برجاء المساعدة من أهل الخبرة

[Elhagry]

يا جماعة أنا عربيتي كورولا 2013
والجنط اللي فيها مقاسه 16 بتاع العربية نفسها
أنا بقى عايز أغير وأجيب جنط اسبور مقاس 17
هل في خطورة عالعربية لو أنا عملت كده وجبت جنط نضيف وفرد كويسة ؟؟
ولو هغير اه هو أحسن مقاس للفرد وأحسن نقشة
والأهم من كل ده أجيب الفرد نوع ايه
وشكرا

[eslamsubaru]

نصيحة لوجه الله : بلاش 17 فى شوارعنا الجميلة ..
الفرق بين ال 16 و ال 17 فالشكل مش كتير على فكرة .. بس الفرق فى الاحساس بنشوفية العربية اكثر فال 17 خصوصا فى شوارعنا .. ده غير مشاكل الكاوتش ال 17 من بلالين من كثر النقر اللى فالطرق اللى اكيد هتلبسها غصب عنك ..
خليك فال 16 افضل لراحة عربيتك .
لو عايز كلام علمى :
لو ظبط المقاس بتاع ال 17 صح على عربيتك : يعنى مقاسات الجنوط و مقاسات الكاوتش بحيث ان الفردة ال 17 بالكاوتش عليها يبقى بالظبط زى ال 16 بالكاوتش عليها ( يعنى مقاساتك مظبوطة ) مفيش أى مشكلة على عفشة العربية . بس المشكلتين اللى بقولك عليهم هما اللى هيوجهوك احساس ان العفشة انشف و البلالين .

و لو عايز تعرف افضل مقاس يا ريت تكتبلى المقاس الأصلى بتاع كاوتش عربيتك الأول علشان نحسبها صح

[Elhagry]

نصيحة لوجه الله : بلاش 17 فى شوارعنا الجميلة ..
الفرق بين ال 16 و ال 17 فالشكل مش كتير على فكرة .. بس الفرق فى الاحساس بنشوفية العربية اكثر فال 17 خصوصا فى شوارعنا .. ده غير مشاكل الكاوتش ال 17 من بلالين من كثر النقر اللى فالطرق اللى اكيد هتلبسها غصب عنك ..
خليك فال 16 افضل لراحة عربيتك .
لو عايز كلام علمى :
لو ظبط المقاس بتاع ال 17 صح على عربيتك : يعنى مقاسات الجنوط و مقاسات الكاوتش بحيث ان الفردة ال 17 بالكاوتش عليها يبقى بالظبط زى ال 16 بالكاوتش عليها ( يعنى مقاساتك مظبوطة ) مفيش أى مشكلة على عفشة العربية . بس المشكلتين اللى بقولك عليهم هما اللى هيوجهوك احساس ان العفشة انشف و البلالين .

و لو عايز تعرف افضل مقاس يا ريت تكتبلى المقاس الأصلى بتاع كاوتش عربيتك الأول علشان نحسبها صح

يعني انا لو جبت جنط ١٧ مش هحس بفرق شكل كبير عن ال١٦
وبالنسبة للمقاس هو 55r16 91v205

[S O P H O S]

جنط كبير فعلا ومش مريح للطرق عندنا
مجرد رأي