تغيير من جنوط 17 الي 16 و تأثيرها علي نعومة العفشة

[ENG.USAMASAYED]

هل تغيير الجنط الي 16 يؤثر في نعومة العفشة . أفيدونا

[ashouhdy]

طبعا !!!

[svneleven]

هتحس بفرق في العفشة طبعا لكن مؤكد الثبات هيقل.

[ENG.USAMASAYED]

هتحس بفرق في العفشة طبعا لكن مؤكد الثبات هيقل.

طيب و تظبيط الهواء علي 26 يمنع صوت المطبات الصغيرة

[eslamsubaru]

بص فعليا : تقليل حجم الجنوط من 17 الى 16 مع المحافظة على ابعاد العجلة الكلية يعنى هتزود فى بروفايل الكاوتش ( جوانب الكاوتش هتكون اكبر مع ال 16 طبعا) ده هيديك احساس بنعومة العفشة اكثر لأن الكاوتش هيشيل حمل اكثر من على العفشة .. فالمقابل الثبات هيقل حاجة بسيطة ده فى حالة لو العربية نازلة الجنوط 17 اصلى من الأول .. يعنى الشركة منزلاها بال 17 استوك و محسوب عليه درجات الثبات لها . انما لو هية اصلا كانت اقل يعنى 14-15 و انت اللى مغير ل 17 فالبتالى مش هتحس بأى فرق فالثبات . لأن العربية اصلا مع ال 17 مكانتش ثابتة 100% ..
عموما هو ال 16 افضل لطرقنا خصوصا مع الحفر و نقر و الكاوتش ال 17 بلالين بالعبيط .

[ENG.USAMASAYED]

بص فعليا : تقليل حجم الجنوط من 17 الى 16 مع المحافظة على ابعاد العجلة الكلية يعنى هتزود فى بروفايل الكاوتش ( جوانب الكاوتش هتكون اكبر مع ال 16 طبعا) ده هيديك احساس بنعومة العفشة اكثر لأن الكاوتش هيشيل حمل اكثر من على العفشة .. فالمقابل الثبات هيقل حاجة بسيطة ده فى حالة لو العربية نازلة الجنوط 17 اصلى من الأول .. يعنى الشركة منزلاها بال 17 استوك و محسوب عليه درجات الثبات لها . انما لو هية اصلا كانت اقل يعنى 14-15 و انت اللى مغير ل 17 فالبتالى مش هتحس بأى فرق فالثبات . لأن العربية اصلا مع ال 17 مكانتش ثابتة 100% ..
عموما هو ال 16 افضل لطرقنا خصوصا مع الحفر و نقر و الكاوتش ال 17 بلالين بالعبيط .

انا معايا سيراتو 2014 جنط 17 و نزلوها 2015 جنط 16 . واضح علشان الناس اشتكت. انا ببيع العربية بسبب العفشة

[svneleven]

طيب و تظبيط الهواء علي 26 يمنع صوت المطبات الصغيرة

طبعا مش هتحس بمطبات خالص لكن 26 ده قليل و هيزود استهلاك البنزين و يأثر علي سحب العربية. أحسن حاجة تشوف ظغط الاطارات لعربيتك اللي مكتوب علي قايم الباب بتاع السواق.

[alzelafy]

بالعكس هينعم العربيه معاك فى العفشه جامد و الثبات مش هيقل و لا حاجه عشان هتاخد نفس الابعاد انا عملت الحركه دى عندى و بالصدفه شيلت الجنوط ال 17 عشان انكلها و استلفت طقم 16 من واحد صاحبى الكاوتش بالجنوط الحديد العاديه وركبتهم عندى اسبوع مش عاوز اقولك انا لو مش شارى الطقم ال 17 قريب ودافع فيهم مبلغ و قدرة انا كنت بعتهم باى فلوس و جبت 16 .... لدرجه انى حسيت انى مركب عفشه جديدة مش كاوتش 16 بس بردو فى حاجه الكاوتش كان ميشلان المانى

[HSultan]

موافق جدا أنا عشان أعرض العجل عندي غيرت من ١٦ ، ٧ بوصة ل ١٦ ٧ونص بوصة وعليت المقاس من
205/55 r16 إلى
225/50 r16
والنتيجة جميلة

[Moe86]

لو هتغير الجنط لازم قطر العجلة يبقى نفسه علشان استهلاك البنزين مايزيدش أو الفرامل تضعف و الأهم من كدة ان العداد يقرى سرعات صح
فى مواقع كتير عليها المقاسات الأصلى بتاعة كل عربية و البدايل حسب مقاس الجنط

[ENG.USAMASAYED]

شكرا لكل من ساهم . جزاكم الله خيرا