الكاوتش اتقطع منى

[exelence]

اخوانى الأعزاء /
للأسف كنت ماشى و دخلت فى حجر و لقيت العجلة نامت بابص لقيت الكاوتش اتقطع من عند الجنب تفتكروا هينفع يتصلح لأنه لسه جديد تماما" ؟
و هل ينفع طب على الأقل اعمله استيبن ؟
و ممكن يصرف كام لو هيتصلح ؟

[Sameh samy]

القطع من الجنب موش امان انصحك بالجديد وكدة كدة لو نويت تشغلو هاتركبلو شنبر داخلي وبرضو موش امان
ربنا يعوض عليك وهات جديد الكاوتش مافيهوش هزار

[mesaharaty]

طبعا يتغير وبسرعة
وربنا يعوضك خير

[hesham fawzy h]

ارميييية .. الكاوتش مافهوووووش هزار

[J A G U A R]

لسلامتك بلاشه خالص
حتى لو ينفع يتصلح علشان ممكن تلاقى ناس تقولك ممكن يتلحم

[Abo_Mazen]

مع إحترامي لآراء الأعضاء ..شوف بتاع كاوتش أمين خد رأيه ..بس أهم حاجه ..تكون الأولويه لتغييره

[exelence]

متشكر جدا" ليكم يا جماعه على آرائكم و نصائحكم
و انا اللى خلانى اسأل عن تصليحه انى لقيت ناس عامله مواضيع عن النقطة دى و لقيت فيه رأيين ناس بتقول الحمه عادى و انهم جربوا كده بنفسهم و ناس بتقول لأ.
انا رحت سألت واحد بتاع كاوتش اللى كشفلى عليه و قاللى ان فيه ناس بتعمله بطريقة محترفة و مش هتعرف تفرق بينه و بين قبل القطع و قاللى ان ممكن احطله شمبر داخلى و امشى بيه عادى.
لكن انا كنت عاوز اخليه استبن فقط.

[S O P H O S]

حسب القطع بس ممكن تعمله استبن لو ينفع
انما اطار اساسي بلاش