محتاج مساعدتكم في تغيير كاوتش لانوس جولييت

[A.Elmosallamy]

السلام عليكم و رحمة الله و بركاته
بعد اسئلة و استفسارات كتير في المنتدى المحترم استقريت الحمدلله على كاوتش kumho ecsta spt ku31 مقاس 14/60/185 و يوم مانويت اشتري طلع عيني عشان الاقي الفردة دي و كل اللي موجود قديم اجدد واحدة لقيتها كانت انتاج اول 2012
فمحتاج مساعدتكم هل فيه انواع تانية افضل للمقاس ده ولا اتوكل على الله و اشتري الفردة دي مع العلم ان كذا محل قالي على ماركة فنلندي اسمها نوكيان الفردة شكلها محترم بس معرفش حد مجربها
مستني ردودكم عشان محتاج اغير ضروري للسفر

[A.Elmosallamy]

ايه ياجماعة 62 مشاهدة و مفيش ولا رد !!!!
طيب انا ادامي طقم انتاج الاسبوع الخامس سنة 2013 عاملة 425 كده قديمة اوي ولا شغالة وسعرها مناسب ولا ﻻ ؟؟؟

[aliyehia]

أسأل عن السعر في كذا محل و حتعرف غالي ولا لأ و بعدين ممكن تركب مقاس تاني زي 185/65/14 و حيبقي كويس و منتشر اكتر

[A.Elmosallamy]

أسأل عن السعر في كذا محل و حتعرف غالي ولا لأ و بعدين ممكن تركب مقاس تاني زي 185/65/14 و حيبقي كويس و منتشر اكتر

انا دوخت من كتر اللف المشكلة مش في السعر او المقاس المشكلة في نوع الكاوتش اللي انا عايزه كل اللي موجود منه قديم

[yassinahmed]

تاريخ الانتاج قديم جدا اكتر من سنتين حرام تشتريها

حاول تركز على خصائص الكاوتش و انسى الاسم خالص

يعنى ركز على Temperature و Traction لازم يكونو الرمز بتاعه A او اعلى زى AA

و كمان ركز على Treadwear كل لما كان الرقم عالى يكون افضل يعنى مثلا 450 اعلى من 400 و هكذا

و عدد طبقات ال TRADE يكون 4 او 6

و طبعا السرعه تكون H

و طبعا اقصى حمل للكاوتش و ده بيكون مكتوب بخط صغير او بيكون ليه رموز يعنى لو مكتوب H82 معناه اقصى سرعه بتكون 210كم و اقصى وزن للفرده الواحده 475 كجم و هكذا

و ربنا يوفقك

[egytamer]

سئلت علي مقاس 14/70/185 ولقيت يوكوهاما A Drive ياباني الفردة ب 450 جمب ابراج معروف في وسط البلد اية رئيك

[A.Elmosallamy]

تاريخ الانتاج قديم جدا اكتر من سنتين حرام تشتريها

حاول تركز على خصائص الكاوتش و انسى الاسم خالص

يعنى ركز على temperature و traction لازم يكونو الرمز بتاعه a او اعلى زى aa

و كمان ركز على treadwear كل لما كان الرقم عالى يكون افضل يعنى مثلا 450 اعلى من 400 و هكذا

و عدد طبقات ال trade يكون 4 او 6

و طبعا السرعه تكون h

و طبعا اقصى حمل للكاوتش و ده بيكون مكتوب بخط صغير او بيكون ليه رموز يعنى لو مكتوب h82 معناه اقصى سرعه بتكون 210كم و اقصى وزن للفرده الواحده 475 كجم و هكذا

و ربنا يوفقك

ماهو النوع اللي انا اخترته ده بعد اسئلة و استشارات كتير المشكلة انه عشان اقرأ كل الحاجات اللي حضرتك قلتها دي لازم تبقی الفردة ادامي و مفيش صاحب محل هيستحمل انه انزل كذا فردة و افضل اقارن بينهم هل فيه موقع الاقي فيه البيانات دي ؟؟؟

[yassinahmed]

تحياتى

لا اعتقد ان موجود سايت فيه البيانات ده بس انا قصدى و انت بتشترى تحاول تركز عليها اكتر ما يكون تركيزك على الاسم ساعات الحاجات العاليه بتكون اقل فى المواصفات ده و ربنا يهديك للصالح ان شاء الله

[A.Elmosallamy]

تحياتى

لا اعتقد ان موجود سايت فيه البيانات ده بس انا قصدى و انت بتشترى تحاول تركز عليها اكتر ما يكون تركيزك على الاسم ساعات الحاجات العاليه بتكون اقل فى المواصفات ده و ربنا يهديك للصالح ان شاء الله

المقاس ده فعلا مش موجود عالسايت بس موجود في السوق انتاج قديم وانا لو كنت مركز عالاسم فأكيد فيه حاجات كتير اعلی من الكومهو انا اخترت الفردة دي بناء علی نصايح و تجارب الاعضاء وياريت كان في امكاني اشتري حاجات عالية