اسبراي الطوارئ للكاوتش

[muslim_nsb]

وانا بدور كده لقيت على سوق دوت كوم اسبراي طوارئ يستخدم في حالة لو الكاوتش اتخرم منك في الطريق
العلبه الواحده تستخدم مره واحده فتقوم بلحام الخرم بالإضافه إلى نفخ الإطار
ودي صورته


ياريت لو في حد جربه يقول إيه تجربته مع المنتج ده

[haytham saad]

انا كان عندى فرده على الرض روحت لبتاع كاوتش عشان يجى يغيرها عشان معيش استبن المهم لاقيته جايب السبرى ده معاه و رجه و حطه فى البلف و فى دقيقه لقيت الفرده قامت يمكن على 26-27 و بعد كده روحتلو الورشه ظبط الهواء المهم هو قالى ان السبرى بيملى الخرام و ينفخ العجله بس لو الاخرام اكتر من 3 ممكن يفشىل و اعتقد سعره 35 جنيه

[shadyselim]

جميل جدا و مجربه اكثر من مرة

بينجر الموضوع فى دقيقة يعنى لو نازل و وراك مشوار و مستعجل و مش عاوز توسخ هدومك هو بينجز الموضوع فىاقل نت دقيقة بتكون الفردة شغالة من تانى بدون اى مجهود او عطله فعلا اختراع جامد جدا

[shadyselim]

انا كان عندى فرده على الرض روحت لبتاع كاوتش عشان يجى يغيرها عشان معيش استبن المهم لاقيته جايب السبرى ده معاه و رجه و حطه فى البلف و فى دقيقه لقيت الفرده قامت يمكن على 26-27 و بعد كده روحتلو الورشه ظبط الهواء المهم هو قالى ان السبرى بيملى الخرام و ينفخ العجله بس لو الاخرام اكتر من 3 ممكن يفشىل و اعتقد سعره 35 جنيه

سعره 29 على سوق

[salam100100]

انا جربته فالعجله الاماميه شمال

ميزته ان بيسعف فى حالات الطوارق

عيبه انه بيدخل جوه الفرده سائل زى اللزق ودا على السرعات فوق 60 بيخلى العجله تبرجل
كانها مش مترصصه ودا بسبب ان السائل دا بيلف جوه الفرده

واول متوصل لواحد بتاع فرد لازم يكشف على الفرده ويطلع السائل دا ويرجع يرصص تانى

هو مهم انه يكون معاك علبه فالعربيه , هيجلها يوم وتحتجلها

[shadyselim]

انا لازم بخلى معايا دايما واحدة او اتنين احطياتى لان اللى جربة فعلا مش هيستغنى عنه

[shadyselim]

انا دخلت على سوق سعره 29 جنية فقط

[akmm]

يعنى هو حل مؤقت فقط وليس دائم بالرغم من انه وكما ذكرتم مفيد في حالات الطوارىء .

[marko polo]

استفسار

طيب العربية ممكن تمشي اد ايةبعد ما يتحط في الفردة يعني الفردة هتريح تاني امتة

[shadyselim]

طيب العربية ممكن تمشي اد ايةبعد ما يتحط في الفردة يعني الفردة هتريح تاني امتة

مش هتريح تانى الا لو فى مسمار كبير هتروح لحد يشلهولك طبعا من الكاوتشة غير كده هتمشى بيها عادى جدا
من غير اى حاجة تانى

[marko polo]

شكرا

مش هتريح تانى الا لو فى مسمار كبير هتروح لحد يشلهولك طبعا من الكاوتشة غير كده هتمشى بيها عادى جدا
من غير اى حاجة تانى

شكرا علي الرد

[HishamShafai]

أنا مش مقتنع بهذا المنتج أفضل شيئ تكون مركب تيوبلس و معاك كومريسور قوى 2 سلندر إللى بيشتغل على البطارية مباشرة , هو ده الإنقاذ الحقيقى و يا ما فضلت ماشى بكاوتش به خروم و أزود هواء كل كام يوم لمدة شهر لحين أجد وقت على مزاجى أروح لبتاع الكاوتش الذى أثق به.

[muslim_nsb]

شكراً على رودودكم جمعيا

[احمد التربانى]

جميل للطوارئ فعلا"
لو كنت أعرفه من شهرين كنت إشتريته وأنا مسافر الساحل رايح جاى بدون إستبن
بس الحمد لله ربنا ستر والكاوتش كان أصيل ومرضيش يزعلنى
لذلك وجب الحمد ولعلها تكون ليلة القدر ،، فيا ربنا لك الحمد كما ينبغى لجلال وجهك ولعظيم سلطانك.

[shadyselim]

جميل للطوارئ فعلا"
لو كنت أعرفه من شهرين كنت إشتريته وأنا مسافر الساحل رايح جاى بدون إستبن
بس الحمد لله ربنا ستر والكاوتش كان أصيل ومرضيش يزعلنى
لذلك وجب الحمد ولعلها تكون ليلة القدر ،، فيا ربنا لك الحمد كما ينبغى لجلال وجهك ولعظيم سلطانك.

انا شايفه شيى اساسى فاى عربية سواء فى سفر او جوة البلد