة ..