استفسار بخصوص جنوط وكاوتش اوكتافيا a7 2015

[شريف القاضى]

السلام عليكم ورحمه الله وبركاته ارجو من الاعضاء الكرام افادتى فى موضوع بخصوص سيارتى الجديده انا معايا اوكتافيا a7 موديل 2015 الجانس اعلى فئه العربيه لما روحت وشفتها اول مره كانت عند سمير ريان بس كانت تقريبا الفتيس DSG والعربيه كانت خليجى راكب عليا جنط 18 مقاس 225/40/ r18 المهم لما نزل الفتيس ال 1600 مكدبتش خبر وحجزت العربيه من عند فرع القرش المرغنى -مصر الجديده وطبعا كل التجار بحطو اوفر على العربيه من 8 الى 10 الاف جنيه زياده علشان العربيه فى التوكيل ارتوك اوتو حجز 3 شهور ... المهم دفعت الفلوس وبعتو يجيبو العربيه وكانت الصدمه الجنط اللى فى العربيه 16 مقاس 205/55 وكانت صدمه بالنسبه ليا ان جنط العربيه بالحجم بعد اللى شفته بعنيه فى سمير ريان والفيديو بتاع العربيه على اليوتيوب المهم علشان مطولش عليكم شكل العربيه على جنوطها مش عاجبنى فققرت انى اجيب الجنوط دى من التوكيل وطبعا لازم من التوكيل علشان ضمان العربيه المقاس بتاع الجنط ده فى الكتالوج 225/40/R18 بس انا حاسس ان سمك الكاوتش ده رفيع اوى على العربيه مع العلم اننا اسره مكونه من 5 افراد الســــؤال هنا ينفع اركب مقاس كاوتش 225/45 او 225/50 علشان ارفع من سمك الكاوتش طب العربيه هتحك فى الرفرف ولا ايه وايه هيه افضل انواك الكاوتش اللى تنصحونى بيه واسعاره بالنسبه للمقاس السابق على جنط 18 مع العلم ان الكاوتش اللى فى العربيه ماركه دانلوب .... شكرا للجميع وتحياتى

[shiko85]

السلام عليكم ورحمه الله وبركاته
وعليكم السلام ورحمة الله وبركاته
الجنط اللى فى العربيه 16 مقاس 205/55 قررت انى اجيب الجنوط دى من التوكيل المقاس بتاع الجنط ده فى الكتالوج 225/40/R18 بس انا حاسس ان سمك الكاوتش ده رفيع اوى على العربيه مع العلم اننا اسره مكونه من 5 افراد
الســــؤال هنا ينفع اركب مقاس كاوتش 225/45 او 225/50 علشان ارفع من سمك الكاوتش
مش هينفع تركب سمك مختلف
# الفرق بين 225/40R18 و 205/55R16
القطر الكلى هيزيد 5 مم
السرعه هتزيد بنسبه 0.78% السرعه على مؤشر السرعه 100 كم/س و السرعه الفعليه 100.78 كم/ س
الزياده فالقطر الكلى او السرعه حوالى 0.8% و طبعا دى زياده غير ملحوظه (المقاس الأصلى)
# الفرق بين 225/45R18 و 205/55R16
القطر الكلى هيزيد 27 مم
السرعه هتزيد بنسبه تقريبا 4 % السرعه على مؤشر السرعه 100 كم/س و السرعه الفعليه 104.27 كم/س
الزياده فالقطر الكلى او السرعه حوالى 4 % و طبعا دى زياده مش مقبوله لانها بتأثر على الثبات و اداء الفرامل و العفشه
# الفرق بين 225/50R18 و 205/55R16
القطر الكلى هيزيد 51 مم
السرعه هتزيد بنسبه 8% السرعه على مؤشر السرعه 100 كم/س و السرعه الفعليه 108.07 كم/س
الزياده فالقطر الكلى او السرعه حوالى 8 % و الزياده دى مش مقبوله تماما لانها بتأثر على الثبات و اداء الفرامل و العفشه و بتمثل خطوره كبيره
* اقصى زياده مسموح بها هى 3% و اكتر من كده هيكون فيه تأثير على اداء الفرامل و الثبات
انا شايف ان مقاس 16 ممتاز جدا و مناسب للطرق المصريه و راحه اكتر لحضرتك و الأسره خصوصا ان الأسره 5 افراد
شكرا للجميع وتحياتى
الشكر لله و يا رب يكون رأى مفيد لحضرتك

[شريف القاضى]

اولا شكرا لاهتمام حضرتك جدا ولزوقك بس السؤال هنا ان العربيه اصلا بتنزل ب مقاس 225/40 r18 ده من كتالوج العربيه او الشركه بتنصح بيه لو ركبت نفس المقاس على الجنط ال 18 على ما اعتقد انه مش هيبقى مؤثر على العربيه فى حاجه او كانت الشركه منصحتش بيه اصلا زى الصور كدا
ده جنط العربيه اللى المفروض بتنزل بيه والتوكيل بيوفره علشان الصداع والمناهده مع المصريين



وده الجنط ال 16 اللى بقول عليه ولاحظ الفراغ العظيم فى رفرف السياره واللى مش مناسب لحجمها بالمره

http://nileup.com/up/uploads/nilemotors_14142636072.jpg

[شريف القاضى]

اولا شكرا لاهتمام حضرتك جدا ولزوقك بس السؤال هنا ان العربيه اصلا بتنزل ب مقاس 225/40 r18 ده من كتالوج العربيه او الشركه بتنصح بيه لو ركبت نفس المقاس على الجنط ال 18 على ما اعتقد انه مش هيبقى مؤثر على العربيه فى حاجه او كانت الشركه منصحتش بيه اصلا زى الصور كدا
ده جنط العربيه اللى المفروض بتنزل بيه والتوكيل بيوفره علشان الصداع والمناهده مع المصريين



وده الجنط ال 16 اللى بقول عليه ولاحظ الفراغ العظيم فى رفرف السياره واللى مش مناسب لحجمها بالمره
http://nileup.com/up/uploads/nilemotors_14142636072.jpg

الجنط الاصلى

جنط التوكيل


عفو لعدم وضوح الصور فى المره الاولى

[shiko85]

العفو الشكر لله وحده
انا عارف ان ده المقاس الأصلى و كنت اقصد من المقارنه بينه و بين 16 هو توضيح ان الفرق بين 16 و 18 اللى بينزل من الوكيل هو فرق صغير جدا غير ملحوظ و مش مؤثر لكن r18 45 /50 الفرق بنهم و بين 16 او 18 بتاع الوكيل فرق ملحوظ و مؤثر جدا و خطر كمان
مقاس 18 بتاع الوكيل مفيش فيه مشاكل فالثبات او الفرامل او العفشه لكن مشكله 18 عموما انه مش هينفع فمصر ال 17 فيه مشاكل كتير فا تخيل حضرتك 18 هيكون عامل ازاى
لو هتشترى 18 هتدفع كتير فالجنوط و الكاوتش و النتيجه هتكون غير مرضيه لحضرتك خالص

[HSultan]

نصيحة هات جنوط ١٦ عريضة سبعة ونص بوصة وركب عليها 225/50r16
وعيش

[HSultan]

الفراغ إللي إنت شايفه في الرفرف ده سببه إن التوكيل بيطلب العربيات أعلى إرتفاعا عن الأرض بحوالي ٤ سم

[شريف القاضى]

الفراغ إللي إنت شايفه في الرفرف ده سببه إن التوكيل بيطلب العربيات أعلى إرتفاعا عن الأرض بحوالي ٤ سم

ده بجد انا اول مره اعرف المعلومه دى طب ايه الحل يا باشا المفروض انى اوطى العربيه ولا اعلى الكاوتش ايه الحل

[شريف القاضى]

نصيحة هات جنوط ١٦ عريضة سبعة ونص بوصة وركب عليها 225/50r16
وعيش

طب انا كدا عملت ايه غيرت الكاوتش بس انا عاوز اطلع العربيه زى الصوره الاصليه

[carrier]

كاوتش 18 مش ملائم لجمال وحلاوة شوارعنا خالص

هتاخد منه شكل حلو وبس

من الاخر
هيزهقك

[شريف القاضى]

كاوتش 18 مش ملائم لجمال وحلاوة شوارعنا خالص

هتاخد منه شكل حلو وبس

من الاخر
هيزهقك

الناس كلها مخوفانى فعلا من الجنط ال 18 بس انا كان معايا قبل العربيه دى سيراتو توب لاين 2010 خليجى والجنط اللى فيها كان 17 وبعت العربيه ماشيه 30 الف كيلو ولا عمرى شفت كوتش بقلل ولا حاجه كل المشكله ان العفشه كنت حاسس انها ناشفه شويه وبعدين اكتشفت ان موضوع النشوفيه دى ناس اشتكت منها برده فى الجنط ال 16 انا احترت ارجو الافاده يا رجاله ودى صوره عربيتى القديمه

[semsem5144]

ميزة الجنط ال16 في المطبات والنقر انك مش محتاج تقف على كل نقره انما ال18 هيتعبك في كده وهتحس ان العفشه نشفت اكتر وخصوصا مع الكاوتش ال 40 .
مش لازم الجنط يكون من التوكيل لانه مالوش دخل بالضمان وفي أسوا الاحوال لو حصل حاجه للعفشه شيل ال18 وركب ال 16 وروح الصيانه ولما ترجع غيره تاني .

[شريف القاضى]

ميزة الجنط ال16 في المطبات والنقر انك مش محتاج تقف على كل نقره انما ال18 هيتعبك في كده وهتحس ان العفشه نشفت اكتر وخصوصا مع الكاوتش ال 40 .
مش لازم الجنط يكون من التوكيل لانه مالوش دخل بالضمان وفي أسوا الاحوال لو حصل حاجه للعفشه شيل ال18 وركب ال 16 وروح الصيانه ولما ترجع غيره تاني .

عارف المشكله ان حجم العربيه مش ماشى مع الجنط ال 16 هوا مريح بس بصراحه مشيلنى من شكل العربيه الخارجى وبعدين ان كنت بفكر زى محضرتك قولت كدا انى احتفظ بجنط العربيه ولو حصل حاجه افك ده وارحلوهم بالجنط ال 16 بس بينى وبينك انا كنت عاوز ابيعه بالكاوتش علشان الجنط ال 18 بالكاوتش هيكلفنى كتير قولت نصف العما ولا العما كله المشكله الجديده بقى اللى قابلتنى النهارده انى مش لاقى مقاس 225/40 فى البردج ستون عند فت اند فيكس ولا البيريلى عند على صبره اللى فى المنيل :(

[K.Ossama]

المشكله ان حجم العربيه مش ماشى مع الجنط ال 16

عربيات كتير أكبر حجما من الأوكتافيا فى جنط ١٦ زى الباسات مثلاً.
خللى بالك كمان ان تغيير مقاس العجل يستلزم تغيير اعدادات كومبيوتر العربية علشان حساب السرعة والكيلومتر.

[شريف القاضى]

عربيات كتير أكبر حجما من الأوكتافيا فى جنط ١٦ زى الباسات مثلاً.
خللى بالك كمان ان تغيير مقاس العجل يستلزم تغيير اعدادات كومبيوتر العربية علشان حساب السرعة والكيلومتر.

مش ده مفروض جنط العربيه الاصلى وهما اللى كتبين جدا فى المانيوال يا دكتور ان الجنط ال 18 مقاسه 225/40 انا ملتزم فى اللى الشركه كتباه كدا لازم بردوا اروح التوكيل يظبطوا كمبيوتر العربيه ولا ايه انا بكبر فى نفس حجم ومقاسات اللى الشركه بتنصح بيها مش من دماغى ولا ايه راي حضرتك ودى صوره من جميع مقاسات جنوط السياره بالكاوتش اللى الشركه بتنصح بيه ومعاه صوره لعربيه انا صورتها دى الخليجى وكانت بتنزل بالمقاس ده بس دى التيربو ال 1400
1- دى صوره مقاسات الجنوط اللى مكتوبه فى المنوال وبينصحو كمان بمقاسات الكاوتش

2- دى صوره للعربيه صورتها من قدام معرض جنب بيتى بتنزل بالجنوط الاصليه اللى انا عاوز اركبها


كدا لازم برده اعدل كمبيوتر العربيه ولا ايه يا دكتور اسف انى ظولت عليك ولكن ارجو الافاده