استشارة عاجلة من خبراء الاطارات

[bodo122]

دلوقتى انا اشتريت 4 فرد كاوتش كومهو من حوالى 3 سنوات و نصف و استهلاكى للعربية خفيف و هما عاملين 25000 كم و عملتلهم كروس عند 15000 كم ،هل كدة انا محتاج اغير الكاوتش ولا استنى لما يكمل 40000 كم و خاصة انى محتاج اسافر بالعربية و ازاى اعرف ان حالة الكاوتش كويسة

[Adnfalcon]

عشان اكون صريح معاك .. انا و اخويا كنا ف سفر طويل من كام يوم
عربيته افيو و راكب عليها كومهو .. العجله اللي ورا شمال '' باظت'' اه باظت و اتنفخت كده وكانت هتضرب بس ربك ستر .. العربيه مكملتش ال 30 الف كم

[gmslem]

بسم الله الرحمن الرحيم

العمر الافتراضي للكاوتش هو ٣ سنوات ، من تاريخ صنعه ، حتى لو ما مشيش كيلو واحد ،،،،، لهذا غير ه. ، فورا. العمر غالي ،،،،،

[Abo_Mazen]

بسم الله الرحمن الرحيم

العمر الافتراضي للكاوتش هو ٣ سنوات ، من تاريخ صنعه ، حتى لو ما مشيش كيلو واحد ،،،،، لهذا غير ه. ، فورا. العمر غالي ،،،،،

بس تلاتة دي قليلة قوي ..أنا أعرف إن الإطارات بيسري عليها ما يسري على أي رابر في العربية ..زي السيور مثلا ..بيقولوا أربعين ألف أو أربع سنين أيهما أولا ..

[ali ashraf]

حاجتين مينفعش التوفير فيهم

حاجتين مينفعش التوفير فيهم اطارات العربية و تيل الفرامل ....بعد كده اعمل اللى عايز تعمله

[Adnfalcon]

العمر الإفتراضي للكاوتش .. 5 سنين أو 60 ألف كم ايهما أقرب .. للإحتياط 4 سنين او 50 ألف كم بس دا للإنواع العاليه
الكومهو و اخواته اخره 3 سنين و 30 الف كم بالذات مع ارتفاع درجه الحراره والسرعات العاليه

[bodo122]

متشكر على الرد ،انا رحت اضبط زوايا و الراجل قالى ان البطاحتين اللى قدام عايزين يتغيروا و بيض المقصات فهل اغير الكاوتش دلوقتى ولا اوضب العفشة الاول

[اياد علاء]

انا اطار سيارتى بقاله 6سنين ولسة مجابش اخره بس انا هغيره لان استهلاكى للعربية كتير والعربية ماشية 140000كم بس بتختلف مدة تغيير الاطار حسب الاجواء والاستهلاك والشوارع بس من رأيي ان الكوتشات بتعيش عمر طويل لو بتحافظ على نظافتها ولما متعديش بيها فى اماكن مكسرة وبتختلف المدة على حسب نقوش الكاوتش مصممة لأى بيئة وانواع الكاوتشات

للتعرف على نقوش الاطارات


http://www.nilemotors.net/Nile/392424-a.html

واتمنى قراءة هذا الموضوع وشكرا

[Abo_Mazen]

انا اطار سيارتى بقاله 6سنين ولسة مجابش اخره بس انا هغيره لان استهلاكى للعربية كتير والعربية ماشية 140000كم بس بتختلف مدة تغيير الاطار حسب الاجواء والاستهلاك والشوارع بس من رأيي ان الكوتشات بتعيش عمر طويل لو بتحافظ على نظافتها ولما متعديش بيها فى اماكن مكسرة وبتختلف المدة على حسب نقوش الكاوتش مصممة لأى بيئة وانواع الكاوتشات

للتعرف على نقوش الاطارات


http://www.nilemotors.net/nile/392424-a.html

واتمنى قراءة هذا الموضوع وشكرا :e_braces[1]:

لكن يظل هناك جدو ل زمني برضه لتغير الكاوتش ..حتى لو الكاوتش ده مركون عند التاجر على الرف