الجنط اتعوج خالص

[smora]

لو سمحتو محتاجه حد يفيدنى
انا وانا باخد ال U turn للأسف خبطت فالرصيف ودوست بالغلط عالبنزين والعربيه عومت منى بس الحمدلله لحقتها وسيطرت عالموقف والحمدلله مفيش اى خسائر غير أن الجنط اتعوج خالص بقا مورور كده ومش عارفه اعمل ايه
هل ممكن يتعدل ولا خلاص كده باظ ؟
وهل له اضرار على حاجه ؟
وأروح لمين يظبطهولى وهيكلفنى قد ايه ؟
ولا أروح التوكيل أفضل ؟
ارجو حد يفيدنى ضرورى

[elkorany]

طيب قو ل الجنط حديد ولا سبور
مقاسة كام
وصورة ليه
علشان تلاقى يعرف يساعجك
الجنط لو مش مظبوط
اولا هيبوز الكاوتش
على السرعات خطر ممكن يكسر الأكس
هيبوظ العفشة
ربنا يسترها
وسعره لو استعمال وحديد مش هيجيب 150 جنيه
ان شاء الله
ربنا معاك

[M.Elwan]

https://www.facebook.com/AWRSEGYPT?ref=br_rs

[smora]

معرفش حديد ولا سبور هو ايه الفرق
هى بيكانتو 2012

[J A G U A R]

الجنط لو اتعوج المفروض بتحسى بهزه فى الطاره وده طبعا ليه ضرر على الكاوتش وعلى البلى والعفشه وغيره
وفى ناس بتستعدل الجنوط والجنط ممكن يكون ف حدود 70 جنيه

[Mecha]

غيري الجنط او الفردة اهون من الضرر اللي هييجي منهم

[smora]

الجنط لو اتعوج المفروض بتحسى بهزه فى الطاره وده طبعا ليه ضرر على الكاوتش وعلى البلى والعفشه وغيره
وفى ناس بتستعدل الجنوط والجنط ممكن يكون ف حدود 70 جنيه

تمام بعد الخبطه منزلتش اشوفها وكملت بيها لحد البيت وكنت ماشيه عادى ولا فى هزه ولا حاجه خالص
لحد ماركنت عند البيت وشوفت المنظر اتفزعت
وتانى يوم الصبح روحت أقابل زميلى سألنى نفس السؤال دا قلتله ﻷ مفيش هزه ولا حاجه ورحتله بيها
والحممممدلله يا جماعه العربيه طلعت سليمه والجنط سليم والطاسه هى اللى اتعوجت بس

قولولى بقا الطاسات دى بتتجاب منين وبكام :d

[elkorany]

طالما طاسة
يبقى جنط حديد

مش هتلاقى طاسة لوحدها جديدة بتتباع
هتلاقى طقم اربع طاسات على بعض
مش عارف هتلاقيهم اصلى برة التوكيل ولا لا

هتلاقى الطقم اصلى فى التوكيل غالى بهبل

ممكن تشتريهم من بتوع استعمال الخارج الاستيراد
وممكن تشترى واحده او اتنيين اللى انته عايزة
الموضوع حظ ممكن تدوخ عليهم وممكن تلاقيهم على طول
السعر من اول 15 لحد 50 او 60

[J A G U A R]

تمام بعد الخبطه منزلتش اشوفها وكملت بيها لحد البيت وكنت ماشيه عادى ولا فى هزه ولا حاجه خالص
لحد ماركنت عند البيت وشوفت المنظر اتفزعت
وتانى يوم الصبح روحت أقابل زميلى سألنى نفس السؤال دا قلتله ﻷ مفيش هزه ولا حاجه ورحتله بيها
والحممممدلله يا جماعه العربيه طلعت سليمه والجنط سليم والطاسه هى اللى اتعوجت بس

قولولى بقا الطاسات دى بتتجاب منين وبكام :d

طب الحمد لله

لو عاوزه الاصلى يبقى ع التوكيل واعتقد الطاسه هاتبقى فى حدود 170 ل 200

وممكن تلاقى عند حد بتاع جنوط وطاسات بس هو وظروفه لو ينفع يديكى طاسه واحده استعمال بس مش هاتبقى اصلى ومش هاتكون غاليه ب30 .. 40 ولا حاجه

[Yousef.Kamel]

مادام مش عارفه الفرق بين اعوجاج الطاسه والجنط اﻻسبور من الحديد يبقى تشتري طاسه اما استيراد او طقم جديد صينى مش هتفرق معك على فكره فيه واحد بيبيع طاسات فقط فى ش دمشق بالقرب من ابراهيم ممكن تﻻقيها عنده

[S O P H O S]

بتتباع ممكن فشارع دمشق