كاللو فى كاوتش عمل حادثة من شوية

[Nfs Rivals]

لسه شايف حادثة حالا اهووو | لانتفاخ جزء فى كاوتش عربية

بما يسميه الصنايعيه | كاللو فى الكاوتش
حتى لو كان جديد او استيراد

عافانا الله و اياكم
ابن عمي لسه شايف لانسر بومة فيرانى ملاكي غربية في اول طريق شبشير
العربية لفت لفة جامدة بظهرها وبجمبها جابت القايم الشمال بالبابين الشمال بالكابوت بالرفرف الشمال
بالعفشة الخلفية بالمقص بالمساعدين بالسوست الخلفية والعربية ماتقلبتش الحمد لله علي سرعة 90:80

كل دة عشان الكاوتش كان ماشي مدة كبيرة جدا علي مقاسه المظبوط ال30
او 35
بسبب انتفاخ جزء بسيط فى سوكة الكاوتش من الخارج قرب حاز الجنط

وبسرعة العربية و عدم تغير الكاوتش دة فى الحال
مما ادي اي انفجارها وتم حدفة اتجاه العربية يمين وشمال وكانت الحادثة

لو عندك الحتة دى فى الكاوتش بتاعك
استيراد او جديد او لسه بريحته و بشمعه
ولو صناعة امريكي او يابانى او ألمانى

إرميه و لن يصلح لـ استبن بعد
وشكراً جزيلاً لكم

[J A G U A R]

ربنا يستر طريقنا جميعا

[Mr.Lawyer]

معلش فى الكلمه ـ يعنى ايه كاللو فى الكاوتش !!

قصد حضرتك البلالين !

[Ahmed.Essam]

بالونة في الكاوتش يعني !

[mesaharaty]

من كام يوم كنت راكب ميكروباص وكنت قاعد جنب السواق فوقف وقاللى شوف كده العجلة اللى ناحيتك فيها حاجة كده لقيت فيها بالونة واضحة جدا فقلت له فيها بالونة فقعد يضحك وبيفتكرنى باهزر علشان باقول له بالونة ومشى عادى وهو لسه بيضحك .

[S O P H O S]

من كام يوم كنت راكب ميكروباص وكنت قاعد جنب السواق فوقف وقاللى شوف كده العجلة اللى ناحيتك فيها حاجة كده لقيت فيها بالونة واضحة جدا فقلت له فيها بالونة فقعد يضحك وبيفتكرنى باهزر علشان باقول له بالونة ومشى عادى وهو لسه بيضحك .

وبسبب انه ميعرفش
في ناس بتركب معاه كل يوم فخطر
خصوصا مع الجري الي بيعملوه

[Nfs Rivals]

دي حاجة بتاعت ربنا
ممكن تحصل فى كاوتش جديد او استعمال خارج

بس خسارة والله استبدالها فى حين انها لسه ماتخرمتش ولا اتعملها بادج للخرم او اتلحم للكاوتش بجابور بلاستيكي

[J A G U A R]

من كام يوم كنت راكب ميكروباص وكنت قاعد جنب السواق فوقف وقاللى شوف كده العجلة اللى ناحيتك فيها حاجة كده لقيت فيها بالونة واضحة جدا فقلت له فيها بالونة فقعد يضحك وبيفتكرنى باهزر علشان باقول له بالونة ومشى عادى وهو لسه بيضحك .

هههههههههه

ميفهمش المصطلح ده غير بتوع الملاكى

[الاسد المهاجر]

ربنا بيسترها
انا من ٦ شهور تقريبا رحت اظبط زوايا وارصص الراجل قالي عندك فردتين مدمرين وفردتين اخرهم شهرين
والله لسه مغرهم مكملوش اسبوعين من بعد فرده اسلك قطع فغيرت الاربعه. وكمان فرده فيهم ملوحه وايه كنت بجري١٤٠ عادي فا الحمد لله ربنها سترها وانا عارف الي عملته غلط بس هعمل ايه
المصطلحات بقي

ملوحه = بلالين= قالو= فيها طالع ونازل كله واحد

اما بتوع الميكروباص يقولك احلي كلام علي بتوع الملاكي اقلها فرافير ميعرفوش انهم مشهورين بالبلطجية
محنا في زمن المحترم فرفور والطيب او الغلبان جبان اما البلطجي فهوا الراجل الجامد