ايهما افضل ياشباب ؟؟؟

[mr_vampire]

السلام عليكم ياشباب.

ايهما افضل من حيث التحمل فالسرعات ودرجات الحرارة العالية. مارشال ولا هانكوك والاتنين صناعة 2014 كوري

وبالنسبة لملء نيتروجين. هل هو افصل ولا هواء عادي وبيفرق في ايه ؟؟؟؟ وهل لو مملوء نيتروجين لازم كل ماازود تزود نيتروجين ولا ممكن اظبط هوا عادي بقي لان اكيد هتبقي تظبيطات خفيفة بسبب البرد والحر ؟؟؟؟؟

فانتظار ردودكم ياشباب.

[Ramadan Kader]

كلهم بلح
خليك فالبرادات النضيفه أحسنلك من العك ده بريدج استون . جوديير . ميشلان . بريللي. تويوو . كونتنتنال . بلاش كوري و ماليزي بلح خااالص و اى حد هيقولك مجربه و ممتاز قوله الى مدقش اللحمه تعجبة الكرشه............. ههههههههههههههههه.
و بلاش نيتروجين خليك فى العادي لانك فى النهايه هتزود هوا عادي

[monamize4]

السلام عليكم ياشباب.

ايهما افضل من حيث التحمل فالسرعات ودرجات الحرارة العالية. مارشال ولا هانكوك والاتنين صناعة 2014 كوري

وبالنسبة لملء نيتروجين. هل هو افصل ولا هواء عادي وبيفرق في ايه ؟؟؟؟ وهل لو مملوء نيتروجين لازم كل ماازود تزود نيتروجين ولا ممكن اظبط هوا عادي بقي لان اكيد هتبقي تظبيطات خفيفة بسبب البرد والحر ؟؟؟؟؟

فانتظار ردودكم ياشباب.

و عليكم السلام و رحمة الله و بركاته

- الافضل ياباشا اننا نقارن موديل معين بموديل تانى مش ماركة بماركة تانية
كل موديل بيبقى ليه مواصفات معينه من حيث
* السرعة (U او H او V)
* درجة الحرارة (A او B او C )
* التماسك (AA او ِA او B )
فا الفكرة اننا بنحاول نختار الكاوتش اللى ليه اعلى مواصفات ايا كانت الماركة

- النيتروجين طبعا افضل من الهوا العادى و الموضوع دا قتل بحثا رغم ان فى ناس لسه مش مقتنعين

http://www.nilemotors.net/Nile/3875322001-post7.html

و طالما مليت الكاوتشات نيتروجين ,, يبقى لازم تزودها بعد كدا بنيتروجين مش هوا عادى
عشان تحافظ على نسبة النيتروجين ف الكاوتش مش اقل من 95%

[mr_vampire]

المارشال اللي شوفته كان مقاسه 225/45/ 17. وكانت السرعة z والحرارة a والتماسك aa وانتاج 2014. كوري

وشوفت دانلوب ياباني بس مواصفات اقل شوية . فمحتار بصراحة.

ايه رايكو ياشباب ؟؟؟؟

[borio1704]

المارشال اللي شوفته كان مقاسه 225/45/ 17. وكانت السرعة z والحرارة a والتماسك aa وانتاج 2014. كوري

وشوفت دانلوب ياباني بس مواصفات اقل شوية . فمحتار بصراحة.

ايه رايكو ياشباب ؟؟؟؟

أنا بالنسبالي موضوع السرعة ده مش مشكلة قوي

بساطة كده.. الكاوتش اللي عليه H بيستحمل لحد سرعة 210

تجيب كاوتش أعلى من كده ليه؟؟


أنا شايف إن اللي فعلا يفرق معاك هو كود التماسك إنه لازم يكون A... وكود الحرارة ما يقلش عن B نهائيا.. والأفضل يكون A طبعا..

ما تنساش كمان تبص على كود التآكل (Treadwear).. وحاول تاخد فردة تعيش معاك شوية.. يعني الرقم ما يقلش عن 300

عموما.. الدنلوب صوته أهدى بكتير في المشي.. ودي حاجة مهمة لو بتحب السواقة الهادية.

أولوياتك هي اللي بتحدد



...

[mr_vampire]

أنا بالنسبالي موضوع السرعة ده مش مشكلة قوي

بساطة كده.. الكاوتش اللي عليه h بيستحمل لحد سرعة 210

تجيب كاوتش أعلى من كده ليه؟؟


أنا شايف إن اللي فعلا يفرق معاك هو كود التماسك إنه لازم يكون a... وكود الحرارة ما يقلش عن b نهائيا.. والأفضل يكون a طبعا..

ما تنساش كمان تبص على كود التآكل (treadwear).. وحاول تاخد فردة تعيش معاك شوية.. يعني الرقم ما يقلش عن 300

عموما.. الدنلوب صوته أهدى بكتير في المشي.. ودي حاجة مهمة لو بتحب السواقة الهادية.

أولوياتك هي اللي بتحدد



...

هو فعلا كود السرعة مش مهم اوي بس لما يبقي معاك رينج واسع يبقي افضل خصوصا لو في بلد سرعة ال 120 هي الطبيعي طول الوقت. فاهم اواوياتي الحرار عشان فالصيف بتوصل ل 48. وطبعا التاكل لان الاستعمال يومي ومسافات طويلة.

وشك ا ياباشا علي كود التاكل ده ااني اول مرة اسمع عنه فهيتاخط فالاحسبان ان شاء الله.

عموما علي مارشال كماركة كويس لاني مايل ليه عن الدانلوب والهانكوك مش عارف ليه ؟؟؟؟

[mr_vampire]

دلوقتي ياشباب انا استقريت علي نوعين هختار منهم ان شاء الله . الاول دانلوب ياباني والتاني مارشال كوري.

الاتنين زي بعض فالمقاس والمواصفات كلها temp A . Traction AA الاختلاف بس فال treadwear الدانلوب 240 و المارشال 360 فايه رايكو ياشباب ؟؟؟؟

مع العلم ان فيه موديل تاني للدانلوب ال treadwear 300 بس ال traction A مش AA.

فايه رايكو ترشحو ايه من الثلاث موديلات دول ؟؟؟؟

[monamize4]

دلوقتي ياشباب انا استقريت علي نوعين هختار منهم ان شاء الله . الاول دانلوب ياباني والتاني مارشال كوري.

الاتنين زي بعض فالمقاس والمواصفات كلها temp A . Traction AA الاختلاف بس فال treadwear الدانلوب 240 و المارشال 360 فايه رايكو ياشباب ؟؟؟؟

مع العلم ان فيه موديل تاني للدانلوب ال treadwear 300 بس ال traction A مش AA.

فايه رايكو ترشحو ايه من الثلاث موديلات دول ؟؟؟؟

imo ,,
نستبعد التالت (موديل الدانلوب اللى ليه traction ِِA) و نختار ما بين ال2 اللى ليهم traction AA
يبقى الاختيار مابين الموديل الاول و التانى اللى الفرق بينهم ف ال treadwear

الفكرة بقى ان ال treadwear لما بيقل ,, يبقى الكاوتش هيتأكل اسرع
لكن ف المقابل هيدى اداء افضل للفرامل (لان ليه COF افضل) و العكس صحيح
(و ان كان مش من المستحب اننا نقارن treadwear ماركة معينة ب treadwear ماركة تانية
و الاصح ان المقارنة ف ال Treadwear تكون مابين موديلات تابعة لماركة واحد
لكن برضه هيفضل الفرق ملحوظ مابين 360 و 240)

و بالتالى ياباشا الاختيار يرجع ليك
رأى الشخصى ان الكاوتش هو روح العربية و سبب رئيسى جدااااااا ف معظم الحوادث
و ماينفعش نسترخص فيه و بالتالى انا بميل للموديل الاول (الدانلوب)

[mr_vampire]

imo ,,
نستبعد التالت (موديل الدانلوب اللى ليه traction ِِa) و نختار ما بين ال2 اللى ليهم traction aa
يبقى الاختيار مابين الموديل الاول و التانى اللى الفرق بينهم ف ال treadwear

الفكرة بقى ان ال treadwear لما بيقل ,, يبقى الكاوتش هيتأكل اسرع
لكن ف المقابل هيدى اداء افضل للفرامل (لان ليه cof افضل) و العكس صحيح
(و ان كان مش من المستحب اننا نقارن treadwear ماركة معينة ب treadwear ماركة تانية
و الاصح ان المقارنة ف ال treadwear تكون مابين موديلات تابعة لماركة واحد
لكن برضه هيفضل الفرق ملحوظ مابين 360 و 240)

و بالتالى ياباشا الاختيار يرجع ليك
رأى الشخصى ان الكاوتش هو روح العربية و سبب رئيسى جدااااااا ف معظم الحوادث
و ماينفعش نسترخص فيه و بالتالى انا بميل للموديل الاول (الدانلوب)

تسلم ايدك ياباشا. وانا برده عقلي الباطن عمل زي حضرتك كدة استبعد التالت. وفسره اختار الدانلوب بس طمعان فال 360 بس عزاءه ان اكيد 240 ياباني افضل او يعادل 360 كوري.

وفعلا معاك حق العجل او روح العربية غير انه هيركب وهيفرم مشي عشان كدة الميزانية عمالة تعلي لاني مستخسر ادفع مبلغ وكان ممكن ازود حاجة بسيطة واجيب افضل منه. وبعدين مش كاوتش للعمر يعني ده من الاستهلاكات فلو عمل سنتين تلاتة يبقي تمام اوي وكدة كدة لازم يتغير عشان هيبقي عدي علي انتاجه سنتين تلاتة وممكن يبدء يشقق.

وبعدين في مواضيع هنا قارتها بتقول ان الدانلوب الياباني ناعم ومطباته مكتومة وملوش صوت غير ان فرامله حلوة. فهل ده كلها حضرتك باني عليها اختيارك ولافقط من خلال معطيات الفاكتورز ان كلها a ؟؟؟؟؟

[borio1704]

مبدئيا كده الاختيار أصح..

وأنا اتفق مع أ. monamize4 في إن مقارنة الtreadwear بتبقى أفضل جوه نفس الماركة. . لإنها مبنية على أساس منتجات الماركة نفسها.. مش على استاندارد عالمي للأسف.

فاضلك حاجة واحدة..

شوف مين فيهم تاريخ إنتاجه أحدث... علشان ده هيعيش معاك فترة أطول..

وعموما.. أي كاوتش في العالم (سواء كان خراطيم أو إطارات أو جوانات...) عمرها الافتراضي 5-6 سنوات.. حتى ولو كانت ما استخدمتش.

عموما.. تغيير الكاوتش المفروض يحصل بناء حالته وعمره.. مش بناء على هو مشي كام كيلو!!

وطريقة سواقتك بتفرق كتير.



...

[mr_vampire]

مبدئيا كده الاختيار أصح..

وأنا اتفق مع أ. monamize4 في إن مقارنة الtreadwear بتبقى أفضل جوه نفس الماركة. . لإنها مبنية على أساس منتجات الماركة نفسها.. مش على استاندارد عالمي للأسف.

فاضلك حاجة واحدة..

شوف مين فيهم تاريخ إنتاجه أحدث... علشان ده هيعيش معاك فترة أطول..

وعموما.. أي كاوتش في العالم (سواء كان خراطيم أو إطارات أو جوانات...) عمرها الافتراضي 5-6 سنوات.. حتى ولو كانت ما استخدمتش.

عموما.. تغيير الكاوتش المفروض يحصل بناء حالته وعمره.. مش بناء على هو مشي كام كيلو!!

وطريقة سواقتك بتفرق كتير.



...

طيب ياباشا لو موديلين دانلوب ( نفس الماركة اهو ) موديل فيهم ال traction A و ال treadwear 300 والموديل التاني AA وال treadwear 240 نختار ايهما ؟؟؟؟؟

وايه راي حضرتك فالدانلوب عموما من حيث الفرامل والصوت واحساس المطبات ؟؟؟؟

[borio1704]

طيب ياباشا لو موديلين دانلوب ( نفس الماركة اهو ) موديل فيهم ال traction A و ال treadwear 300 والموديل التاني AA وال treadwear 240 نختار ايهما ؟؟؟؟؟

وايه راي حضرتك فالدانلوب عموما من حيث الفرامل والصوت واحساس المطبات ؟؟؟؟

الموضوع يعتمد عليك انت :)

الموديل الأول (Traction A - Treadwear 300) ثباته كويس وعمره أطول
الموديل الثاني (Traction AA - Treadwear 240) ثباته أحسن وعمره أقصر..

وده طبيعي على فكرة... لإن كل ما كان الكاوتش طري ثباته بيبقى أحسن بس بيتاكل أسرع.

علشان كده بسألك... إنت إيه اللي يهمك أكتر؟؟ ثبات ولا عمر؟؟؟


أسهلها عليك..

لو سواقتك عادية ولما بتسافر بتمشي في حدود الـ140 مثلا... يبقى هات الموديل الأول.
لو سواقتك كلها غرز وملفات عفية.. وأغلب الوقت بتسافر ماشي فوق الـ140.. يبقى هات الموديل التاني

وأنا أتوقع إن الموديل الأول يعيش معاك حوالي 4 سنين .. والتاني 3 سنين.. لو سواقتك من النوع الأولاني.
لو سواقتك من النوع التاني.. نزل العمر حوالي 30-40 %



...

[mr_vampire]

الموضوع يعتمد عليك انت :)

الموديل الأول (Traction A - Treadwear 300) ثباته كويس وعمره أطول
الموديل الثاني (Traction AA - Treadwear 240) ثباته أحسن وعمره أقصر..

وده طبيعي على فكرة... لإن كل ما كان الكاوتش طري ثباته بيبقى أحسن بس بيتاكل أسرع.

علشان كده بسألك... إنت إيه اللي يهمك أكتر؟؟ ثبات ولا عمر؟؟؟


أسهلها عليك..

لو سواقتك عادية ولما بتسافر بتمشي في حدود الـ140 مثلا... يبقى هات الموديل الأول.
لو سواقتك كلها غرز وملفات عفية.. وأغلب الوقت بتسافر ماشي فوق الـ140.. يبقى هات الموديل التاني

وأنا أتوقع إن الموديل الأول يعيش معاك حوالي 4 سنين .. والتاني 3 سنين.. لو سواقتك من النوع الأولاني.
لو سواقتك من النوع التاني.. نزل العمر حوالي 30-40 %


الف شكر يافندم. ومن ناحية سواقتي مبعديش ال 130 تحت اي ظروف الحمد لله. بس فعلا يهمني الثبات اكتر علي حساب العمر الافتراضي لان بعد سنتين وتلاتة هيبقي العجلة محتاجة تتغير.

طيب راي حضرتك ايه عموما فالدانلوب فالفرامل والصوت فالمشي وفالنقر والمطبات ؟؟؟؟
...

[borio1704]

الدنلوب من الماركات المحترمة من زمان

أنا أفتكر إني كنت بشوف إعلانات لدنلوب من أكتر من 30 سنة..

عموما.. كل ماركة عندها أنواع حسب الاستخدام..

بالنسبة لموضوع الصوت .. فأحيانا بتبقى الفردة مكتوب عليها إنها "silent" أو "quiet".. بس غالبا النقشة بتبقى شكلها "غير رياضي"

طيب تقدر تجيب رقم موديل الفردتين واحنا نقارنلك من على الموقع علطول؟؟.. أكيد حتلاقي تفاصيل أكتر.


...

[mr_vampire]

لف شكر ياباشا وهحاول اجيب ارقام الموديلات.

لو تحطلي الموقع الرسمب لدانلوب يبقي تمام ادخل اتفرج ممكن اعرف الموديل من النقشة.