جنط 17 و الطرق المصرية

[fox_ah1]

السلام عليكم
أرجو الافادة ان أمكن ، أنا هستلم سيات توليدو ان شاءالله و كل خوفي منها هو مقاس الكاوتش 215/40/17
و بسمع كتيييير ان جنط 17 ليه مشاكله مع الطرق المصرية
هل تغيير المقاس ده ممكن ؟ و أنهي مقاسات مناسبة مع عدم التأثير علي العربية أو علي العفشة ؟
وحدود التكلفة كام ؟

[Samir_Adel]

مشكلة المقاس دة ان الكاوتش بيكون "لوو بروفايل" فا مش بياخد و يدي في النقر او المطبات.. و بالتالي بيكون بلالين و مشاكل و لو فكرت تخلية علي 45 بدل 40، العربية شبة هتعوم.. انا من رايي تكون حذر جدا و تسيبها علي ربنا و يستحسن متلعبش في مقاس الفابريكة لراحة العفشة.

[a7med ezz 20]

الموضوع كله ان العفشة هتبقي ناشفة شويه

[svneleven]

حضرتك أهم حاجة نحافظ علي ضغط الكاوتش مظبوط زي ما مكتوب علي قايم العربية و بلاش تسمع للناس اللي بتقول 30 في الشتا و 28 في الصيف و لازم تكون حذر حبتين في المطبات و النقر الغبية. العربية هتكون ناشفة للاسف لكن هتحس بثبات خرافي. لو بردو عملت بلالين بشكل كتير يبقي لازم تغير المقاس بتاع الكاوتش. و مش قدامك غير 215/45 عشان تحس بفرق و طبعا هيأثر علي ثبات العربية لأنه هيعليها ييجي 10 مم ب حالهم يعني انت هتحس بفرق لكن مش كبير يعني اللي هتكسبه اكتر من اللي هتخسره.

[fox_ah1]

طيب نفس العربية بتنزل الفئة الأولى والثانية ب جنط 16 معني كده اني اقدر اغير ل 16 عادي ؟؟؟

[Samir_Adel]

طيب نفس العربية بتنزل الفئة الأولى والثانية ب جنط 16 معني كده اني اقدر اغير ل 16 عادي ؟؟؟

هو مصلحة.. بس اكيد هيكون علي حساب الاوبشنز اللي في العربية.. قصدي اقول هتقل.. بس لو 16 يبقي ممكن يكون علي 55.. و دة مقاس مناسب للطرق المصرية.

[fox_ah1]

انا فعلا حجزت الهاي لاين بس ناوي اغير الجنوط اول مستلم ان شاءالله و ابيع بتوع العربية