Gr-90

[pharohtemo]

الحمد لله تم تغيير 4 فرد كاوتش لعربيتى أسترا h
اللى كان راكب بريدجستون تورانزا er300 و عملوا 65 ألف كيلو (كتر خيرهم)
الكاوتش الجديد بريدجستون تورانزا gr90 مقاس 205/55/16 يابانى
سعر الفردة 803 و الشراء و التركيب تم لدى بريدجستون فيت أند فيكس فرع المعادى أتوستراد
إنطباع أولى :
1- الصوت أهدأ
2- الفرامل أفضل
3- الثبات و التحكم فى السرعات مختلف تماما
4- كان فى رعشة عند 120 كيلو أختفت تماما

تجت أمركم فى أى إستفسار

[eslamsubaru]

الف مبروك : انا مركب نفس المقاس و نفس كاوتشك من 4 شهور و بسم الله ما شاء الله عليه بجد وهمى .. ربنا يباركلك و يباركلى فيه .. انا الفردة كانت ب 823 من فيت اند فيكس عباس العقاد بالبلف و الترصيص و التركيب طبعا .. واضح ان الأسعار نزلت شوية 20 جنيه فالفردة :)

[forti]

الف مبروووك
انا بردو لسه مغير 4 فرد بس المقاس مختلف 195/65 R15
GR 90 يابانى .. الفردة بـ 713 بدون الترصيص و كده
عند fit & fix المعادى
نفس الانطباعات تقريبا
الصوت اهدا كتير و الثبات بقى ما شاء الله
و كان عندى نفس الرعشة الى فى الدركسيون عند 120 و راحت بردو الحمد لله
و كان بيحصل صوت مع الفرملة مع الكاوتش القديم بردو راح الحمد لله

[pharohtemo]

الف مبروك : انا مركب نفس المقاس و نفس كاوتشك من 4 شهور و بسم الله ما شاء الله عليه بجد وهمى .. ربنا يباركلك و يباركلى فيه .. انا الفردة كانت ب 823 من فيت اند فيكس عباس العقاد بالبلف و الترصيص و التركيب طبعا .. واضح ان الأسعار نزلت شوية 20 جنيه فالفردة :)

الله يبارك فيك ...
السعر اللى أنا قولته من غير البلف و الترصيص فأعتقد إن السعر منزلش :)

[pharohtemo]

الف مبروووك
انا بردو لسه مغير 4 فرد بس المقاس مختلف 195/65 r15
gr 90 يابانى .. الفردة بـ 713 بدون الترصيص و كده
عند fit & fix المعادى
نفس الانطباعات تقريبا
الصوت اهدا كتير و الثبات بقى ما شاء الله
و كان عندى نفس الرعشة الى فى الدركسيون عند 120 و راحت بردو الحمد لله
و كان بيحصل صوت مع الفرملة مع الكاوتش القديم بردو راح الحمد لله

شكراً يا باشا و فعلا موضوع الرعشة ده كان عاملى قلق لأنى عملت كل حاجة علشان أصلحة بس و لا حاجة جابت نتيجة إلا تغيير الكاوتش :)
ربنا يبارك لك و يحفظك ..

[S O P H O S]

مبرووك
اهم شئ اداء الكاوتش فالفرامل والثبات

هو ليه في تفاوت فالاسعار ما انه مكان واحد
بأختلاف الفروع

[pharohtemo]

مبرووك
اهم شئ اداء الكاوتش فالفرامل والثبات

هو ليه في تفاوت فالاسعار ما انه مكان واحد
بأختلاف الفروع

مفيش اختلاف .. الفرق من سعر البلف و الترصيص و ممكن يزيد أو ينقص لو الفترة كانت طويلة بين الوقت اللى أشتريت فيه و اللى الأخ الفاضل أشترى فيه طبقا لسعر صرف العملة ...

و فعلا الثبات و الفرامل أهم حاجة و أضيف لهم صوت الكاوتش

[S O P H O S]

مفيش اختلاف .. الفرق من سعر البلف و الترصيص و ممكن يزيد أو ينقص لو الفترة كانت طويلة بين الوقت اللى أشتريت فيه و اللى الأخ الفاضل أشترى فيه طبقا لسعر صرف العملة ...

و فعلا الثبات و الفرامل أهم حاجة و أضيف لهم صوت الكاوتش

تمام وانا عاوز كاوتش 14 / 185 / 70
ولقيت بيرد نفس المقاس gr 90 ياباني بس 65 مش 70
والراجل بيقول العربية هتنزل سنة لكن مفيش اي تأثير تاني
فبفكر بصراحة لسه والسعر بكل شئ 590 للفردة
وده بناء علي موضوع لاخ كريم فهيونداي كان اشتراه

[pharohtemo]

تمام وانا عاوز كاوتش 14 / 185 / 70
ولقيت بيرد نفس المقاس gr 90 ياباني بس 65 مش 70
والراجل بيقول العربية هتنزل سنة لكن مفيش اي تأثير تاني
فبفكر بصراحة لسه والسعر بكل شئ 590 للفردة
وده بناء علي موضوع لاخ كريم فهيونداي كان اشتراه

نصيحة متلعبش فى مقاس الفردة علشان أكيد حيكون لها تأثير حتى لو بسيط ... الإختبار الحقيقى للكاوتش بيكون على السرعات العالية أو الفرملة المفاجئة و هنا أقل فرق فى المقاس ممكن يبان و يكلفك لا قدر الله خسارة كبيرة ...
كلم بريدجستون و أتأكد من وجود مقاسك و هما عمرهم ما بيبيعوا مقاس مكان التانى حتى لو الفرق بسيط علشان دى سمعة مكان ..
ربنا يوفقك و نبارك لك قريب على الكاوتش الجديد :)

[S O P H O S]

نصيحة متلعبش فى مقاس الفردة علشان أكيد حيكون لها تأثير حتى لو بسيط ... الإختبار الحقيقى للكاوتش بيكون على السرعات العالية أو الفرملة المفاجئة و هنا أقل فرق فى المقاس ممكن يبان و يكلفك لا قدر الله خسارة كبيرة ...
كلم بريدجستون و أتأكد من وجود مقاسك و هما عمرهم ما بيبيعوا مقاس مكان التانى حتى لو الفرق بسيط علشان دى سمعة مكان ..
ربنا يوفقك و نبارك لك قريب على الكاوتش الجديد :)

ربنا يكرمك علي الاهتمام
في مقاسي بس نقشة غير الجي ار 90 وصناعة مش ياباني
اندونيسي وتيلندي وده الي لسه مش مقتنع بيه
فلسه موصلتش لحل مش عايز اجيب حاجة مش مقتنع بيها
وفنفس الوقت عاوز اجيب المقاس الصح او المقاس البديل بدون تعديل حجم الجنط ال 14
المعدالة المحيرة !

[pharohtemo]

ربنا يكرمك علي الاهتمام
في مقاسي بس نقشة غير الجي ار 90 وصناعة مش ياباني
اندونيسي وتيلندي وده الي لسه مش مقتنع بيه
فلسه موصلتش لحل مش عايز اجيب حاجة مش مقتنع بيها
وفنفس الوقت عاوز اجيب المقاس الصح او المقاس البديل بدون تعديل حجم الجنط ال 14
المعدالة المحيرة !

يا باشا كلنا أخوات و لازم نشترك فى الخبرات اللى بيننا
الموضوع بسيط .. أعمل زى ما انا عملت و رتب الموجود من الأفضل للأسوء.
بالنسبة لى كان بريدجستون اليابانى رقم 1 و بعد كده الميشلان الفرنساوى و الكونتننتال الألمانى و بعدين البريدجستون التايلندى و هكذا و ربنا أكرمنى و لقيت البريدجستون اليابانى :)
رتب الموجود فى السوق حسب إقتناعك و بعد الإطلاع على أراء الزملاء فى المنتدى
و نصيحة أتصل بالكول سنتر لبريدجستون و أعرف منهم الكاوتش اللى أنت عايزه فى أى فرع و لو مش موجود حيوصل أمتى.. هما دايماً عارفين الشحنات اللى بتيجى و توزيع البضاعة فى الفروع
أخيرا متجيبش حاجة مش مقتنع بيها أبداً !!! انت مش بتجيب كاوتش كل يوم و حتدفع فلوس مش قليلة ..

[S O P H O S]

يا باشا كلنا أخوات و لازم نشترك فى الخبرات اللى بيننا
الموضوع بسيط .. أعمل زى ما انا عملت و رتب الموجود من الأفضل للأسوء.
بالنسبة لى كان بريدجستون اليابانى رقم 1 و بعد كده الميشلان الفرنساوى و الكونتننتال الألمانى و بعدين البريدجستون التايلندى و هكذا و ربنا أكرمنى و لقيت البريدجستون اليابانى :)
رتب الموجود فى السوق حسب إقتناعك و بعد الإطلاع على أراء الزملاء فى المنتدى
و نصيحة أتصل بالكول سنتر لبريدجستون و أعرف منهم الكاوتش اللى أنت عايزه فى أى فرع و لو مش موجود حيوصل أمتى.. هما دايماً عارفين الشحنات اللى بتيجى و توزيع البضاعة فى الفروع
أخيرا متجيبش حاجة مش مقتنع بيها أبداً !!! انت مش بتجيب كاوتش كل يوم و حتدفع فلوس مش قليلة ..

والله يا فندم انا اقتنعت بكلامك ومش ناوي اغير المقاس المتاح
وحاليا بقارن ببين بيردجيستون بردوا ar20 و my02 الاثنين اندونيسي
لاني ملقتش السي دريف مقاسي وربنا يكرم ان شاء الله
وهبقي اقول لحضرتك اشتريت ايه

[pharohtemo]

والله يا فندم انا اقتنعت بكلامك ومش ناوي اغير المقاس المتاح
وحاليا بقارن ببين بيردجيستون بردوا ar20 و my02 الاثنين اندونيسي
لاني ملقتش السي دريف مقاسي وربنا يكرم ان شاء الله
وهبقي اقول لحضرتك اشتريت ايه

الـ my02 رياضية و جميلة لو أنت ليك فى الجرى و الشقاوة :) بس عيبها أنها بتلم حصى علشان النقشة ..
ربنا يوفقك و ان شاء الله تجيب حاجة كويسة