تحذير من الدائري

[Elsebily]

النهارده وانا راجع من التجمع المهم عند نزلة قليوب لقيت واحد سواق نقل بيشاورلي عالكاوتش رحت راكن ونزلت لقيت الكاوتش اليمين نايم عالاخر وانا كنت حاسسها بصراحه بس افتكرت انها برجله في العربيه لاي سبب لاني مكنتش متخيل اني ممكن التيوبلس يجي عالارض خلال المشي بالعربيه مع العلم اني كنت ماكد عليه قبل ما امشي بالعربيه المهم لقيت الكاوتش باظ فغيرت استبن ورجعت عالبيت وبركن في الجراج لقيت الكاوتش اليمين اللي ورا كمان مريح فرحت طالع بالعربيه عند بتاع الكاوتش اللي جنبي فقلتله شوفلي الفرده دي وشوف دي تنفع ولا لا قالي دي هنعلمها ودي ممكن نعملها طقم شنبر قلتله اه لا هجيب جديد ووانا واقف بالصدفه لقيت واحد جاي بعربيته وبرده كاوتشه حصله نفس كاوتشي ومقطوع من الجنب بعد ما مشي عليه بالغلط فبقوله بهزار انت جاي من الدائري ولا ايه لقيته بيقولي اه قلتله اه اهلا وابتديت اشك واللي اكدلي شويه تخميني اني شكل المسمار اللي خارج من كاوتشه نفس الشكل اللي طلع من الكاوتش عندي ودخلت المنتدي من شويه عشان اشوف اسعار الكاوتش وصلت لفين لقيت واحد حصلتله نفس المشكله عالدائري وموضوعه في قسم الاطارات فقلت لا بقي مش معقول كل ده صدفه وتصادف وحبيت احذر اي حد بيمشي عالدائري عامة انا هروح اغير الفرده كمان شويه وقررت مغيرش لكونتنتال لانه معجبنيش ولا في صوته ولا في تحمله لانه بيتخرم مني الفتره اللي فاتت بسهوله وكمان النقشه eco3 بتلم زلط وبتعمل بيه صداع السنين فايه رايكم في كومهو ولا بريدجستون تايلاندي ولا دانلوب ولا بيرلي ولا هانكوك وياريت لو حد يعرف اسعار

[hi_nmr]

اعتقد الهانكوك سعره متوسط وجودته عاليه هيكون افضل اختيار

[J A G U A R]

الظاهر كده فى كميه مسامير حد راميها متعمد

انا ارشحلك يوكوهاما s drive
او كومهو ecsta

[ahmedelrayan]

خليك فى الكومهو

[Dr_Smart]

الكونتيننتال اللي عندك فرنسي ولا بولندي ؟

[mahmoud_ali]

طب ايه الهدف من المسامير دى هل مجرد أذى مش اكتر؟

[Adnfalcon]

واحد قريبي العربيه لفت بيه أكتر من مرا و هو ماشي 160 بسبب نفس الكلام دا بردو
ربنا ينتقم من المؤذي
وأرشحلك ميشلان او بردجستون

[Elsebily]

اعتقد الهانكوك سعره متوسط وجودته عاليه هيكون افضل اختيار

طيب هو سعره في حدود كام تقريبا ؟؟؟؟ وهل ليه توكيل او اماكن شراء معينه ؟؟

[Elsebily]

الظاهر كده فى كميه مسامير حد راميها متعمد

انا ارشحلك يوكوهاما s drive
او كومهو ecsta

طيب هو سعرهم كام وافضل مكان او لو فيه توكيل ليهم هيكون فين

[Elsebily]

خليك فى الكومهو

انا فعلا تقريبا اكتر حاجه مرتحلها من الكلام عنها الكومهو والهانكوك ولانهم كمان في الفئة المتوسطه

[Elsebily]

الكونتيننتال اللي عندك فرنسي ولا بولندي ؟

لا فرنسي وده اللي مضايقني وبصراحه كنت في الاول بقول مش مهم استحمل الصوت واستحمل صوت الزلط اللي بيلمه بس المهم انه بيستحمل ولكن الفتره الاخيره لقيته بيتخرم من اتفه الاسباب حتي الراجل اللي عملت عنده الكاوتش بقوله ايه رايك في خامة الكاوتش ده قالي عيب اما يكون كاوتش جديد زي ده وليسه ممشيش اوي وتخرمه مسامير زي دي لانه كان فيه حاجات كده صغيره داخله في الكاوتش

[Elsebily]

طب ايه الهدف من المسامير دى هل مجرد أذى مش اكتر؟

انا شخصيا في تقديري انه بما ان الدائري عليه كله محلات كاوتش ورا بعض فاكيد ممكن يكون تنفيع لبعض او حد حاططها قبل ورشته بمسافه كافيه لاني لو مكنتش نزلت نزلة قليوب كنت هكمل علي الدائري اتجاه المحور وبالتاكيد موقف زي ده كان هيخليني اركن عند اول بتاع كاوتش يقابلني

[Elsebily]

واحد قريبي العربيه لفت بيه أكتر من مرا و هو ماشي 160 بسبب نفس الكلام دا بردو
ربنا ينتقم من المؤذي
وأرشحلك ميشلان او بردجستون

امين بس اظاهر اننا نمشي ونسبهالهم هو الاسهل لان الناس الشر دي بقت كتير اوي اليومين دول وفي تزايد مستمر وفي حالة خلل اخلاقي وديني غير طبيعيه

بس الميشلان انا طبعا عارف انه كاوتش محترم جدا بس بصراحه الميزانيه لا تسمح بيه دلوقتي خالص والبريدجستون هحاول اشوف التايلاندي

[drcobra]

ربنا يسترها

[Dr_Smart]

انا عندي نفس الكاوتش الفرنسي برضو .. هو جيد مش ممتاز .. على قد سعره .. لأن النقشات العاليه من الكونتننتال والالماني منه اكيد هتبقى بضعف السعر .. هو فعلا بيلم زلط وبيتخرم بسهوله .. بس طري وصوته مش عالي عالطريق .. وبالتالي تماسكه مش ممتاز ..

عموما خساره تغيره قبل ٥٠ الف كم لو معظم حركتك جوه القاهرة .. ولو بتسافر كتير يبقى ممكن تغيره على ٤٠ الف كم .. ده في حالة انه معموله لحامات او خوابير كتير او فيه عالي وواطي .. لكن لو حالته كويسه زود ١٠ الاف كم كمان عالارقام الاولانيه ..

وشوف kumho ecsta او yokohama او لو لقيت dunlop الماني ممتاز برضو وسعره معقول بس مش لاقيه

معلش لو خرجتك عن الموضوع الاساسي وربنا يستر طريقنا ويكفينا شره