جنوط 15 للبيع

[mohamed5800]

عندى طقم جنط 15 للبيع كنت مشترية من الرومانى ب 1900 من 3 اسابيع بالفواتير وهوة 8 مسمار وكان راكب عندى فى فيرنا بس بيحك لما حد بيركب وعايز ابيعة .
وكمان طقم كاوتش 15/50/195 مش عارف نوعة بس اندونيسى كان الفردة بـــــ 480 فية 3 زى الفل وواحد اتخرم امبارح ولحمتة بس دة ومش عارف سعرة كام

[shiko85]

سؤال صغير, مقاس الكاوتش الأصلى كان كام ؟؟
175/70 r13
175/70 r14
185/65 r14

[hesham fawzy h]

دا انا كنت ناوى اجيب جنط 15 و نفس مقاس الكاوتش للفيرنا 2015 .. شكرا

و هل الحك دة لما يركب كام واحد معاك فى العربية؟
طيب حضرتك هتجيب جنط 14 ولا اية ؟

[shiko85]

دا انا كنت ناوى اجيب جنط 15 و نفس مقاس الكاوتش للفيرنا 2015 .. شكرا
و هل الحك دة لما يركب كام واحد معاك فى العربية؟
طيب حضرتك هتجيب جنط 14 ولا اية ؟

يا هشام باشا المقاس اللى ركب غلط و احتمال كبير يكون هو ده سبب الحك لان القطر الكلى قل 23 مم
علشان كده انا كنت بسأل صاحب الموضوع عن المقاس اللى كان راكب الأول
و بدل ما يخسر فالجنوط و الكاوتش ممكن يبيع الكاوتش فقط و يحتفظ بالجنوط و يشترى المقاس الصح 195/55 r15 مش 195/50 r15

[mohamed5800]

هوة كان 13 .
وبالنسبة للمقاس اكيد غلط لانة عريض .
وانا هرجع لـــــــ 13 واريح دماغى العفشة بقت ناشفة لدرجة انك لة عديت على حتة ورقة مكلكعة هتحس بيها.
والحك لما حد بيركب بس غير كدة هية تحفة .
وانا قولت اريح دماغى احسن وارجع للاصلى بس نصيحة لو انت مش هيبقى معاك حد اكتر الوقت ركبة غير كدة لأ انما شكل وثبات مالوش حل وبعدين فية حاجة علشان تبقى عاملها فى الاعتبار مافيش اى اختلاف فى الفرامل خالص بالنسبالى انا .

[shiko85]

هوة كان 13 .
وبالنسبة للمقاس اكيد غلط لانة عريض .
وانا هرجع لـــــــ 13 واريح دماغى العفشة بقت ناشفة لدرجة انك لة عديت على حتة ورقة مكلكعة هتحس بيها.
والحك لما حد بيركب بس غير كدة هية تحفة .
وانا قولت اريح دماغى احسن وارجع للاصلى بس نصيحة لو انت مش هيبقى معاك حد اكتر الوقت ركبة غير كدة لأ انما شكل وثبات مالوش حل وبعدين فية حاجة علشان تبقى عاملها فى الاعتبار مافيش اى اختلاف فى الفرامل خالص بالنسبالى انا .

يا باشا الغلط مش فالعرض الغلط فالقطر الكلى
المفروض التغير من 13 لـ 14 او لـ 15 او من اى مقاس لمقاس تانى القطر الكلى فالحالتين يكون واحد او بنسبه تغيير بسيطه جدا و لو مفيش مقاس قريب يبقى اى مقاس تانى بشرط ان النسبه لا تتجاوز الـ 3%
# ارتفاع العربيه قل 23 مم و كمان السرعه قلت يعنى حضرتك كنت ماشى على سرعه 96 كم/س لكن مؤشر السرعه كان 100كم/س
معلش هو مقاس 13 و باقى الأرقام كام ؟؟ لان مقاس 175/70r13 تقريبا مش مظبوط

[mohamed5800]

يا باشا الغلط مش فالعرض الغلط فالقطر الكلى
المفروض التغير من 13 لـ 14 او لـ 15 او من اى مقاس لمقاس تانى القطر الكلى فالحالتين يكون واحد او بنسبه تغيير بسيطه جدا و لو مفيش مقاس قريب يبقى اى مقاس تانى بشرط ان النسبه لا تتجاوز الـ 3%
# ارتفاع العربيه قل 23 مم و كمان السرعه قلت يعنى حضرتك كنت ماشى على سرعه 96 كم/س لكن مؤشر السرعه كان 100كم/س
معلش هو مقاس 13 و باقى الأرقام كام ؟؟ لان مقاس 175/70r13 تقريبا مش مظبوط

انا واللة مش عارف بس المقاس اللى الفيرنا الاصلى بتنزل بية

[hesham fawzy h]

هى الفيرنا بتنزل بجنط 13 .. بس باقى المقاسات معرفهاش

[hesham fawzy h]

طيب يا شيكو بية لو جيبت جنوط 55 بدل 50 هيبقى الثبات اوحش ولا دة بيأثر على عدم حك الرفرف فى الكاوتش ..

و القطر دة يبقى انهى منطقة فى الكاوتش ؟

[BLACKVERNA]

الفيرنا بتنزل بجنوط 13 و الكاوتش 175/70/13

و احسن بديل ليه هو جنوط 15 و الكاوتش 195/50/15

انا مركبه بدون اى مشاكل

اهم حاجه تتأكد من الاوفيست بتاع الجنت (اعتقد انه 38)

و الله الموفق

[waleedabbas]

عايز كام في الكاوتش لوحده يا باشا ؟

[mohamed5800]

انا كنت جايب الفردة بـــ480 يعنى 1920بالفاتورة بتاعتهم
ممكن 1800 مع العلم انهم مامشيوش 100 كيلو على بعض

[kimoboy]

انا شايف ان السعر مش مميز علما عندك واحده فيها لحام
ربنا يوفقك فلبيع

انا كنت جايب الفردة بـــ480 يعنى 1920بالفاتورة بتاعتهم
ممكن 1800 مع العلم انهم مامشيوش 100 كيلو على بعض