افيدونى افادكم الله

[haithamhasan38]

السلام عليكم و رحمة الله و بركاتة .
انا معايا كليو 2004 المقاس الاصلى 14 . 175. 65
لظروف عدم الفهم تم تغير فردتين قدام ب 14 . 185 . 60

السؤال . هل فى مشكلة من المشى بمقاسين مختلفين يعنى هل يأثر على العفشة

تانى حاجة انا حشترى فردتين ورا . طبعا كدة حجيبهم زى اللى تم تغيرهم قدام 14 . 185 . 60 و حبعد عن المقاس الفبريكة حاجة بسيطة . هل دة برضة يأثر فى العربية من حيث الارتفاع او العشة

[haithamhasan38]

حد يرد عليا يا رجالة

[Samir_Adel]

طبعا هيكون في مشاكل.. منها عدم توازن و ممكن مشكلة مع الفرامل و خصوصا ان النقشة مش موحدة.. اي لعب في المقاس غير بتاع الشركة الموصية بية، بيكون ضرر و اجهاد علي العفشة.

[haithamhasan38]

الف شكر يا باشا بس هل الفارق حيكون كبير ولا مش قوى و هل الافضل انى احط قدام ال 175 اللى موصى بيها الشركة و اسيب ورا ال 185 ولا كدة الاضرار حتبقى اكبر من انى اوحد المقاس على 185 الغير موصى بيها

[aw2100]

الفرق بين الاثنين مش كبير وانصحك تخلى 185 فى الخلف وال 175 امامى وحاول تخليك فى مقاس الفابريكه !!

[svneleven]

يا فندم ان شاء الله ما فيش مشاكل لكن حاول تغير الفردتين ال تانيين و هات المقاس الجديد 185/60 و مش هتلاقي فرق بينه و بين الاصلي تماما ان شاء الله.

[Abo_Mazen]

الفرق مش كبير قوي ..وخصوصا لو حضرتك ما بتحطش سرعات عاليه ...بس في أول فرصه حاول توحد النقشات والمقاسات وما تطلعش عن مقاس الفبريكه

[haithamhasan38]

الله يفتح عليكم ، لكم جزيل الشكر