افيدوني يا أهل الخبــــره ، كاوتش 13

[Boriooo]

أنــا عارف ان الموضوع ده اتهرس في 100 موضوع قبل كده لكن انا لفيت كتير وبصراحه محتــار ومش فاهم

مين الاحسن خصوصاً إن كل المواضيع قديمه ، انا من 5 شهور اشتريت كاوتش بريدجستون 13 وتجربتي

معاه سيئه جداً وناشف جداً وعايز اغيره ، عايز حاجه تكون طريه في المطبــات وتريح العفشه .

ميشلان ؟ ولا كومهو ؟ ولا ايه بالظبط ، بالنسبه للسعر فا هو مش مشكله المهم راحه العربيه والمهم اني

ابعد عن بريدجستون ، طبعاً الياباني منه ممتاز لكن الي انا جبته كان تايواني او اندونيسي مش فــاكر .

ساعدوني :d

13/175/70

[Adnfalcon]

أكيد طبعا ميشلان متجرب رقم 1 علي مستوي العالم وتقعد معاك لحد 60000 كم مع التدوير
فرامل وثبات و نعومه ومستحيل بلالين تطلع
الغالي تمنه فيه

[Boriooo]

أكيد طبعا ميشلان متجرب رقم 1 علي مستوي العالم وتقعد معاك لحد 60000 كم مع التدوير
فرامل وثبات و نعومه ومستحيل بلالين تطلع
الغالي تمنه فيه

طيب يا باشا اصل انا اتقلي الكلام ده على البيردجستون واديني لبست في الحيط وخسرت 1000 جنيه ـ هل ميشلان في المقاس الي انا بتكلم عليه كويس ؟ 13/175/70 ؟ وهل ميشلان في المقاس ديه فيه كذا نوع وكذا صناعه وايهم افضل ؟ لاني كلمت غطاطي بيقولي عندي ميشلان تايلاندي والإنجليزي خلصان ؟ اجيب ميشلان اصلي منين ومش مهم التكلفــه .

[Adnfalcon]

ميشلان فيه منه 3 موديلات كل موديل بسعر مختلف و تكنولوجيا مختلفه
أنا مركب عندي xm2 دي فعلا تحفه بتديك توفير ف استهلاك البنزين و قوه فرمله أعلي و فيه 2 موديل أغلي وأعلي كمان
معلش انا مش من القاهره عشان أدلك
و هات اي ميشلان سواء فرنساوي او انجليزي او او او . . .

[amer_aboamer]

ياباشا أنا مركب بيريللى من 7 شهور والطقم كان عامل 1400 جنيه وماشاء الله حاجة جميلة جدا ومريحة جدا ومن يوم ماركبتهم كل شهر أروح أظبط الضغط بتاعهم وشكرا
أما بالنسبة للميشلان كان بيصفر معايا على الطريق وكنت أروح أكشف على الزوايا ألاقيها مظبوطة وإكتشفت بعد كده إن الكاوتش السبب لأن الميشلان بيعوز عربية تقيلة أما الملاكى بتاعنا فدا دلع بالنسبة ليه

[abo hamza]

توكل علي الله وهات جينرال اوروبي سعره زي الميشلان هتحس بفرق جامد جدا

[أحمد عثمان]

ركب الهانكوك, أنا مركبه حالياً و باسم الله ما شاء الله بقاله معايا 60000 و النقشة لسة فيها ممكن تشتغل كمان بس مش سفر.
و الحقيقة و لا بلالين و لا صوت عالي بس لما تقعد بيه زيي كده لحد أكتر من 55000 كم حتلاقيه بيصرخ في الفرامل صرخة مش جامدة بس واضحة.
التقييم العام ممتاز و طري و مفيش صوت و كمان سهره مناسب جداً على إمكانياته.
نصيحة بلاش تغلى أوي في الكاوتش لأن الشوارع في مصر للأسف ممكن تبهدل أجدع فردة.
إن شاء الله أنا ناوي أركبه تاني قريب.
ربنا يوفقك.

[Boriooo]

شكراً ليكوا يا جمــاعه ، انا سألت على الميشلان والهانكوك ؟ بس مين فيهم احسن بالنسبه للعفشه ؟

[Adnfalcon]

شكراً ليكوا يا جمــاعه ، انا سألت على الميشلان والهانكوك ؟ بس مين فيهم احسن بالنسبه للعفشه ؟

هتقارن ميشلان مع هانكوك !!!
الغالي تمنه فيه وأنا عايزك تسأل عن "موديلات واصدارات" ميشلان ال xm2 و 4 و primacy وتشوف براءات الاختراع والتكنولوجيا والمبيعات ع مستوي العالم

[أحمد عثمان]

ياريت ياجماعة اللي عايز ينصح , يقول تجربة حصلت معاه , بلاش الكلام على السمعة و إن دي أكبر شركة في العالم و الحاجات دي , لأن كل شركة عندها الكويس و السيئ , فلازم نرجع للتجربة العملية.
ربنا يوفقكم.

[Adnfalcon]

ياريت ياجماعة اللي عايز ينصح , يقول تجربة حصلت معاه , بلاش الكلام على السمعة و إن دي أكبر شركة في العالم و الحاجات دي , لأن كل شركة عندها الكويس و السيئ , فلازم نرجع للتجربة العملية.
ربنا يوفقكم.

انا مركب ميشلان ع فكره وبتكلم فتجربه عمليه لو لاحظت

[Boriooo]

انا مركب ميشلان ع فكره وبتكلم فتجربه عمليه لو لاحظت

يا باشا انا ملاحظ ان حضرتك حاطط علامه اسكودا وكاتب عربتيك اوكتافيا ، فا معني كده ان عربيتك مقاسها 15 او 16 ، لو ده صحيح فا تجربه حضرتك مش هتكون مقيــاس مناسب ليا ، لأن اخويا معاه لانسر ومركب بريدجستون تورنزا 90 وبحس نفسي طاير من ع الارض من كتر الراحه ، وانا مركب بريديجستون وحاسس اني راكب توكتوك ، بتاعه ياباني وانا بتاعي اندونيسي ، فا علشان كده انا عايز تجربه كاوتش 13 ، ممكن حضرتك يكون الميشلان حلو في 15 ، لكن في ال 13 ألاقي نفس المشكله.. والبس في 1600 كمان مره ، ولا إيه رأي حضرتك ؟

[Boriooo]

ركب الهانكوك, أنا مركبه حالياً و باسم الله ما شاء الله بقاله معايا 60000 و النقشة لسة فيها ممكن تشتغل كمان بس مش سفر.
و الحقيقة و لا بلالين و لا صوت عالي بس لما تقعد بيه زيي كده لحد أكتر من 55000 كم حتلاقيه بيصرخ في الفرامل صرخة مش جامدة بس واضحة.
التقييم العام ممتاز و طري و مفيش صوت و كمان سهره مناسب جداً على إمكانياته.
نصيحة بلاش تغلى أوي في الكاوتش لأن الشوارع في مصر للأسف ممكن تبهدل أجدع فردة.
إن شاء الله أنا ناوي أركبه تاني قريب.
ربنا يوفقك.

حضرتك انهي موديل ؟ وصناعته إيه ، واجيبه منين كويس علشان ميضحكش عليا ؟ :d وهل مقاس حضرتك نفس مقاسي ؟

[Adnfalcon]

يا باشا انا ملاحظ ان حضرتك حاطط علامه اسكودا وكاتب عربتيك اوكتافيا ، فا معني كده ان عربيتك مقاسها 15 او 16 ، لو ده صحيح فا تجربه حضرتك مش هتكون مقيــاس مناسب ليا ، لأن اخويا معاه لانسر ومركب بريدجستون تورنزا 90 وبحس نفسي طاير من ع الارض من كتر الراحه ، وانا مركب بريديجستون وحاسس اني راكب توكتوك ، بتاعه ياباني وانا بتاعي اندونيسي ، فا علشان كده انا عايز تجربه كاوتش 13 ، ممكن حضرتك يكون الميشلان حلو في 15 ، لكن في ال 13 ألاقي نفس المشكله.. والبس في 1600 كمان مره ، ولا إيه رأي حضرتك ؟

انا فاهمك
ماهو أنا قلت ان في "أكتر" من نوع كاوتش ميشلان ودا نفس الكلام ف بردجستون اللي بيختلفوا ف مواصفات العجله . . تحمل درجه الحراره وسرعه قصوي و هكذا
انت تختار "الموديل" ذو المواصفات اللي نفسك فيها براحتك سواء ميشلان أو غيره

[S O P H O S]

التويو لو بتنزل ياباني لسه
كاوتش ناعم فالمطبات متوسط فالتماسك